الكابته : هبه مشاري حماده ( ملاحظة عتاب ) السلام عليكم اخواني اعضاء الشبكه مبارك عليكم الشهر ماراح اطول في موضوعي لانه ملاحظه على الكاتبه المميزه هبه مشاري حماده http://www.alqabas.com.kw/Temp/Pictu...3a68d_main.jpg استغرب شاهدت لها مسلسلات من كتابتها لكن في هذه الملاحظه انها تظهر صورة الرجل انه قبيح وحقير وخائن في اسوء الامور واخر مسلسل بوكريم في رقبته سبع حريم في الحلقه الاولى اظهرت الرجل انه سيء ومنحط الى ابعد الحدود في مشهد لمياء طارق مو بس هذا المسلسل حتى المسلسلات الماضيه ام البنات اظهرت الرجل انه متسلط وان الحرمه هي الملاك في مسلسل فضه نفس الامر مع خالد البريكي عمل عملته وهرب رصاصة رحمه مافيه اختلاف ايضا نفس الامر يعني انا ابي افهم مشكلة هبه انها تظهر الرجل في اسوء صوره مع ان المرأه لاتخلوا من هذه الامور ليش ماتظهر كم رجل دخل السجن من اجل حرمته بس الي عجبني عبدالعزيز المسلم انه في مسلسل نور عيني اظهر الرجال بصوره مختلفه مو كل المرأه مظلومه حتى الرجل بعد مظلومين واصابع يدك مو سوى تحياتي لكم وعطوني رأيكم |
بالنسبة للمشهد الي ذكرته، بعدها بثواني قالوا إنّ الغلط على [المرأة] الي وصلتها للشقة. ما له داعي نحكم على شيء مستندين على انطباعات سابقة. = ) |
أنا لاحظ ملاحظة على بوكريم .. ألا وهي إنها نفس فكرة زوارة خميس أقولكم كيف .... ان زوارة خميس يوم تجمعو في "الشاليه" البنات والام سعاد عبدالله قالو سوالفهم اللي طلعت وشافت زوجها مرة متغدي مع عياله وواحد يطلع عياله الالعاب .. بالضبط نفس الحركة كل مرة الدور على وحده .. هذي هي ملاحظتي ^^ |
اقتباس:
عموما الشخصية الرئيسية بالعمل (بوكريم) كانت طيبة , اضافة الى شخصية اسامة المزيعل .. وبلاش نستعجل بالحكم .. |
عفوا أخوي الجنرال أنت أخذت بس أن هذا الشخص المنحط رجال و البقية بو كريم و غيره وين راحوا و لا تنسى أن الي وصلتها هناك حرمة فيعني لا تتسرع بالحكم و نشوف بقية الشخصيات و لاننسى أن هذه الشخصية جانبية و ما لها علاقة بالأحداث المهم صورة الرجل بالشخصيات الأساسية في القصة .... مع ذلك ما أدري ليش حاس أن هذا آخر مسلسل يجتمعون فيه هذا القروب ... و أشوف أن هبة لو تغير طريقة الراوي بدل تكرارها من أم البنات إلى بوكريم يكون أحسن |
مافية شي المشهد بس انه نسخة مغايره من ام البنات (ابو البنات ) |
يا اخوان الكاتبه جيده التقدم ملحوظ بمستواها كانت لي نظرة على كتابتها من ناحية كثر الشخصيات بلا داعي الحوارات الغير لائقه بمستوى السيناريو وخاصه عندما تتعامل مع خمس شخصيات وما اكثر حيث تجعل كل شخصية تقول جملة قصيرة وبشكل مرتب وكأن الخمسه شخص واحد مما يجعلنا نحس بأننا امام حوارات اطفال المبالغة في السيناريو حيث نرى الشخصيات جميعهم في غرفة واحده شخصية تتكلم والجميع يبكون وفيه كم شغله لكن للامانة بو كريم عمل مميز تقريبا التراجيديا الاول به هذا العمل حكمي النهائي عليه بعد اخر حلقة الان ماقول الا انه يبشر بخير وسعد الفرج كاعادته وحش |
كما توقعت ياصاحب الموضوع الحين تاكدت ان هبه مشاري انسانة متعقدة واحس احيانا ان فيها بعض الشذوذ اصلا اللي يشوف وجه هبه يلاحظ انها ماتفرق عن شجون بشي اشباه رجال واليوم شفت المشهد وطلع انه اغتصاب كالعادة وان اخواتها غطو عليها وانتهى الموضوع |
هو لسان حال المؤلفة ان الرجل بوجهة نظرها خائن وقبيح وحقير مثل ما عبدالعزيز المسلم لسان حاله يقول ان الرجل ملاك ولا يخطئ وفوق مستوى الشبهات كل مؤلف له وجهة نظر بعمله اللي يقدمه ومو معنى ان كل اللي تقوله هبة بأعمالها صحيح ولا كل اللي يقوله المسلم ب أعماله صحيح |
