شكرا على ردكم أولا .. نعم اتفق معاكم , مي العيدان كانت شخصانية في انتقادها لهدى حسين بشكل واضح جدا .. تكلمت عن ترتيب الاسماء في ( بوكريم ) وان باسم أخطأ في تقديم اسمه على شجون ولمياء لانهم نجوم أكثر منه .. وكلامها سليم وكحجة وعذر , انتقدته على ترتيب الاسماء في ( الملكة ) وكيف ان اسم هدى يسبق مريم الصالح .. يعني ناقضت نفسها مي وانتقدت اللهجات في الاعمال الدرامية وان اللهجة الكويتية صارت (مهجنة) وانا اقولها مع احترامي لها "بدلياتها" باللقاء ما تنعد ... فكم أكـــره المتناقضين وللعلم , مي ممثلة شاركت في بعض اعمال التسعينات ويحضرني حاليا مسلسل ( العقاب ) عام 1994 وادائها الذي لا يستحق تعليق غير اني اقول بأن فاطمة العبدالله تصبح استاذه عندها .. |
اعلاميه ؟ !!!!! مي العيدان اعلاميه ؟ شكله سهالات الحصول على لقب اعلامي او اعلاميه !! |
شنو موقع مي العيدان من الاعراب بالوسط الفني ؟ قبل فترة يا مي كنتي بغيبوبة والمفروض تحمدين ربج ليل نهار على شفائج مو تطلعين وتتكلمين بهالطريقة ترى محد داري عنج |
تدرون شنو اللي يقهرني ؟! اللي يتكلم انا كويتي ،، وهذا كويتي يحقله هالشي نفس أسلوب الإخت مي :confused: فهد العليوه لالا كويتي ولدنا ، انا ماأحب اللي يدش ديرتنا وينتقدنا !!!!!!!!!!!!!! هدى حسين فيها وفيها ( بسبب الجنسيّة ) وهذا الشي واضح مايحتاج تفسير او توضيح صريح من الكاتبه !! عموماً في نقد ،، وفي "أسلوب سوقي" هالأسلوب موأسلوب صحفية لأنه يميل للطنازه وسوالف المراهقين ،، كان ممكن تنتقد بموضوعية ( مافي مشكله تييبها بطريقه كوميدية ) بس هالطريقه الهيلقيه وبصراحه أكثر ستايل قناة سكوب :D ولو متابعه أكثر وسائله بتعرف إن ميرا "لبنانيه عايشه بأمريكا" المفروض تتأكد قبل لاتنتقد أو تتطنز ،، !! عموماً تقول مي نظراً لطلب الجمهور راح تحل ضيفة اهي وبشار بنفس البرنامج يوم الأحد ، يعني ترقبو الحلقه ياجمهورها الكبير :p ## ## نقطة أخيره : بدلياتها فظيعه !! شنو الفرق بينها وبين احمد ايراج أو زينه كرم اللي ذبحتنا فيهم بالفيس بوك طنازه وضحك على لجتهم ،،، عندي هالاثنين وعيال بوشهري وايد احسن من لهجتها :confused: |
اقتباس:
فعلاً كانت مريضه وآآيد وبالعنايه !! وعقب ماطلعت قالت ام طلال كسرت عيني زارتني ولما اعتذرتلها قالتلي انتي مثل انتي ،، يعني تعترف إنها كانت محاربتها ! واضافه : أكثر شي استفزني سالفة الهام ثالث فنانة ونسفت تاريخ 5 فنانات كبار أهمهم مريم الصالح اللي دافعت عنها او ( خذتها حجه ) تحارب فيها هدى حسين وباسم !! |
الظاهر الغيبوبة اللي تعرضت لها بالاشهر اللي فاتت مأثرة عليها للحين الحمدلله والشكر على طريقة النقد شاكرة لك |
استغفر الله بس بسأل هي مريضه !! يعني شكلها ماكان شكل وحده صاحيه ابدااا .. ولاقعدتها !! حتى صوتها استغفر الله والي صدمني اكثر انها صحفيه هزلت |
مي طلعت على قناة ( سكوب ) وتهجمت على هدى وقالت ان اعمالها ولاشي وقالت شلون اسمها ينكتب قبل مريم الصالح .. وبتويتر في وحدة مرتزقة معروفة ومعروف دفاعها عن فجر السعيد وكل مقاطعها باليوتيوب عن فجر وقناتها .. وهالمرتزقة اليوم كتبت وقالت : مريم الصالح 60 سنة تمثل . اول فنانة بالخليج تصعد المسرح ..كومبارس بمسلسل الملكة من انتاج اليمني باسم عبدالامير وبطولة العراقية هدى حسين كلام ماله معنى بسبب جنسية هدى !! وشكثر اللي من عقليتها سوولها ريتويت لان عجبهم الكلام !! يعني ما نستبعد ان لـ فجر السعيد إيد بالسالفة .. |
طيب بفهم شغله شكوو الجنسيه بالتمثيل !!!!! وليش شاابه على هدى انا مااتابعت ولامسلسل لهدى هالسنه بس الحق ينقال هدى ممثل درجه اولى ومبدعه |
| الساعة الآن 12:00 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0