[حقاني]

في هذا الموضوع سنقوم بالإشارة إلى بعض المآخذ بالإضافة إلى طرح الاقتراحات على : الاكسسوارات .. الملابس .. الديكور ..
وغيرها من الكماليات التي تجعل المشاهد يعيش فترة الثمانينيات (1980s) .. الفترة التي تدور خلاله أحداث العمل
والتي ربما تكون قد غابت عن أذهان القائمين على العمل وعلى رأسهم مخرجه المبدع محمد دحام


الموضوع بانتظار إضافاتكم ..

سأبدأ ببعض ملاحظاتي (أغلبها عن الملابس)


1
المسجلة



هذا المديل من المسجلات ماعرفناه إلا بالتسعينات .. بالثمانينات كانت المسجلات أقرب للشكل التالي:





2
الـ ( قولة أو الكلر ) .. رقبة الثوب



هذا الموديل .. القولة العريضة السميكة .. انتشر في الكويت بالذات في نهاية التسعينات تقريباً !
موديلات الثمانينات كانت معروفة بأنها أضعف بكثير .. بعرض الزرار مو أكثر


3

2 في 1


حسين المنصور ضرب بالستايل الثمانيني عرض الجدار!
ستايله في هذي الصورة ألفيني بامتياز!

عندي ملاحظتين على هذي اللقطة

الأولى
الغترة المنشية .. النشاء
الغتر والشماغات اليابسه ماعرفناها بالخليج إلا مابعد منتصف التسعينات .. أما قبلها .. تقول كأن الغترة منقعينها في طشت ماي ولابسينها !


الثانية
السبعة!
مايسمى بالـ مرزام أيام الثمانينات كان شكل واحد تقريباً لايتغير .. وهو المرزام الكلاسيكي : السبعة المقلوبة .. الستايل اللي لايزال شيبان الخليج متمسكين فيه!
لكن للأسف سبعة المنصور في المسلسل .. عدله!


4
الغتر الطويلة

لو تشوفون مسلسلات الثمانينات .. بتلاحظون ان الغتر كانت قصيرة .. أقصر من اللي بالصورة
عبدالرحمن العقل الله يذكره بالخير كانت غترته ماتتعدى كتفه لما ينسف الكوبرا !

5
الشوارب المحددة


في الثمانينات .. انتشرت موضة الشوارب الغليظة الغير محددة الأطراف .. وكفا برويشد الثمانينات مثالاً