الوكيل نفى هذا الكلام جملة وتفصيل وجريدة الراي بدأت الفتن من بعد ماكانت تنشر فضايح الناس

اتفق معاه المفروض الاعلاميين الكويتيين يلبسون الزي الكويتي بالكامل على شان يحافظون على الهويه الكويتيه بالكامل !! واتمنى انكم ما تقللون من قيمة الاستاذ يوسف مصطفى ترى من كبار الاعلاميين بالكويت و الخليج بشكل عام !! او لا تعطون الموضوع اكبر من حجمه .

وشكرا على الخبر

الزي الخليجي ليس واحدا !!! الزي الكويتي يختلف عن السعودي ويوجد اختلاف بسيط !! ويختلف عن القطري و الاماراتي والعماني ويوجد اختلاف وااااضح جدا !!
وانا ماني شايف اي عنصريه بالقرار ولكن حفاظا على الهويه الكويتيه بالكامل !!

حبايبنا مهما اختلف زينا عن بعضنا ... ترا نبقى اهل واخوان .. ومانبي حزازيات واطلاق شرر لافتعال حريق ..

كويتي سعودي بحريني قطري اعماني اماراتي كلنا واحد والله لايغير علينا ... وكل وزارة في اي قطاع واي دولة خليجية تشترط الزي الرسمي لدولة ... مو شي غريب ولا فيه نوع من الكره لاي احد ..


وشكرا لكل من شارك

كنت محضر رد سوف يعجبكم بس ماشفت مايثبت هذا الكلام لا خطي ولا صوت وصوره حتي ان الرجل نفي طيب
ماهو معقول اهجم عليه من غير دليل وانا من طبعي التثبت وانا ماني من اللي يطير بالعجه سمع شئ على طول
احكم واهجم واصلا لبس من تعاليم القران هناك قاعده بسيطه وسهله لو طبقناها كان ارتحنا وما عطينا لشائعات
ارض خصبه وسهله والقاعده هي من القرآن قال تعالى(وان جائكم فاسق بنبأ فتبينو ا ان تصيبوا قوما بجهاله--الأيه)
طبعا انا ماقصد احد ولكن قاعده عامه نطبقها في حياتنا والقاعده في غايه الانصاف واصلا جاءت من مين
وطبع المسلم ان يكون حكيم ورزين ويتثبت ومايطير بالعجه-----------------رأي شخصي

والنعم الرأي اخوي العزيز ...

ولاهنت على المداخله ..

لا هذي قويه
كل السعوديين عندهم اشمغه بيضاء وحمراء مثل الكويتيين

بعدين الزي الخليجي واحد ويخسى من يجي يفرق

العنصرية هذي لا تمثل كويتي ولا سعودي ولا شيعي ولا سني
تمثل ايراني منقهر

هذا اذا كان فعلا الخبر مو ملفق

لا ما يختلف ،، ومافيه شي اسمه هوية كويتيه بالكامل

اللي نعرفه من انولدنا الزي الخليجي ، اللهجه الخليجية ،، العادات الخليجية ،،الخليج العربي

الاختلافات اللي تقول عنها لا تذكر