خبر متوقّع، خاصةً بعد خبر مسلسل "مذكّرات عائلية جداً" و قرب شهر رمضان الفضيل و حالة بو عدنان الصحيّة .. بالتوفيق لبو عدنان |
هلا ببحر الحب "وردة" نفس ماقلت قبل المسلسل احتمال كبير يتأجل وفعلاً ثبتت الرؤيه وتأجل ، خبر حزين طبعاً :( كان ودّي أشوف عمل ثاني حق هبة حماده + عودة العملاق بوعدنان ، بس السبب اللي انذكر بالأنباء "اشك بصحته" فكرة المسلسل هالووقت أنسب وقت له خاصة مع الظروف السياسيه اللي تمر فيها الكويت ، السبب الحقيقي بوعدنان تعبان الله يقومه بالسلامه ومسؤولين قناة فنون مالقو بديل فـ محمد المنصور توه راد من رحلة علاج وعبدالعزيز جاسم مايمثّل بأكثر من عملين وابراهيم الحربي بالمغرب يصوّر عملة والبقية مشغولين ،،، ففضلو يتأجل المسلسل ، اقتباس:
اسمحلي بعلق على كلامك ، هبه حماده تبث سموم فكريه في مسلسلاتها ؟! متى ووين ؟! انت تتكلم عن هبه صاحبة مسلسل ام البنات وابله نوره ولاهبة ثانيه ؟! :confused: اللي يتكلم عن قضايا سكر ، البيوت المشبوهه الخ الخ هذا اللي نسميه جريئ ومايراعي الشهر الفضيل مثل طالب الدوس وفجر السعيد وغيرهم ، اما هبه كل مسلسلاتها اجتماعية فيها قضايا انسانيه مثل "المعاقه وبيت الأيتام وناظرة المدرسه والأم المضحية" ، ممكن انتقد بإن كتاباتها احياناً تكون ضد الرجل ! او في قصص لها مقتبسه من الدراما المصرية وهذي عيوبها بس اني اقول افكارها فيها سموم وغيره هالحجي ماعتقد صحيح الكل يجمع على هالشي موبس انا !! |
اقتباس:
بس انا أؤكد لج ان السبب مو صحة العم بوعدنان، وحتى لو صرحوا بذلك تأكدي هذا مجرد تبرير بعدين مو كل مايعرف يقال. العمل من انتاج بوعدنان "مركز الفنون" فكيف يشوفون بديل؟ وشدّخل قناة فنون ؟! حدّث العاقل بما لايعقل فإن صدق فلا عقل له. هل كلامج تبرير للمؤلفة ولّا انتي مجرد متابعة بسيطة تعرف بعض الأشياء ولاتعرف كثير من الأشياء؟ سارة انا مايبت طاري هبة بالكلام لكن قلت "لكل من يستغل الظروف" واذا نتي شايفة اني أشرت لهبة فأقولج مخطئة.. يمكن انا اقصدها بس تأكدي اني ما اشرت لها، وهذا كلام بشكل عام موجه لجميع من يستغل الظروف واللي على راسه بطحة يحسس عليها. بعدين هبة عليها علامات تعجب كثيرة وكتاباتها فيها إثارة وجدل كبير وافكار مغلوطة فلا تحسسيني انها ملاك وبعدين لاتقولين "الكل يجمع على هالشي" منو هالكل؟ جم واحد؟ انتي مقتنعة بجملتج لماتقولين الكل يجمع على هالشي؟ هبة توجهها مكشوف واعرف امور كثيرة لكن الحين ماراح اناقشج بأمور تعتبرينها شي من قناعاتج، بعدين انتي وايد تدافعين عن هبة هذا من حقج ومو من حقي احاسبج على هالشي بس هم انا من حقي اتسائل اذا كانت بينج وبين الكاتبة صلة صداقة او عمل أو قرابة؟ اختم كلامي بمصدر موثوق والكلام على ذمته: هبة حمادة لاتؤمن باللبس الاسلامي النسائي وتراه حاجز يمنع المرأة من تحقيق المساواة بينها وبين والرجل، لذلك هاجمته في مسلسل زوارة خميس، واضاف المصدر الموثوق ان المشهد قد تم تعديله من قبل بعض المشاركين في العمل وكان يحوي كلمات قاسية لكن تم استبدالها بما دار في المشهد. |
حرام ابو عدنان يتعب في عمل مسروق من فيلم اجنبي ومكوت |
اقتباس:
