سعادx بدون هبه_هبهxبدون سعاد
 

السلام عليكم ورحمة الله وبركاته
مالاحظته من سنة 2008 الى 2010 الفنانه القديره سعاد عبدالله تاخذ افضل ممثله ومسلسلاتها تاخذ افضل المسلسلات اللي هم فضه قلبها ابيض وام البنات وزوارة خميس وهذه المسلسلات كاتبتها المؤلفه الرائعه المبدعه هبه مشاري حماده وبصراحه سعاد قبل سنة 2008 كانت مسلسلاتها نوعا ما غير مشاهده او ماتاخذ افضل المسلسلات لكن يوم عملت مع الكاتبه هبه اصبحت اعمالها مشاهده بل وتاخذ افضل الاعمال لكن في سنة 2011 تفرقا عن بعض واخفقوا كلتاهما الاولى مسلسلها ما سوى ضجه كبيره والثانيه كثر على مسلسلها الانتقاد لانهما لم يعملا مع بعض وقبل سنة 2008 كنت مغرم في مسلسلات الكاتبه المبدعه وداد الكواري والفنانه القديره حياة الفهد وبصراحه ما كنت اتابع لسعاد عبدالله ولا مسلسل الا رائعتها حكم البشر لكن بعد ما جاءت هبه الى عالم الكتابه اصبحت لا ارى لوداد ولا لحياة بل ارى لهبه وسعاد لانهما اذا اجتمعا مع بعض يسوون نقله في عالم الدراما



هل توافقونني الراي بان هبه اذا ماعملت مع سعاد تفشل واذا سعاد لم تعمل مع هبه تفشل والدليل فشلهما لسنة 2011؟؟؟؟؟؟

سعاد لاتفشل مع غير هبه , بس ام طلال تركت هبه وذهبت لكاتبه اعلنت افلاسها الفكري

وهبه حماده ناجحه مع ام طلال وفاشله مع غيرها

صح كلامك

برأيي الشخصي

بأن هبه مشاري حماده ممكن ان تنجح دون سعاد

وأبلة نـــورة + أميمة في دار الأيتام - يشهدون على كلامي

بعكس القديرة سعاد عبدالله

كانت من قبل هبة عادية وتوهجت مع هبة وعادت لإعتياديتها بعد هبه

فمن هي التي لا تنجح دون الأخرى ؟

أعتقد المعادلة سهلة ، واترك الاجابة لكم

سعاد لا تنجح الا بهبه

ما قيمة هبه بدون سعاد ؟ اميمه ( قصص اطفال ) بو كريم ( في قمة الفشل ) = سعاد بدون هبه نجحت بدون شك في فرصه ثانية

اوكي انا معك اخوي الشبل ان سعاد نجحت في فرصه ثانيه بس بس مايتقارن بنجاحها بفضه وام البنات وزوارة خميس لو نقارن دور سعاد عبدالله في فرصه ثانيه بنشوفه دور هامشي ارجو انك فهمت قصدي اخوي العزيز الشبل ومشكور على اضافتك

لا ما كان دور هامشي بالعكس

اما هبه بدون سعاد سقطت سقطات و هذا يدل ان هبه بدون سعاد ما تنجح و الدليل بو كريم إلي صار فلم هندي

شكراً لك على الموضوع

سعاد عبدالله بدون حياة الفهد ضياع فني
حياة الفهد بدون سعاد عبدالله ضياع فني
هالثنتين من طلعو على الساحة للحين
يا أنهم يشيلون بعض في عمل
او يشيلهم فنان ,, مثل ابو عدنان وغانم الصالح
كل وحده تشتغل لحالها بعمل ,, بيكون بالنهاية عمل سيء او بأفضل الحالات يكون عمل عادي
واتمنى انهم يتنازلون ويفهمون هذي النقطه .. والتاريخ والادلة والبراهين موجوده على صحة كلامي
وحياة الفهد تألف افضل من هبه حمادة ,,

لا لا اخالفك بالراي دور سعاد عبدالله في فرصه ثانيه هامشي كل الناس تقوله يعني لو ما مثلت بالمسلسل مهيب مقدمه ولا مرجعه شيء مع احترامي للفنانه القديره سعاد

انا معك اختي ساره بس انت ما فهمتي قصدي زين سعاد قبل 2008 كانت مسلسلاتها عاديه جدا واقل من عاديه بس يوم جت هبه قامت تعطي سعاد مسلسلات اقوى من مسلسلاتها قبل 2008 ويوم ابتعدوا عن بعض صارت مسلسلاتهم مو نفس قوة مسلسلاتهم اللي عملوها مع بعض وطبعا انا ما اظلم سعاد بس يوم ابتعدت عن هبه هذه السنه في في شوي هبوط في مستوى سعاد فقط وطبعا ما نقارن اداء سعاد المتواضع في فرصه ثانيه واداءها القوي في ام البنات او زوارة خميس

