الوصول للفنانة
 

السلام عليكم ورحمة الله وبركاته

انا اسف لان وجودي صار نادر في المنتدى بس اوعدكم راح اكون معكم وارد على مواضيعكم

طبعا قريتو العنوان (الوصول للفنانة) تدرون من هذي الفنانة؟

طبعا ماتدرون : الفنانة هذي هي( ميعاد عواد) شفيكم تفاجئتو؟ ايه ميعاد عواد الفارس الملثم و منى اللي بحب ومطب عرفتوها طبعا

رحت لقطر وبالتحديد منطقة الهلال المهم جلسة يوم كامل ادور عن المحامية ميعاد الزبيدي ادور ادور بهالمنطقة وفجاة جتني فكرة قلت ليش ما اروح عند احد المحامين واسالهم ويوم طلع الصبح رحت لمكتب محامية اسمها موزة الشامسي قلتلها السلام عليكم وعلمتها بكل شيء قالت راح اخدمك وراح اوديك لها برسم الخدمة بس مو اليوم باجر قلت خلاص انا اجي باجر مكتبك وتوديني قالت خلاص المهم ويا باجر ورحت وياها ياجماعة كنت مرتبك حيييييييل و ريولي مو شايلتني المهم جان ادش مكتبها و وياي المحامية موزة قالت الشاب هذا يبيج قالت اهلن تفضل ياجماعة ما صدقت والله ما صدقت ان اللي جدامي الممثلة ميعاد عواد انربط لساني قالت اهلن قلت ياهلا والله قالت عندك قضية ولا مشكلة ولا شنو؟ انا سرحآآآن فيها قلت لا هذي ولا هذي ولاهذي الحمدلله قالت اجل؟ قلتلها انا اسمع الناس يقولون ميعاد عواد و ميعاد عواد انتي ميعاد عواد؟ قامت تضحك قالت اي نعم انا ميعاد قلتلها عنددي كم سؤال وبعدها بتوكل بطريقي قالت تفضل قلتلها :

ودج تردين للفن؟
قالت وييييه انا تاركه الفن لي 26 سنة وانت جاي تذكرني

قلت لا ابد بس مجرد سؤال
قالت لا الحمدلله انا جذي مرتاحه

قلت في احد متواصل وياج الا الحين من الوسط الفني
قالت ابدد بس كانت تجيني انتصار الشراح لفترة الين تحجبت

قالت بعدين الفن سبب لي مشاكل مالها اول من تالي قلت الله يكون بعونج
قالت بس انت ياي تسالني هالاسئلة قلتلها والله ثم والله اني تعبت تعب عشان اوصل لج قعدت تضحك قالت شدعوه؟ قلت واللله هذا اللي حصل قالتلي من وين انت؟ قتلها كل شيء عني كل شيء حتى مقاس فنيلتي قلتلها قالت اخذ ياطلال الكرت مال المكتب ومتى ما ح احتجت شي اتصل فيني قلت مشكوووره والود ودي اقعد وياج طول الوقت قالت تعال تعال قت هلا؟ قالت انتا جم عمرك ؟ قلت 17 قالت عمرك 17 شعرفك فيني ؟ و شعرفك اني فنانة قلتلها انا احب كل شيء قديم وبصراحة انا من يوم عمري 7 سنين وانا احب مسلسل الغرباء قالت الله واكبر قلت والله قالت عالعموم هذا الكرت مال المكتب وقلت مشكورة ومع السلامة



نقاط من الموضوع ::/ ياحماعة الفنانة ميعاد ما تغيرت الا اللهم الحجاب وسمنة شوي غير جذي لو احد يروحلها يلاحظ ان لهجتها تميل للـ لهجة العراقية بشكل كبير غير عن قبل وبصراحة انسانة خلوقة جدا جدا وحبوبة ومحترمة جدا جدا وتحب الكويت بشكل غير طبيعي وتموت على الكويت وتقول وهي تضحك كان الشارع اللي عالبحر هو طريقي المفضل ايام الثمنينات





واللي يبي رقم مكتبها يقولي ومشكوريييييييييين

الله يوفقها وين ماتكون

بس مالي حاجة برقمها اخر اهتماماتي التواصل مع الممثلين والممثلات :)

يعطيك العافية

عطيتها اكبر من حجمها يا اخ طلال وياليتك استفدت من وقتك بشي اهم من هذا.

لفت نظري ان انتصار الشراح كانت تتواصل معاها الين تحجبت!!!

اشمعنى الين ما تحجبت يعني؟

والله مادري يا اخوي فارس بس هذا اهو كلامها

بصراحة لقاء ممتع ورائع وأثار لدي الكثير من الشجن عن الفنانة الجميلة ميعاد عواد

وأقدر حبك وحرصك على لقائها وأنت أجبت على الكثير ممن يحاولوا البحث عنها أو الوصول لها


و عرفنا منك أنها بخير وأنها تقوم على مكتب محاماة .. وعن بعض التفاصيل الرائعة




شكرا ً طلال الدعيع موضوع رائع وجميل .. وأما الاعضاء المثبطين والمتهكمين أقول


الصمت حكمة


كل الود يا طلال .

فنانة جميلة وكان لها اعمال رائعة والله يوفقها بحياتها

اخوي احمد صراحة لي الفخر انك ترد على موضوعي

والاخ صدى التاريخ اي والله صدقت فنانة جميلة ولها اعمال ما تنسي

الله يوفقها وين ما كانت صج فنانه كانت متميزه

اهنيك على هذا الحس الشعوري تجاه كل من يقدم إبداعا

بوركت خطواتك