صراحة شدني الموضوع وايد وشفت نقاشاتكم فيه وآراءكم كلكم عشان جذي سجلت وابي ارد على صاحبة الموضوع مثل ما قال اخوي بحر الحب بخصوص الافكار في المسلسلات والافلام ترى كثير منها مقتبسة من بعض وتلقى الافلام اللي نشوفها الحين افكارها بالضبط نفس افلام قديمة في الثمانينات والسبعينات وووو مجرد انهم غيروا القليل في الشخصيات والا الاماكن او السيناريو وانا من متابعي مسلسلات هبة الصراحة ما عليها كلام واذا على الاخطاء محد كامل غير الله سبحانه وفعلا الاحظ وايد يحطون على الدراما الخليجية يعني لو اقتبست فكرة والا مقطع من فلم اجنبي والا عربي قومتوا القيامة عليها (حرام عليكم والله) وما يجوز تطلعون الكاتبة حرامية ترى هالشي بذمتكم وبالنسبة لزوارة خميس اقول استريحوا بس على مقطع التسجيل سويتوها سالفة يعني وتركتوا المسلسل بكبرة بشخصياته والاحداث ترى كانت بمجمله عمل ضخم بالنسبة لي وخصوصا ان الكاتبة في بداياتها ومسلسل بو كريم ترى صج تعبنا من موضوع الفلوس والمخدرات والحب والغرام والمدارس والمغازل نبي شي يديد وما قصرت وطلعت لنا بهالقصة المغزى هني ان الموضوع كله غيرة وحسد ان كاتبة كويتية وصغيرة بالسن لاقت كل هالنجاح بعدد قليل من الاعمال واللي انتقدها وقام يدور على مشاهد مماثلة من اعمال اجنبية وعربية مو كويتي والا كويتية بنت سعودية هو ماادري يعني غيرانه ان الاعمال الكويتية لها صيت والكل يتابعها مو مثل ربع طاش وغشمشم اللي بنظري اعمال قمة في التفاهة والغير منطقية مجرد تضيعة وقت وفوق كل هذا كثير مسكوا عليهم امور في الدين منها تحريف في الايات والاحاديث ووووو ..... في الاخير صدق من قال لا تقذف الا الشجرة المثمرة ^___^ وعلى فكرة انا من البحرين يعني لا تقولون هبة دخلت تدافع عن نفسها بس كلمة حق وحبيت اكتبها والسموحه منكم |
اقتباس:
يكاد المريب الحمدلله والشكر بس وبعدين ترى الموضوع مش عن طاش الموضوع عن الكاتبه الساذجه ومع ذلك اتحدى الغبيه هبه تسوي ربع طاش يمديها على حلقة تقليد القذافي اقول سلموا عليها واذا تبي افلام عبدالحليم ابيض واسود تقول لنا وحنا حاضرين خخخخخخخخ |
يالله لا تبلانا |
طاش له ١٨ سنة فكرة جديدة ولم تقتبس لامجال للمقارنه مابين العبقرية في صناعة الافكار مع عمل نسبه عالية من احداثه وقضاياه طرحت من قبل الغير طاش وانتي تلعبين في مصاصتك وتقولين بابا ماما وهو يعرض اختي لاتهاجمي من اجل الدفاع ولاتدافعي من اجل الدفاع تفهمي بأن الناس اذواق ومايعجبك قد لايعجبهم x |
انا ما تهجمت واللي اعرفه ان كثير من رجال الدين معترضين عليه لان وايد غلطوا على رجال الدين و المطوعين يمكن في بداية المواسم كانت حلوة الحلقات بس كل شي ان زاد عن حده انقلب ضده ولو تقول ان فعلا هو ناجح وايد جان شفناه في كل القنوات ينعرض مو بس في الام بي سي واقصد حتى بعد رمضان ما ينعرض الا في نفس القناة وعلى الكاتبة هبه ارجع واقول ان انا مااعرفها شخصيا مجرد عن طريق اعمالها لا غير واذا على الافكار ترى اغلبية المسلسلات والافلام تتكرر افكارها والاختلاف في السيناريو والشخصيات وانا جيت وكتبت هني لانها كاتبة في بدايتها للحين وفي رصيدها عدة اعمال ناجحه ولاقت اعجاب الكثير من المتابعين وفي النهاية انا قلت رايي واللي مب عاجبه بكيفه ما جبرتكم توافقون عليه |
