[أبيك و ما أبيهم .~]

معني مو عارف الهدف من هالموضوع يا أحمد سامي بعد كل الهيله و الشوشرة الي صارت بالموضوع السابق حول نفس القضية


بس على العموم انقول انه الحمدالله انه محمد القفاص طلع بريء من اي اتهام نسب له



أما عن الردود المستفزة و الي تحاول تقحم القضية الي صايره في البحرين .. انا و كمواطن بحريني و من خلال هالمنتدى باقول كلمة وحدة لك الاخوان الخليجيين الأوفياء و الاصيلين


ما يحتاي تعورون راسكم مع هالـ "حبربش"
اهمه ما شاء الله 99.99% من الشعب البحريني و طلعوا عشان الحريات و المطالب الانسانية الصادقة

و ما حرقوا و لا وقفوا بلد كامل شهر كامل .. بالعكس كانوا سلمييين سلمييييين ما شاء الله عليهم

العالم كله مذهول من حركتهم السلمية هذي



بس في النهاية البحرين راح تبقى "خليفية" غصبن على الي يرضى و الي ما يرضى
هذيله رموزنا و احنا نفديهم بارواحنا
غلاتهم من غلا ارضنا و ديرتنا البحرين الله يحفظهم و يخليهم ذخر يارب


و بس انا هالرد راح يكون لي الأخير في هالموضوع لأنه خلاص ماله داعي نتكلم فيه و خاصة ففي هالمنتدى
كل شي صار واضح وضوح الشمس و الحمدالله ظهر الحق و زهق الباطل
و عاد الأمن و الأمان للبحرين و كل من خذ جزاه و قاعد ياخذ جزاه و بياخذ جزاه في الايام اليايه

و بتتنظف البحرين من "الخمة" الموجودة فيها أمثال مشيمعوو و ربعه

و ان شاء الله بنرد اهل البحرين "سنة" و "شيعة" اخوان و حبايب و ما بنسمح لاي تحريضات او فتن من من يدعون الدين و يلبسون "العمائم" و يحاولون التأثير على الشارع الشيعي بـ "الدين" للدخول في مهاترات سياسية عشان ينفذون أجندات خارجية لايران و ربعها


و اعيد و اكرر بما انه انفتح موضوع البحرين في هالموضوع خلونا ننهيه ما نبي عقب هالموضوع انجوف اي اقحام سياسي في مواضيع و ردود هالمنتدى الفني الرائع