ويشرفني مشاركتك اختي ساره

حبيب قلبي بجاوبك على سؤال ان حياة الفهد ما تطلع مع سعاد او سعاد ما تطلع مع حياة هم يخافون اذا طلعوا في مسلسل لازم يكون هذا المسلسل افضل مسلسل عربي وهم خايفين يطلعون مع بعض ويكون العمل في شوي اخفاقات لان الجمهور ما يرحم لو يشوف زله بسيطه بيعمل ضجه كبيره ارجو انك فهمتني اخوي العزيز هرول

م نقدر نقول فششل
بس نقول انهم يكاملون بعض ..
يعني هـ السسنة م كان فيه اصداء قوية لهبة ولا لسعاد
مثل السنة اللي راحت

سعاد نجحت في فرصة ثانيه

اجواء المسلسل حلوه

والحوار اللي في المسلسل هادء

مافيه مبالغه زايده

مو ابوكريم احس نفسي قاعد اشاهد


ام بي سي اكشن.

اصلا سعاد عبدالله هي اللي شايله اعمال هبه وحتى في لقاء لهم صرحت سعاد انه تصحح لهبه كثير من الاخطاء

هبه ما تعرف تمشي عمل الا بالصدف والخيال بطريقه ركيكه وسعاد ساعدتها بتصحيح اخطائها وغيرت كثير في النص حتى وصلت هبه لنجاحها في زواره و ام البنات


يعني هبه بلا سعاد هي اللي فاشله وسعاد ما تحتاج تاريخها اكبر من هبه ومنو هبه حتى تكون هي سبب نجاح سعاد مع احترامي لك !

اختي العزيزه بسالك سؤال وجاوبيني بصراحه من قبل مسلسل فضه قلبها ابيض كنت تتاعين اعمال لسعاد عبدالله باستثناء حكم البشر؟؟؟

حبيبي باختصار لو هبه وسعاد اجتمعوا هذي السنه كان مسلسلهم يكون افضل مسلسل في رمضان

كلامك صح عشان كذا سعاد وهبه تكون مسلسلاتهم ناريه ولكن اذا افترقوا يكون مسلسلاتهم شوي فيها هبوط

كل وحدة كملت الثانية ..
لهبة حمادة 7 أعمال تلفزيونية , أربعه منها كانت بدون سعاد عبدالله وهي ( أبلة نورة , بوكريم , رصاصة رحمة , أميمة ) ..
وهذه المسلسلات الاربعة اراها اقل مستوى من الروائع الثلاثة ( فضة , أم البنات , زوارة الخميس ) والتي تعتبر علامات مضيئة بتاريخ كل من شارك فيها وبما فيهم سعاد نفسها ..

هبة مثل ما نقول دائما ومرارا وتكرارا كاتبة مبدعة لكنها لازالت في بداية الطريق ولها ثغرات درامية كثيرة , وسعاد وضعت خلاصة خبرتها على اعمالها مع هبة ..

هبة بدون سعاد قدمت اعمال اقل من اعمالها مع سعاد , وسعاد بدون هبة لم تستطع اضافة خبرتها على ما شاركت فيه بنفس الشكل الذي فعلته مع هبة .. ونقول بأنها وجدت ضالتها عند هبة

اخوي ترا انا ما تابعت سعاد من حكم البشر بسس


سعاد لها تاريخ كبير ولها مسلسلات كثيره لو اعددها لك ما اخلص

معقوله تحتكر ابداع سعاد بهبه حماده اللي ماصار لها كم يوم من طلعت هذا ظلم كبير للسيده سعاد

وبعدين هذا الصج سعاد قالت في لقاء انها غيرت كثييير بالنص هذا شنو معناته ؟

معناته انه سعاد ساعدت هبه انها توصل للي وصلته ومن غير سعاد شفنا مسلسل هبه شلون كان

صح زواره وام البنات ماكان خالي من الاخطاء لكنها تتطوف اما مسلسل بوكريم واميمه في دار الايتام الاخطاء كانت فادحه ونتج لنا بالنهايه مسلسل فاشل وسخيف كأنهم مسلسلات كرتونيه موجهه للاطفال ما رفع فيهم الا بعض الممثلات اللي لهم شعبيه اما العمل لا قصه ولا سيناريو مضبوط ...