اذا على رجال الدين فالشيخ عائض القرني قال في برنامج نبض الكلام انه يتابع طاش وما يشوف انه فيه مخالفه شرعيه ما احد معارض طاش الا المتطرفين المحسوبين على التيار الديني اصلا المسلسل يناقش الصراع بين التيار الليبرالي والتيار الديني في السعوديه اما عن ليش ما ينعرض بعد رمضان هذا قناة فنون يعرضون مسلسل طاش واذا كان لا بد من المقارنه فـ عبدالله السدحان وناصر القصبي يستعينون بدكاتره في كتابة الحلقات وما قد احد اتهمهم بالتقليد والقص واللزق !! على حسب فلسفتك يوم تقولين ليش سعوديه اللي تنتقد المسلسل وواضح انه كان قصدك ان السعوديين حاقدين على الكويت ويكرهونهم مع العلم ان ثلاثة ارباع السعوديين لهم اقارب وعيال عم بالكويت ما ادري كيف جبتي المعلومه اجل انتي بحرينيه ومالك حق تنتقدين لا طاش ( السعودي ) ولا بوكريم ( الكويتي ) !! ويا اخت جوري ثمني كلامك مره ثانيه والزمي حدك ولا تقولين شي انتي مو قده انتي اتهمتي طاقم طاش بتحريف الآيات والاحاديث وهالشي ما قد صار منهم وارجع اكرر مره ثانيه الموضوع عن بوكريم والفظي طاش من لسانك |
انا والله ما قلت شي يستحق انك تعصبين وبخصوص الايات وصلني مقطع فيديو عنه للاسف الشديد اني حذفته والا كنت بحطه هني وماني فاضية ادوره لعيونج مجرد راي وانتي اللي كبرتي الموضوع وانا احتراما للمنتدى هذا واصحابه والقائمين عليه ما راح ارد عليج ^_^ |
وصج على فكرة انا مااحب افرق ويكون بعلمج ان عندي اهل وقرايب بالسعودية والخليج وما عمري غلطت على حد منهم وكلهم حبايبي ومعروف ان البحرينيين علاقاتهم الاسرية كبرت للخليج كله <<<< للتوضيح فقط والا ما كان بودي نسوي درس تاريخ في هالموضوع |
اقتباس:
ومصره تكذبين بعد وتألفين قصص وانك شفتي مقطع فيديو عيب عليك وربي عيب !! يا بنت لا تتبلين على الناس ترى وربي ما تسوى عليك واللي قلتيه مو مجرد راي ، انتِ قذفتِ مسلمين واتهمتيهم بتحريف القرآن من جد ما راح تردين علي ؟ اجل اللي كتبتيه فوق وش هو ؟ حمص وتبوله مثلاً ؟ :d |
اقتباس:
اجل وشوله تكتبين بردك الاول لاحظوا ان كاتب الموضوع مو كويتي والا كويتيه بل فتاة سعوديه وش معناتها جملتك هذيك !! وهذا اقتباس يبين وش قلتِ حرفياً اقتباس:
واحد من امرين اما ان اليوزر J00ry مشترك بين شخصيتين او اكثر او ان الاخت اللي انا جالسه اكتب لها ردود متناقضه او انها متحسفه على كلمتها هذيك او انها تعاني من انفصام بالشخصيه !! وعلى العموم الاختلاف في الراي لا يفسد للود قضيه وكلنا مسلمين وعرب وخليجيين وحبايب والله لا يفرقنا اعتذاري واحترامي للجميع :) "وردة""وردة" |
انا ما قذفت مسلمين واللي قلته حقيقة مجرد كتبي في قوقل (طاش ما طاش وتحريف القرآن) او (طاش ما طاش وتكذيبهم بالقرآن) وشوفي المواضيع |
الأخوات : J00ry , هزُلت ! ردودكم خارج الموضوع , وان استمر ذلك سنقوم بحذفها الرجاء الالتزام |
| الساعة الآن 12:08 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0