هل لديك دليل على ذلك...؟؟ انا ايضا لا اتمنى ان اشاهد بوعدنان في هذا العمل لكن لايمكن ان نتهم المؤلفة بالسرقة، ربما تقتبس لكن ان نسمي الاقتباس سرقة فهذا امر غريب .. انا اؤكد لك ان هبة حمادة تكتب اعمالها بنفسها. |
اقتباس:
انتج في سنة 1999 قصته تدور حول تدمير العالم بالاسلحة الذريهx ابطال القصه هم عائله تعيش في سردابx بسبب خبر دمار العالمx هذي هي xالفكره التي اشرت بأن هبه اقتبستها وهي زبدة الفيلم وكذلك زبدة مسلسل السردابx x وطبعا الاحداث الفرعية من السهل تأليفهاx وخاصة اذا كان بدل العائلة عوائلx دام الفكرة الرئيسيه جاهزهx بيكون شغلك يقتصر على صنع المشكله وحلهاx وفكرت الفيلمx الصراعات التي تحدث فوق الارضx لاتجدها تحتهx وكذلك بيكون صياغ قصة هبه بعد انتهاء مشاكل شخصياتها ان الصراعات التي تحدث فوق الارض ، xلاتستمر وستتوقف تحت الارض x الزبدة متشابههx الصياغ متشابهx النتيجةx سرقه اذا مرة مضطر للاقتباس اقتبس ولكن بطريقه مهذبه x مثال : x فيلم نايتنكx بدل السفينة بقافلة جمالx وبدل الجليد بقطاع طرقx وابني قصتك كيفما شئتx لكن ان تأتي بسفينة x وتغير من المسارات الداخلية للقصهx مثل اسرة يموت ابنها بسبب مرضx وفتيات يحبون ولد واب يقسو على ابنته .... والخ وبالنهاية تحطم السفينة بجبل جليدي وتقتل نصف الركابx معليش x هذي سرقهx الفكرة الرئيسيه هي القاعده واساس قصتك الي كل افكارك بتلعب حوالينهاx متى ماقتبستها فاعملك كله مسروقx x تقدر تنسخ اسم الفيلم وتشوف اجزاء منه على اليو تيوب x وبتلقا ( دمار العالمx+ اللجوء للسكن في السرداب )x واخيرا وليس اخراx ناقد سينمائي محترف مايفرق بين الاقتباس والسرقه هذي مشكلةx لان الاقتباس توضح في نهاية العمل مقتبس من فيلم كذا او رواية كذا او قصة حياة فلانx عدم اشارتك لذلكx في الاعراف الفنية انت لصx وكثير افلام سينمائيه ضخمه حققت جوائز اوسكار مكتوب بنهاية الفيلم مقتبس من قصة كذاx و xفيلمx تايتنك بكبره مقتبس .x x لكن x اقتباسxxفكرة رئيسية بلا اشارة للمصدرx هذي وش تتسمى ؟x سرقهx وترى كلامي مو ضد هبهx بل على كثير من المسلسلات الخليجيهx اكثرها تقوم على ملفات سجون وقصص حقيقيه وواقعيهx بدون اي اشارة للمصدر الذي تم منه الاقتباس x x واضمن لك لو ابو عدنان عنده خلفية عن هالفيلم مباشره بيرفض مسلسل السردابx تاريخ فني طويل وباالاخير يشتغل بعمل مقتبس ؟x الفكرة تغري وتبهر الفنان الي اول مره تمر عليهx ولكن الي شاف الفيلم ماراح يغامر ويشتغل بفكرة مقتبسه منهx |
انا هذا الخبر يزعلني ويحبطني لاني اتمنى اشوف ابو عدنان ؟؟؟ ابو عدنان ايش مامثل يعجبني .. ويفرح القلوب .. تكفي طلته والله وانا ماحب الي يستبق الامور ويتشائم .. مدري كيف حكمتو ع المسلسل انه ماراح ينجح .. هل تعلمون الغيب مثلآ ... عمومآ والاهم الله يطول بعمر ابو عدنان يااااااااااااارب ويحفظه ,, وان شاء الله يطلع الخبر مو صح ,, |
ان كان الخبر صحيح فانصح المشاهدين بالاقفال التلفزيونات في رمضان كنت متفائل في هذا العمل لانه ماشي مع خط ابوعدنان ابو عدنان ما اشتهر إلا بالاعمال السياسيه ومايبدع إلا فيها بس ما اقول الا الله يطول في عمرك يابو عدنان اقتباس:
|
