الفيلم المنتظر ::تورا بورا:: {التغطية الخاصة} كل ما يخصه من صور و مقاطع فيديو و أخبار
 

اتحرى شوقا لدخووله في العيد

ننتظر رأيك و رأي الأعضاء بالعمل

سأدخله يوم ٢ / ٩ ان شاء الله
وسأوافيكم برأيي به
والتشويق سيد الموقف!

مشكور على المروم و نتمنى أن نرى آراء الأعضاء

هل سيعرض في البحرين ؟

بالطبع .. سيعرض في كل دول الخليج بعد عرضه في الكويت

فديتك ياسعد الفرج وقسمنا بالله أحبك .. نحن في انتظار الفلم على حر من الجمر

شكله حلو صراح من زمان متشوق لشوفته من كثر ما اقرا عنه واسمع فيه


وكلام المخرج حماسي جدا

سعد الفرج يطمن
الخوف من المخرج,, ما أتوقع بنشوف فيلم ضخم
تمنيت لو استعانو بمخرج عالمي
وحطو معاه نفس مخرج العمل ( يستفيد من خبرته ويفيد الفن الخليجي السينمائي في المستقبل )
الفيلم شكله جيد لكن لاتتوقعون بتشوفون هذاك الشو المبهر

مبين فلم قوي

ان شاء الله اقدر اروحله

يومين او ثلاثة بالكثير وراح ادخل الفيلم , واوعدكم بتقرير كامل عنه ..
والتقرير يا اما نقد او اشادة ..

امس دخلت الفلم

بصرااحه ومن وجهه نظري كثير اعجبني ولم اتووقع من سعد هذا الاداء

لكن للاسف يبين ان مسلسل ومحوول لي فلم

بس قصه جمييله حقيقه

كل التووفيق

في برنامج البيت العود على قناة الوطن قال المخرج وليد العوضي ان من نهاية الفلم سيبدأ المسلسل

وفي غلطه شنيعه
ان في حوارات بالافغاني وطوويله بعد واحنا بصرااحه مو متعددين اللغات اللي مو حاطين لنا ترجمه ؟
يعني الفلم فيه خليط من لغات انجليزي مفهووم اووكي لكن فرنسي واففاني مالهم ترجمات شلوون تبوون نفهم شصير
وعتبي على سعد الفرج واسمهان حيييييل ماخذ راحته سعد ويلملم باسمهان ويحطها بحضنه ؟ يعني احنا بيئه محافظه اووكي صحيح عطيتووني التأثير الصح للمشهد لكن ارد واقوول احنا بيئه كويتيه
عمووما الفلم ايضا بدايته غير مفهوومه للي ماقرا القصه
يعني على طوول البدايه في افغانستان بدوون لا يعطوون مقدمات ليش الولد راح وليش الابوو مهمل ولده وشلوون درا عنه وشلوون ساافر يعني اشياء كثييره تنقص الفلم

بس مع ذلك اسجل اعجابي وفخر انه فلم كويتي

واليووم وااجهت خالد امين قتلله عفووا بو امين عندي استفسار بالفلم شنوو دورك ما فهمته لان بالفعل مهمش ؟

وبكل غرور ( ماتوقعته مغرور ونفسيه ) قال شلوون يعني مافهمت رووح كلم المخرج انا شعلي :confused:
قلت لا العفوو مو قصدي بس انت مونك فنان ولك اسمك شلوون قبلت بالدوور
قاال يووم حولوا المسلسل همشووا دووري

الحمدلله اني مسكت اعصابي ومارديت بنفس اسلووبه
لان يا بو امين ترى اقصاك ممثل مو امير وكلنا نعرف نعصب

غريبة !! أنا الي أعرفه أنه أنسان خلوق و سبق و قابلته كان بقمة التواضع , المفروض حتى لو
كان زعلان من تصغير دوره يحافظ على الشكل الي الجمهور عارفه فيه , جاني إحباط الصراحة
"خالد أمين دوره مهمش"

ألف شكرا لك كلمة حق على إبداء رأيك والإضافة للموضوع

اي لا ترد عليه تركه لحاله لا ترد على اي واحد نفس هالنوعيه بعض الناس او الفنانين تنتقده كونك من جمهوره وماتقبل انه يقدم أداور ما تناسبه ما يعجبه هالكلام .. وبعض الفنانين تنتقده لما يوصل بيتهم شوي و يبجي شدعوه .. الفنان الحقيقي يقبل بالنقد البناء ما يصير كله يبي جمهوره يرفعونه وما ينتقدونه وكأنه نازل من السما ذهب!!! .. طارق العلي في لقاء برنامج اليوم السابع على الوطن المذيع قاله بتويتر يقولون انك تضرب الممثلين انحرج وتضايق .. شي انت تسويه وتنحرج لازم تكون هناك ثقة بالنفس وبالرد.... اذا بتلاحظ ترى اغلب فنانين هالوقت مغرورين وحتى بعض الفنانين القدماء باستثناء عبدالحسين عبدالرضا وسعاد عبدالله وغيرهم وغيرهم


شكرا لك

رده واضح انه انسئل فيه كثير ياخوي ,,,,
من داخله يحترق ومن كثر ما أعاد الاجابة مل ,,, ومن حظك السيء كان الانفجار بوجهك انت
الفنان دم ولحم ,,, يتوتر ويتضايق يفرح ويستانس ...
لكن كان المفروض يكون رده مختلف لانه واجهة العمل ,,,
لو رد عليك برد اخر وقال لك دوري كذا وكذا ,, وعطا دوره شو
بتجي انت وبتكتب موضوع وبتسوي دعاية للفيلم ودعايه لخالد امين
رده اساء للفيلم وشخصيا لن اراه ,, من الواضح انه سيء خاصه برده عليك وكذلك
تعليقات الاخوان عليه

بالضبط كما قلت الانفجار كان بوجهي لكن انا مادخلي
لكن انا اجزم لك انهم لم يُسأل من قبل هذا السؤال
لان الفلم قبل امس نازل فتووه للحين ماتلقى الانتقادات لكن انا اقوولك ليش
اهوو يمكن مو متعوود احد ينتقده
وكوونه معيد بالمعهد العالي للفنون المسرحيه فمتعوود اهوو ينقد ماينتقد لكن اخلاقه احط عليها علامه x
اذكر مره من المرات قلت لهدى حسين عن دورها وماعجبني تقبلت بشكل رحــب جداااا
وكونهم الان هدى وخالد بنفس المسرحيه اتمنى يتعلم منها وطريقه تعاملها مع الجمهور

توني رديت من الفيلم , ما راح اقول رايي هني لكن انطروني بموضوع كامل عنه خلال ساعات ..