[بحر الحب]

المشاركة الأصلية كتبت بواسطة >< ساره ><

احنا شعب نعشق كل ماهو قديم ،، وننفر من كل شي يديد

مادري ليش حسيتنا احنا الـــ خليجيين ( بالفن ) مثل القرى المنغلقه ماتتقبل شي مومؤلوف !! اذا ياب كاتب فكره يديدة حاربناها بس عقب جم سنه نعشقها ونترحم عليها سواء كانت جيدة او سيئه حيييل او المطرب اذا قدم لون يديد مانستسيغه كلش وعقب فتره اللي وراه كلهم كوبي بيست منه !!!!! وهذي حقيقه !!

لما طلعلنا دنيا القوي وعديل الروح حاربوه ووصلو لتهديد فجر السعيد وقبل كذا يوم أشوف ناس تطريه بالخير وتقول اللله على مسلسلات قبل !!
بــــ سنة 2000 سوق المقاصيص نال نصيب الأسد من الانتقادات اللي ماصارت لمسلسل بوقته ،، وقبل فتره افتح عاليوتيوب أاشوف التعليقات واتعجب :d ،،
مسلسلات التسعينات الكوميدية "عش الزوجيه ، الدعوه عامة" لما اقرا ارشيف مقالات قديمه كانت تنتقد هالأعمال وتترحم على خالتي قماشة ،، والحين نشوفها العصر الذهبي لداوود وانتصار ،، !!
وحتّى بأيام الثمانينات في أعمال هوجمت مثل خرج ولم يعد واحلام صغيره اللي وقفوه مجلس الأمة وقتها والحين نعتبر هالأعمال من الزمن الجميل ،،

ونقطه ثانيه : المقارنه !!
هالكاتب العام كان احسن ،، وقبل العام كتب هالشي وهالسنه تغيّر !!
والممثل دوره بالمسلسل الفلاني احلى !!

و99.9 % يكون الترجيح والتفضيل للقديم ( حابين ماضيه وكارهين حاضره ) ،
مع ان هذا قصه وهذاك قصه وهذا اداء وهذاك اداء ،،،

اتذكّر مره صحفيه تقولي الكاتبه الفلانيه مغروره لأنها لما تنتقد تقول "شكراً بس انا عارفه شنو اقدم " ،، رديت عليها هذي ثقه موغرور !!
اذا ماسوّت شي يسيئ لمجتمعها خلوها ،، وعارفه اللي مايتقبله المشاهد بيترحم عليه باجر : )

بالأخير لكل وقت حلاوته ،،
ولكل وقت طبيعته اللي تختلف عن اللي قبلها ،،

##
##

بحر الحب
بدون مجامله من احلى المواضيع اللي قريتها الفتره الأخيره ،،
وايد وايد وايد حبيت المقالة ،،

سارة ردودج دائما تضيف للمواضيع وتعطيها جمال ورونق ..

أمثلج اللي ذكرتيها ما عليها أي غبار وواقعية 100% كأمثلة على ترحم الجمهور على كل ما يمضي ..

هذه المقارنة وهذا الترحم ظلم الكثير من الاعمال الممتازة في وقت عرضها ..
لو افترضنا ان تم عرض مسلسل مستواه ممتاز من كل النواحي , فإن بعض الجمهور ما راح يتقبله بحجة انه ما يشابه الاعمال الخالدة حتى وان كان هذا المسلسل الجديد افضل منهم ..
وكأن المسلسلات لن تكون مميزة الا اذا شابهت الاعمال القديمة

وقبل يومين في جريدة الرياض , كتب احد الصحفيين مقالة عن مستوى دراما 2011 , وكان موضوعه جميل جدا ونقده موضوعي لمستوى المسلسلات , لكنه افسد مقالته في نهايتها لما كتب فقرة عن ( خالتي قماشة ) وقارن هالمسلسل الخالد بمسلسلات 2011 !!

وأشكرج سارة مرة اخرى على ردج الرائع