اوكي انا ما اتكلم عن تاريخها كل الناس عارفه تاريخها وتاريخها عريق جدا يبيلي موضوع كامل عشان احصيه بس انا اتكلم عن الالفيه كيف كانت سعاد قبل هبه وكيف صارت بعد هبه قبل هبه كانت مسلسلاتها غير متابعه وكانت عاديه جدا واقل بعد ومسلسلاتها ما تاخذ افضل المسلسلات وهي ما تاخذ افضل ممثله ومسلسلات حياة افضل من مسلسلاتها بواجد بس بعد هبه مسلسلاتها متابعه وتاخذ افضل المسلسلات وسعاد تاخذ افضل ممثله وسعاد بعد هبه صارت تتفوق على حياة من ناحية المسلسلات والاداء وبصراحه قبل هبه كانت حياة تتفوق على سعاد بمراحل عدة

سبب عدم تفوق حياة بالفتره الاخيره هو تدني العمل نفسه واختيارها الخاطيء للممثلين

و بصراحه مافي مسلسل من مسلسلات هبه يتفوق على الشريب بزه او الفريه او الدايه

المسلسلات الناجحه اللي قدمتها حياة افضل من مسلسلات هبه بمراحل لكن نقول حياة قل مستوى اعمالها عن قبل بالفتره الاخيره ونتمنى ترجع مثل قبل تعودنا على اعمالها القويه اللي تترك بصمه ..

اما بالنسبه لسعاد فمن الظلم ربط نجاحها بهبه .. سعاد قدرت تنجح من غير هبه

لكن هبه ما نجحت من غير سعاد .. وحتى اعمالها المشاهده اعتمدت فيها على شعبية الممثلات وليس على قوة العمل نفسه .. اتمنى هبه تغير القروب وتختار ممثلين غيرهم ونشوف شلون راح تستقطب مشاهدين من غير شلة البنات

اهم شيء ان مستوى حياة هابط بالعكس مسلسل اميمه ناجح بكل المقاييس اولا قصته اول مره تناقش وهي عن الايتام ومايعانونه من فقدان الوالدين انت تقولين هبه مانجحت من غير سعاد وانا اقولك سعاد هذه السنه مانجحت من غير هبه لان فرصه ثانيه ما له صدى جميل ولا واحد تكلم عن المسلسل يعني مر مرور الكرام وهذا العمل ما يناسب فنانه بحجم سعاد بصراحه وخصوصا ان كاتبة العمل اعلنت افلاسها

اميمه في دار الايتام فاشل ولم يعجب الكثيرين كله شطحات وخيالي مثله مثل بوكريم بس الجرعه اقل بشوي بس نفس المستوى

حياة مستواها مو هابط قدمت اخر اعمالها الجليب وهو ثاني افضل مسلسل خليجي لهالعام

وافضل مليون مره من بوكريم


وسعاد ما فشلت بفرصه ثانيه بالعكس لقيت كثير اللي يتابعونه وعجبهم المسلسل وهو اكيد افضل من بوكريم بمراحل بعد :)

اختي العزيزه انت تعلمين ان اميمه رشح انه من افضل المسلسلات في 2010 وانت تقولين فاشل ولم يعجب الكثيرين!!!!!!!! لا تكابرين كلنا نعرف ان حياة مستواها هابط والجليب عمل مميز لكن ما اخذ الصدى المميز ....... سعاد ما فشلت بس ادائها عادي جدا لو نقارنه بتاريخها الفني العريق

سعاد عبدالله مبدعه بدون هبة وهبة مبدعه بدون سعاد

سعاد اشتهرت وابدعت قبل ولادة هبة حمادة وهبة حمادة كتبت اول عمل لها أبلة نورة وكان مبدع بكل المقاييس

ودمتم بخير

نجاح سعاد عبدالله في مسلسل فرصه ثانيه,,,

اللي يقول فشلت ,,,


ابغى مسلسل هالسنه افضل من ... ساهر الليل ولا فرصه ثانية


عطني ..
بوكريم ولا ايش

اي افضل عمل واللي يخليك مسلسل تافه بمعنى الكلمه نفس بوكريم بالضبط كله شطحات وتفاهات وماله معنى والمشهد الاخير ملطوش لطش من فلم العفاريت ..

والترشيحات ما تهمني عيل بوكريم الفاشل ايضا مرشح كافضل مسلسل خليجي :confused:

المهم رأي الجمهور والجمهور ما تعجبه مسلسلات كرتونيه مثل بوكريم واميمه

انا معاك فرصة ثانية ناجح بس الافضل بالنسبة لي

1 - الدخيلة
2 - شوية امل
3 - جفنات العنب
4 - الجليب
5 - بعدين (فرصة ثانية)
6 - الملكة
7 - بوكريم


وبالنسبة لراي الناس الواعية

ساهر الليل 2 - فرصة ثانية - الدخيلة - الجليب