اقتباس:
بس ياليت توضح وجهة نظرك أكثر , كيف تكون هذه السموم الفكرية ومن يبثها و...الخ خاصة اننا كلنا ما شفنا العمل لانه ما تصور , مجرد قصة وقرأناها واطلقنا بعض الاحكام الفنية والغير فنية .. وانا اتفق معاك بأن هناك سبب حقيقي لتأجيل العمل |
اقتباس:
وكلامي موجه بشكل عام يعني ماتتمنى الفشل لكل من يستغل الظروف لنشر سمومه الفكرية مثل ما انا تمنى هالشي، اما اذا انا كنت اقصد السرداب او هبة فهذي نقطة ثانية لكن الاكيد اني ماقصدت السرداب. |
الخبر أسعدني و أحزني في نفس الوقت الجميل في الامر أن فكرة السرداب و الكاتبة ليسوا مناسبين لبو عدنان و أشعر أنه سيكون نسخة ثانية من الحب الكبير و العمل كان سيجمع الكثير من الشباب الشيء المحزن اننا قد لا نشاهد بوعدنان في رمضان القادم شكرا |
اظن ان العمل مجرد حبر على ورق |
أنا أعتقد أن السبب إنتاجي لاسيما وأنه يملك أسوء منتج أعمال عرفته الساحة الفنية حسن السلمان من يتعارك مع الكتاب ويسيء للعملاق حتى بالصحف ولنا في تجربة الحب الكبير خير مثال على الفريق الانتاجي المتهالك والمهترئ الذي يحيط بالعملاق . |
مسلسل " السرداب " فكرته مسروقه من الفيلم المصري " الارهاب والكباب " مع قليل من اللطشات الامريكيه ! "وردة" هلا وسهلا فيكم "وردة" "وردة"شلونكـم شخبـاركـم عسى الكـل بخير "وردة" في الآونه الاخيره كثرت سرقات المدعوه " هبه مشاري حماده " وكل مالها تتبجح اكثر وتصير عيني عينكـ ! يعني ما شاء الله عليها صرنا نعرف من وين سارقه فكرة المسلسل من اسمه :D تقول ان فكرة السرداب انفجار سفينه نوويه في دوله من دول العالم الثالث " فكره امريكيه " مما يؤدي الى لجوء مختلف افراد المجتمع في سرداب واحد " فكرة الارهاب والكباب " تستهبل علينا هي ولا تستهبل اخاف انها مصدقه انها كاتبه اديبه عريقه ما فيه زيها هالعبيطه استغفر الله اللي يشوف مقابلاتها يحس انها مختله عقلياً :D تدرون وش مشكلتها ؟ مشكلتها انها تعتقد ان الجمهور بس همه انه يناظر الحريم ولا يهتم للقصه والحوار وهالشي واضح طبعا من تكويمها لثلاثة ارباع ممثلات الكويت ورجاءً لا احد يقول لي استفتاءات وخرابيط .. الله يعافي الواسطات ! :p ولا يجي احد يقول المسلسل بعده ما نزل خلاص من عام 2008 وحنا عارفين عقليتها المسوسه وخرابيطها ما يحتاج ينزل المسلسل وترى الفن على قولتهم بالنسبه لهم " تجاره × تجاره " طبعا اقصد بـ هم الاخت والمنتج حقها والمخرج ... إلخ ما فيه شي اسمه فن !! وانا اعلن من هذا المنبر مقاطعتي لمسلسلات " هبه " والله لو تجيب نور الشريف وعادل امام ما طالعت لها مسلسل يا خسارة الوقت اللي ضيعته وانا اتابع خمبقاتها !! وعلى فكره .. انا عنـدي اقتراح حلو ومريح لنا ولها وللي معها ان شاء الله بطرحه قريباً في موضوع ثاني ! |
موضوع جميل و صدقت في كل كلمة قلتها لكن الا كم كلمة غلط تطلع منك مثل ( العبيطة او متخلفة عقليا ) كان نقدك جميل لكن بديت تخوره بالسب .. لكن مع ذلك نقد جميل جدا لو تشيل الجم كلمة اللي قلتها و يعطيك العافية و شكرا على الموضوع الجميل و ننتظر الموضوع الثاني |
| الساعة الآن 10:05 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0