[اذكر الله2]

استخفاف بعقول المشاهدين وقلة حيا وادب

تابع من الدقيقة 09:55

[رونالدو]

ترا عيب عليكم كل واحد بينزل موضوع كتب عن طارق
ويكتب قله ادب طارق منو انت تكتب هل كلام على طارق ترا هو اول شي فنان كويتي ويمثل اسم
الكويت تكتب عنه هالكلام دول ثانيه تتمنى عندهم ممثل مثل طارق ونتم هنيه طايحين فيه سب وشتم

[ابو فيصل]

بسال سؤال ليه كل المنتدى يكرهون طارق؟؟! مع ان طارق افضل فنان كوميدي خليجي في الفتره الحاليه

[الشبل]

الجديده اسمها طرطنقي اما هذي اقدم منها

طارق العلي كوميدي خطير لكن آخر مسرحياته فيها قلة ادب واضحه

[المقرود]

ياخي المسرحيه الجديده اسمها طرطنقي حتى كاتب الموضوع هدفه الاستهزاء بلفنان من العنوان مايعرف حتى مسيره الفنان طارق كاتب بوساره في العماره

[BOMJDAD2]

ماراح تخلص هالمواضيع ..

ودام طارق هذا مسرحهه .. اكيد الكل بينتقده ويكره فنه .. مايكره شخصه

[عابر سبيل]

ما أدري ليش الاخوان زعلانين من إنتقاد طارق العلي ,
كل واحد و رأيه و إنتقاده إذا أنت تشوفونها شيء عادي
في ناس تشوفها قلة أدب

[اذكر الله2]

* انا اسف اخطأ حينما كتبت جديده وهم مني
* اشكر جميع من رد بعاليه
* والله حينما ننتقد شخص والله مانكرهه بس
اذا صار الفنان ماعنده شيء يقدمه للناس وبس هدفه اضحاك الناس
بأي طريقة حتى لو بقلة الأدب لازم يتوقف الفنان هنيه ويحترم عقل المشاهد. وسلامتكم

[فهـد]

المسرحية ماتقدم بهذة الطريقة وفي كل مرة يخطي فيها طارق العلي بيكون مسموح
انا اذكر فيه مسرحية نسيت اسمها لعادل امام الآخ سب الحكومة اثناء عرض المسرحية وبعد انتهاء المسرحية تم القبض على عادل امام وسجنه لمدة لست متأكد منها ,,,, فبعدها اعتدل عادل امام في التمثيل واصبح يمثل بالمنطق وبالطريقة الصحيحه انا شاهدت مسرحية كويتية مثل فيها سعد الفرج وخالد النفيسي
رحمه الله وجابر النبهان وهي مسرحية شهيرة اتمنى من طارق العلي يبطل مسخرة ويشاهد التمثيل الاصيل ويقلدهم
افضل من تمثيلة الآن .. لآن بهذة الأدوار جمهورة اطفال فقط ..

[بحر الحب]

مسكين طارق العلي ..
هو وزمرته يطرون الضحك من الجمهور كأنهم يقولون لنا : يرحم امكم اضحكوا احنا قاعدين انكت

وبعد كل مسرحية يطلع بوحمود في لقاء وينتقد الفنانين ويقول انهم شوهوا صورة الفن والمجتمع , يعني انت اللي مبيضها يا بوحمود يا حامي حمى الفن والاخلاق ..
مسكين

[لحن المطر]

نحن نحب طارق ونشهد بأنه ممثل يجيد المبالغة في الشي حد الثمالة
لكن مبالغاته تقعنا في الاحراج وتخرج عن الذوق العام بصراحة
وهذا سبب نقده. وليس كرها فيه

[رئيس قسم]

الى محبي مسخرة طارق العلي

ترضون اهلكم يسمعون ايحاءات طارق الجنسية او مسخرته من اي فنان لمجرد شكله او جنسيته ؟

اذا كنتم راضين فأقول لكم كفوكم هالفن

[الدنيا لحظة]

طارق وايد وايد مصخها بمسرحياته الاخيرة !

خصوصا بمسرحيته بخيت وبخيته كلام ماينقال !

عباله للحين اهو مراهق عياله صاروا اطول منه واهو للحين هذي حركاته

[team rocket]

بتوفيق لبو محمد افضل فنان كوميدي في الخليج اخر عشر سنوات

[فهـد]

المشاركة الأصلية كتبت بواسطة الدنيا لحظة

طارق وايد وايد مصخها بمسرحياته الاخيرة !

خصوصا بمسرحيته بخيت وبخيته كلام ماينقال !

عباله للحين اهو مراهق عياله صاروا اطول منه واهو للحين هذي حركاته

ههههههههههههههههههههههههههههههههه

الله يكون بعونكم والله انا ماحب اشوفة بس من جد احس انه مصخها كثير