نقول عليها خلاص؟
 

السلام عليكم ورحمة الله وبركاته

اتمنى لن تكونون بصحة وعافية .....


طبعا قريتو الموضوع شنو هي اللي نقول عليها خلاص؟

انا اعلمكم شنو

المسرحيات ياجماعة المسرحيات

ليش ما تنعاد المسرحيات الكويتية مثل قبل مثل دقت الساعه مثل بالمشمش مثل شيكات بدون رصيد مثل مثل مثل ....

ليش ما نعيد ذكريات هذي المسرحيات؟

طالما الفنانين موجودين ليش نشوف المسرح يغرق ويستنجد فينا وكأنه يقول انا اللي ضحكتكم ياما و ياما ساعدوني ليش ما نساعده ونبنيه ليش مايكون فيه موضوع يوصل لاحد الكتاب او المخرجين انهم يعيدون ذاك الماضي يعني ترضون سمعة المسرح الكويتي تطيح اكثر من جذي ترضون المسرح ينقلب الا صالة تهريج؟ ليش قاعد يصير اللي يصير وين الزمن الجميل وين مسرحية لولاكي وين مسرحية بنشر وين مسرحية بيت العزوبيه خلاص يعني ننسى وبس الا متى مسرحيات سخيفه؟ الا متى مسرحيات سيئة؟ الا متى ؟ يعني نعلنها صريحة ونقول على المسرحيات الكويتية السلام؟

بالعكس والله المسرح ماشي والجمهور حاب هل مسرح والدليل طول السنه يعرض ومفول !
وأنت تلاقيك اول واحد تحضر

اي كشمش ومشمش ههه !!

متى ما حكومتنا الرشيدة احتاجت الى مسرح جاد وراقي يشرف الفن والفنانين وقتها يعود المسرح مثل السابق وافضل ... ولكن طول ماعروض المناسبات الوقتية موجودة ويتم تشجيعها من قبل بعض المتنفذين فلاطبنا ولا غدا الشر

هناك سببان - في وجهة نظري القاصرة - أدت إلى وصول المسرح الكويتي إلى هذا المستوى المتدني، هما :

1- نظرة الحكومة للمسرح على أنه عدو وليس شريك في الإصلاح والنهضة بالشعب وممارسة الحرية في التعبير عن الرأي، وما حدث أن تم تعطيل بعض المسرحيات وتهديد طاقمها وأخذ التعهدات والغرامات عليهم، ومنع عرضها كذلك، الأمر الذي أدى إلى حصر الفنانين في بوتقة ضيقة .

2- عدم نهج فناني ما بعد جيل العمالقة نهج أساتذتهم، وأعني بالدرجة الأولى كل من داوود حسين وأحمد جوهر وطارق العلي؛ حيث أن هؤلاء شاركوا العمالقة بعض أعمالهم التي لا تزال خالدة، ومع ذلك لم يكملوا المسير على نهجهم، وإنما اتخذوا خطاً مغايراً عنهم، ولكنه خط ليس بالمستوى، فالتجديد مطلوب، ولكن أن تغير هدف المسرح الكلي فهذه مصيبة عظيمة .

موفقين

دليل على جهلك الفني

نص الحضور ما عندهم سالفة يجاملون طارق العلي.. أنا راح أحضر علشان بضحك مو علشان طارق العلي لاني بضحك عليه

bos3yd

اي مشمش واي كشمش

هذي المسرحيات اللي تتطنز عليها اهي من اسسة للمسرح الكويتي اسمه وكيانه واذا انت بتقعد تتطنز انصحك تروح تتابع قلة الحيا والادب اللي يعرضها طارق ولعلمك انا من بداية ال2005 ماحضرت ولا مسرحية سواء كويتية او غيرها لان ما ابي اتعنى واحضر على مصخره وتقزر على العالم وطالع ويهك وطالع خشمك