مسرح السلام مسخرة سكران واغماء نساء ..والله حاله
 

خطف مواطن سكران الاضواء أمس من فريق مسرحية «الزوج يريد تغيير المدام» التي كانت تعرض على مسرح سينما غرناطة في منطقة خيطان وذلك بصعوده خشبة المسرح خلسة برفقة اطفاله اثناء العرض المسرحي طالباً تصوير الممثلين مع اطفاله بالقوة الامر الذي جعل المنظمين يحاولون انزاله الا انه رفض ذلك ومع محاولة انزاله بالقوة استشاط بعض الشباب الحضور غضباً وناصروه ضد المنظمين ليسود الهرج والمرج في المسرح ومن ثم الازدحام والتدافع للخروج من قبل الحضور الذي يبلغ زهاء 1200 شخص، وأثناء هذه الاجواء المزدحمة ومع سيطرة الفوضى اصيب عدد من النساء بالاغماء اثناء خروجهن، وجرى استدعاء رجال أمن من خيطان حيث تمت السيطرة على الوضع والقي القبض على المواطن وعدد من الشباب الذين اعتدوا على المنظمين.</b></i>


برايكم منو ورا هالحركه
وهل هي مقصوده ولا لا

اترك لكم التعليق

الشره عليهم الي مدخلين واحد سكران وين قاعدين احنا !

والمسرحية وايد يمدحونها


شكرا على الطرح

منور حبيبي
و
اللوم كله على المنظمين اشلون مانتبهوا انه فيه واحد سكران

انا اعتبره الغلط من المنضمين وانا لو مكان المسلم ما احب حد يخرب شغلي
بعطي السكران كف بخلية يسكر مرتين مو مره و بستدعي رجال الامن
يفرونة برع

هذي مسرحيه ولافلم هندي الصراحه مارحت مسرح السلام لين مايتواجد نص قوي وقصه جميله الى ذالك الحين افكر في الذهاب او ترك االمسرح

حب يعير عن شعوره مسكين لووووول

وين الأمن والسكورتي اللي اعرفه انه عناصرهم منتشره داخل وخارج المسرح :)

المهم مافي اصابات والحمدلله على السلامه


يسلموو خيو على

مثل هالشغلات تعتبر فرص يتمناها الكبار ..
وفيه ناس تدفع عشانها ... ..
لو قلبو الموقف بالكامل الى موقف مضحك
لوجدنا الصحف تكتب عن هذا الموقف وعن تصرف الممثلين معه ..
وصار شو قوي ودعاية ايجابيه ومجانية للمسرح
ماعرفو يقلبون الطاولة ... وللاسف هذا يأكد ان غالبية الفنانين في الخليجيين لايمتلكون سرعة بديهه
السكران هو انسان بالاول والاخير .. شرب شيء وصار الي صار والي قاعد يسوييه مو حاس فيه ...
تعاملهم معاه كان خطاء ... سكران وتعانده؟ غلط
اهداء معاه وخذه بضحك وضحك الجمهور معاه وينزل بهدوء ويطلع بهدوء من المسرحية
وتكمل عرضك بدون اي نرفزه ,,,
لو كان طارق على خشبة المسرح لصارت اغمائات من الضحك .. مو من التزاحم

سكراااااااااان مره وحده ؟
مبالغه قوويه من الصحفي
او يمكن لما قال "سكران" مايقصدها بالمعنى
يقصد انه طايش وافعاله افعال السكارى فقط
عمووما الحمدلله

تصرف غريب

المفروض يتم ابعاده مبآشرة ومن دون تصعيد