اقتباس:
هبة افضل كاتبة تكتب الحوارات , ونقدر نقول بأنها قضت على تقليدية الحوار الخليجي النمطي المكرر .. حواراتها بعيدة عن الحوار المعتاد ( منو ياينا هالحزة ) , او الحوار العالمي التقليدي بين الام وولدها ( يما انا بتزوج ) وترد عليه الام ( هذي الساعة المباركة ) .. الحوار باعمالها يكون عميق ويغير نوعية اداء الممثل حتى وان كان المخرج عادي , فشتان ما بين اداء الممثلين في (بوكريم) وباقي الاعمال .. |
اقتباس:
|
والله أستغرب من الي يقول المسلسل شبيه لأم البنات و زوارت الخميس ياجماعه في شي ماتفهمونه في أدوات بالكتابه والدراما اهي الي ممكن تكررت وهي جديده على الساحه ووايد حلوووه وهل أدوات اهي على فكره سبب نجاح كتابات هبه ... |
وبدأت الحرب على هبه الحماده وسوف تأخذ 6 اشهر كما اخذت في زوارة خميس عالعموم إلى الان التقدم بصالح المسلسل تابعت باقي المسلسلات وكانت عادية جدا |
اقتباس:
|
الأسلوب هو أسلوب هبة لم يتغير المسلسل يعيبه عدة أشخاص، منهم المخرج المتواضع ( منير الزعبي ) والباردة ( فاطمة الصفي ) |
قصة المسلسل الرئيسية هي ان ليلى السلمان " وهي مرأة " قطت بناتها على سعد الفرج " وهو رجل " وليلى راحت تعيش حياتها وتزوجت واحد غني وسعد الفرج سنين ومنين يبي بناته اعتقد بهل النقطة " المرأة " بصورة سيئة وال"رجل ط بصورة ملاك وهذي قصة المسلسل الرئيسية وليست فرعية " كالإغتصاب" |
يااخوان تابعوا تاليف هبه بتركيز راح تشوفون ان الرجل عندها سيء من اول مسلسل الى بوكريم حتى امميه في دار الايتام يظهر ان الرجل خائن وان المراه هي المسكينه وخصوصاً في مسلسل امميه انواع الرجال السيئين تضعهم في المسلسل وفيه شعار عند هبه ان الرجل يعمل عملته ويهرب في كل اعمالها شوفوا الاعمال وبعدي تكلموا |
والله كل شخص وله وجهت نظر و هبة كيفها |
انا اشوف هبه مشاري حماده بكل مسلسلاتها تيمع 6 7 بنات وكلهم نفس الشي مثل شجون والصفي وبثينه وغيرهم بكل مسلسل مع بعض شسالفه ؟! |
الكاتبه متميزه صح بس كل مسلسلاتها مقتبسه من افلام قديمه ابله نوره مقتبس ام البنات مقتبس اميمه مقتبس وبو كريم مقتبسه من شخصيه فلم قديم زواره خميس مو مقتبس واكثر عمل نجح وسوه ضجه يعني الكاتبه لو ما تقتبس جان الحين محد انتقد مسلسلها بس اتوقع بعد سنه او سنتين جدام راح تتقدم بأعمالها واكثر نسبه مشاهده أعمالها مو عشان القصه لانه أهي تختار فنانين حيل لهم شعبيه والناس تحبهم ولانه الفنانين اللي تختارهم محبوبين فاكيد بتكون اكبر نسبه مشاهده أهي اعمال الكاتبه هبه حماده سوري عالاطاله |
اقتباس:
اقصد توزيع الحوارات كان فيه مشكله وفي هذا المسلسل تعدل وصار التوزيع جيد وافضل من اميمة او زوارت خميس |
هبة مشاري من مسلسل ام البنات لا اتابع لها اي عمل اي عمله تقدمه يجب ان يكون الرجل الشرير و لا اعلم متى مسلسل الرجال الشريرون سنتهي عندها و اغلب اعمالها فيها المط و الملل في اللحظة التي يشاهد المشاهد ساعته عندها يكون العمل مملا اتمنى منها تقديم عمل يقدم فيه الخير او الشر لكلا الجنسين فليست حواء فاضلة و ليس آدم فاضل كلنا فينا الخير و الشر و ايهما يطغى على الآخر من 4 اشهر اشتريت زوارة الخميس دي في دي و كم مرة حاولت متابعة العمل لربما يكون افضل من ام البنات لكن وصلت لقناعة انه هبة مشاري لن تقدم الجديد لي سوى الرجال الشريرون وجهة نظر من مشاهد |
| الساعة الآن 01:02 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0