كلهم فاشلين ماعدا سلطان العلي فهد البناي |
ياهلا والله يازهرة "وردة" يعطيج العافيه عالموضوع الحلو ، وقتنا هذا وقت الشباب :) اخر السنوات صارو ينافسون النجوم الكبار سواءً ممثلين او كتاب ومخرجين !! لمع في بداية الألفيه بمسلسل جرح الزمن + الشريب بزه بعدين ماقمنا نشوفه الا يستعرض عضلاته ببروفايله عالفيس بوك !! ماقدم شي مهم ،، شوجي ظلم تتسمّى وجه شاب انطلق :rolleyes:! لأن عمرها الفني 14 سنين ، "وردة" هذي أمل الدراما الحقيقي ، وأشوفها خليفة سعاد وحياة لو استمرت بإختياراتها الحلوة "وردة"، هيا عبدالسلام وجه حلو "برز" وي دحام الشمري بس حصرت نفسها معاه !! وأشوفها ناجحه معاه وفاشله وي غيره ، اتابعلها هاليومين "متعب القلب" تمثيلها وايد بارد !! حتى بأم البنات بعد !! عموماً هيا محتاجه تشتغل على نفسها وايد ،، وحاصره نفسها بأدوار المسكينه المغلوب على أمرها ،، ماأدري اذا بتنجح لو خذت دور شرير مثلاً ؟! عمرها الفني 3 سنين بس حققت انجاز وايد حلو واختصرت مشوار سنين :) بدت بداية قوية مع سعاد عبدالله وداوود حسين ومثل ماقالت بلقاء بالتلفزيون "مااستعيلت وانا طالبه بالمعهد عالتمثيل" عشان مابي أمثل وبس ! تنفع للأدوار الجادة + البنت المسكينه ، اشوفها بأم البنات وفضه كانت قمممممممممممممه "وردة" وينها ملاك ؟! هالممثل ياريته مادش ستار اكاديمي لأني كنت احبه "بالخراز" بس بعد ماكشف عن شخصيته الحقيقيه بالأكاديمية صرت مااقدر ابلعه امانه :D حبيتها بمسرحية المدينه الثلجية "وردة" وننطر يديدها هالسنه وي طارق العلي ، مع الأسف الوسط الفني متغلغله فيه الواسطه لهالدرجه !! تمثيل صفر عالشمال والمشكله بكل مسلسل اشوف ويهه ، بس لأن ابوه المنتج يفرضه على العمل فرررض ! بغض النظر عن أبوه وأخوه :D بس الممثل هذا ينحب مشالله "وردة" فهد ممثل روعه وعنده "كاريزما" حلوة بس حصر نفسه بمسرح طارق العلي !! سمعت انه بيمثّل بمسلسل جفنات العنب برمضان وهالشي وايد زين "وردة" انطلق انطلاقه قوية بزوارة خميس ! دورة كان روعه وكسب قلوب الكل ،، اتمنى يستمر على نفس النهج خاصة انه خريج المعهد العالي ،، وايد وايد وايد احب تمثيله "وردة" وأشوفه من ابرز الوجوه الشبابيه ،، |
الوجوه الجديدة متعددة وكثيرة جدا ً وهذه ظاهرة صحية ولكن الغير صحي هو مستوى هذه المواهب فليس كل من يتخرج من المعهد العال للفنون المسرحية يعتبر فنانا ً وموهوبا ً نحتاج لتنقيح الوسط الفني من الشوائب التي لحقت به مؤخرا ً ,, وزارة الاعلام لا تلعب اي دور ونقابة الفنانين انتهت من حيث بدأت من الاسماء الموجودة بالموضوع لا أجد الموهبة العالية في أحد ربما فاطمة الصفي آداؤها مقنع وايضا علي كاكولي أعتبره فنان ومبدع وموهوب شكرا ست زهرة . |
محمد الشعيبي منذ بداياته وانا احس انه فنان موهوب بس ياليت اذا بيمثل لا يمثل كوميدي لانه ثقيل دم بشكل مقرف وحاليا ما اشوف له اعمال ؟؟ ثامر الشعيبي فنان كوميدي بوجهه نظري رائع بس يحتاج دور حلو والدليل غشمشم دوره يضحك فيه بس في بعض حركاته يقلد اخته شجون الهاجري مبدعة وفنانة ومذيعة موهوبه جدا وشهادتي فيها مجروحة بس ياليت تكون قدوه لشباب جيلها وتبتعد عن الصرعات الي كل سنه تطلع فيها والبنات واليهال يقلدونها ياليت بس... هيا عبد السلام فنانه حلو تمثيلها ومتواضعة وااايد بس احس بدري على الادوار الرومانسية عليها احس روحها روح طفلة ؟؟ ياليت تركز على الادوار المركبه يكون احسن. فاطمة الصفي شخصية موهوبة جدا ولاتقل قيمة عن شجون وااااايد تقنعني با ادورها واعتقد بيكون لها ان شاء الله مستقبل كبير بس ياليت نشوفها مع الكبيرة حياة الفهد !! بدر الشعيبي صوت حلو بس تمثيل بصراحة ما ادري احس لو يصير مذيع احسن له . ملاك الصراف ؟؟؟ خالد بو صخر ما يعجبني ولا زاد عدم اعجابي فيه الا انه دخل ستار اكاديمي نورة العميري تو الناس نحكم عليها ؟؟؟ فهد باسم عبد الامير فنان جيد واعتقد لو يبتعد عن المسلسلات الي ابوه ينتجها كان يمكن ينجح. طلال باسم عبد الامير يا حليله فنان حلو تمثيله ومميز والدليل زوارة خميس سلطان طارق العلي ما اقدر احكم عليه لين يبتعد عن ابوه ونشوفه في مسلسلات ومسرحيات من دون ابوه علي احمد ما قمت اشوفه الحين ؟؟؟ فهد البناي مشروع فنان كوميدي بس ياليت يغلص اعماله مع طارق ويشوف احد من نجوم الكوميديا العمالقه ويمثل معاهم حمد اشكناني تو الناس احكم عليه حمد العماني والله انا اشوفه مبدع بس ياليت يبتعد عن ادوار الشاب المدلل واعتقد بيكون له مستقبل باهر اذا تم يمثل مع العمالقه. تحياتي لج اختي زهره على الطرح المميز |
هناك فرق ما بين الموهبة وتحتاج الى صقل بالدراسة والى دراسة مع عدم وجود موهبة |
| الساعة الآن 04:42 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0