غلط درامي اذا كان ما مات لان سعد الفرج كان يتكلم على لسان ادم مثل هذه ساعتي وهذا بوكي وليش الغرفه بارده اذا كان ما مات فهذه مصيبه لانها تستغفل عقولنا كمشاهدين لو عرض كمسلسل كرتوني اعذرها لكن مسلسل للكبار لا مرفوض يا هبه عموما مابي احكم الا لمه اتأكد شنو بيصير بالضبط |
مشهد سخيف! و المسلسل كلّه على بعضه سخيف و سيء جداً و من جميع النواحي.. |
ماشفت هالمشهد بس لمحت مشهد ماعرف بأي حلقة فيه عمال داخلين بيت سعد الفرج وهو يقول هذا بيتي وبعدين كل بنت تهدد عامل بشئ اللي بتحرقه ولا بتكسر رجله شقد هالمشهد بايخ والتمثيل فيه مثل الاطفال ماعجبني بالمرة |
هاردلك هبة حمادة .. وبرافو على وداد الكواري .. صحيح أن قصصها مستهلكة .. لكن !! شخصياتها واقعية وتتصرف بمنطيقة عكس هبة شخصيات متشتته ليس لها هدف سوآ خلق أحداث غريبة وأقرب إلى الأفلام الهندية .. ولحد يقول أن هبة كتبت بالتتر أنها قصة خيالية .. أوكي قصة خيالية بس المُشاهد خيالي أم واقعي ؟! |
من ناحية المشهد ككل "ماعجبني" !! لأنه موواقعي !! يعني بنات قاعدين بمشرحه وبعز الصدمه والحسره وين لهم خلق يفكرون بالماضي ويوم كان أبوي ويوم كان يسوي ؟!؟! لو مخلين حجيهم بعد مايرجعون لبيت امهم بيطلع أفضل بوايد وأصدق لأن في كلام معبّر حيل خاصة اللي قالته بثينه وشجون :( وبالنسبة للأخيره اداءها خرافي وهالإنسانه وايد امدحها ومن كثر ماأمدحها بتقولون تبالغ ، شجون كتلة ابداع صعب حيل بتتكرر "وردة" |
اقتباس:
وداد هالسنه عادية جداً ، وين ابداع حكم البشر وظل الياسمين ؟! تتوقع لولا وجود سعاد وحسين وعبدالعزيز وخالد امين وبقية النجوم راح تشوف مسلسلها !؟ |
اقتباس:
وداد هالسنه ابدعت ما شاء الله عليها نص قوي و بعد اداء الممثلين إبداع x ابداع و هالمره سعاد عبدالله تمثيلها سيء خاصة حلقة امس بعد ما درت ان إلي عندها مو بنتها اداء سيء سيء سيء |
اقتباس:
ويكفي بأن وداد الكواري أول كاتبة تحوز على أفضل سيناريو عن مسلسل نعم ولا .. وأراهن أن هبة لن .. ولم تستطيع كتابة مسلسل ضخم وذو قصص متشابكة مثل مسلسل نعم ولا .. ولا تفكرين كلامي تهجم أو محاربة الناجحين كما تقولين دايم .. بس الحق ينقال !! |
مشهد ممل بعض الشيئ و انا لاحضة في مسلسل بوكريم مشاهدة قليلة و كل مشهد اكثر من 5 دقايق اغلب المشاهد هذا المشهد ما عجبني فية ولا شي غير اداء الهام الفضالة وليلة السلمان يوم بالاخير تبكي اكثر وحدة اثرة فيني ليلى السلمان لما تبكي المشهد حوارة جميل تمثيل عادي وبالاخير بوكريم برقبتة سبع حريم سيئ وشخصية براهيم الحربي و امة حشو بالمسلسل !!!!! للاسف اسخف مسلسل عملتة هبة مشاري و الافضل ابلة نورة |
الله يعطيكم العافية جميعا على التحليل والاراء للاسف لم اشاهد العمل |
بصراحة إلى الآن متحير من بعض من يقول بأن حوارات هبة رائعه ونموذجية !! لو تلاحظون إن الحلقة الشي المميز فيها موت أدم لا أكثر بقية الحلقة حِوار تافه لا يودي ولا يجيب وبصراحة احسه استخفاف من هبة حماده بشكل واضح بعقلية المُشاهد وجالسه تمط بالحلقات غصب عيني عينك <<< شي مضحك والله يعني مسألة كل بنت توقف وتقول إلي بخاطرها .. اشوفها ملاقة بجد بصراحة المخرج الي ماسك المسلسل فاشل جدا ًَ .. ومو قادر يتعامل مع المشهد وبالذات مو قادر على توجيه الممثلين واضح هالشي بالحيل عندي سؤال للمشاهد الدقيق .. ألا تلاحظون أن الأحداث الرئيسية موزعة على الحلقات بحيث يظهر حدث مهم في كل حلقة .. وبقية الحلقة حوارات لا فائدة منها إلا أن تكون الحلقة 45 دقيقة ؟!! |
اقتباس:
إذا تشوفها بدون دعايات زين إذا الحلقة تاخذ نصف ساعة، و طبعاً هالنص ساعة تكون ترسانة من السخافات و الأحداث المملّة و الحشو ... الخ، و [قد] يكون فيها حدث واحد زي الخلق و العالم .. :) |
اقتباس:
1++ اي والله اذا تكلمت وحده تكلم الدرزن كله نفس المعنى بس الصياغه غيير وهاك يا تمطيط افشل حوارات شفتها بهالمسلسل !! وعادة غير مقنعه يعني امس لمياء صارحت امها وقالت لها عن حملها الغير شرعي الام ترد بكل برود الجنين للحين فبطنج !! يعني مافي رياكشن مافي نظرات تعجب خوف قلق كأنه شي عادي مو جريمه و شي جايد وكبير في مجتمعاتنا !! :confused: |
اقتباس:
السن والخبره تفرق !! هبه توها بالثلاثين ورصيدها مايتعدى 4 او 5 اعمال بينما وداد عمرها بالخمسينات ومن الثمانينات واهي تكتب ،، السالفه موتهجّم ولامقارنه لأن الموضوع عن مشهد هبه وانت قارنتها بوداد فحبيت اقولك ان نصها هالسّنه عادي وأقل من عادي يعني مومستوى قديمها !! |
الأداء بمجموعه لم يرق لي، وأرى تكلّف واضح و( تباكي )، إلهام الفضالة ولمياء طارق لا تصلحان لتجسيد البنت المنكسرة أو الحزينة؛ لأن تعابير الوجه لديهما لا تساعدهما، ولكنهما أفضل من فاطمة الصفي التي تبالغ في استخدام فكها عند الحديث، ولو تم تخييري عن أفضل واحدة بينهن لاخترت ياسة هذا العام حتى شجون تراجع أداءها وأصبحت غير مقنعة أين إبداعها في زوارة الخميس والذي تناول عدة شخصيات في شخصية واحدة : المنكسرة - الضعيفة - المنتقمة - اللائمة - الفكاهية - المرحة، كل هذه شخصيات جسدتها شجون في زوارة الخميس، ولكن هذا العام بالرغم من أنها بشخصية واحدة ولكنها لا تستطيع إيصال حالة واحدة من الحالات التي جسدتها في زوارة الخميس |
| الساعة الآن 12:52 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0