ومن زين نقاشك لايكون مصدق عمرك وتقول انك تتناقش انت الي قاعد تقوله هذرة واحنا نضحك عليها
قال نقاش قال

وارجع واقول عيد النكتة عشان نضحك
هههههههههه

من قوانين القسم :
- الردود السطحية والتخريبية التي تكون بعيدة عن محتوى الموضوع ممنوعة .

اتمنى من الاخوان وقف هذا النقاش البيزنطي واللي ما يفيد القسم , والا سيتم غلق هذا الموضوع

بحر الحب قفل الموضوع موضوع فاشل يبي يثير الفتنه بين الجماهير لوول

الحين صاحب الشان اللي هو طارق العلي يقول أنا ما اجي ربع بو عدنان وانت تقولي يتفوقه

طارق العلي لو بدأبنفس السنه اللي بدو فيها العمالقة كان ماشفت له صوت

أخوي على أيام بوعدنان كان فيه تنافس تدري ليه لان عبدالحسين وسعد الفرج وخالد النفيسي وعلي المفيدي وسعاد عبدالله وحياة الفهد وغانم الصالح كلهم خرجو مع بعض فكان الصعود للقمة صعب ومع ذلك أثبتو جدارتهم ووصلو للقمة

ولكن طارق العلي ينافس مين الان محد عنده هو الوحيد اللي في المسرح يعني من البديهي والطبيعي أنك تحصل زحمه على شباكه لان مافيه أحد يعرض غيره

طارق مو بس عبدالحسين قال انا ماتعديته جميع الفنانين الكوميدين طارق مو مغرور يقول انا افضل
بس الجماهير هي الي تحكم طارق الان افضل فنان كوميدي ولا احد يغطي عليه انتهى..........

أخوي أنا ماقلت مو كوميدي وماقلت مو فنان أنا ما اهضم حق أحد وأقرا ردي الاول أول رد وتعرف

أنا قلت سابقا طارق أنسان موهوب ويمتلك قدرات عاليه لإضحاك الناس

بس اخوي أنت ماودك طارق يغير من مسرحياته يعني أسألك بالله راضي عن الخمس مسرحيات الاخيره لعلمك يا اخوي أنا أتابع طارق ومعجب فيه من أكثر من 15 سنه يعني لحقت على مسرحياته القديمه أبيك أخوي تقارنلي مسرحياته القديمه بمسرحياته الحين فرق شاسع طارق يوم كان ثنائي مع أنتصار الشراح ومحمد العجيمي كانوا يبدعون كانو فنانين بمعنى الكلمة بس الحين هبط مستواه صار يقدم أي كلام وهذا شيء يحزني

أتمنى اخوي فهمت ليش أحنا ننتقد طارق

اهو قصده استمر يا طارق بمسرحيات اللي تحتوي على ألفاظ سيئة وكلام بذيء هذا هو المسرح المطلوب في هذا الزمن ...... ( مسرح خرابيط مسرح منحط) بالله هذا فن كويتي بالله هذا مسرح عرفناه .... المسرح ليس كالسابق حتى انه ليس قبل 10 سنوات واقل ايضا.... كل ماله من أردى إلى اردى شوف الطرح والحوارات هل هذا كان موجود بالسابق اتحدى ,,,,موجود ولكن ليس بنفس مستوى الآن .... والكل يؤيد كلامي

كلامك بالصميم أنا أؤيد هذا الكلام الذي قلته كله

في البدايه السلام عليكم ورحمة الله وبركاته

طبعا هذه اول مشاركات لي في شبكة الدراما والمسرح الكويتيه الخليجية و الحقيقيه حبيت اشكر كل العاملين على الأهتمام والطرح القيم لبعض المواضيع والنقاش فيها بكل احترااام متبادل وهذا يدل على فكر وثقافة الأعضاء .
لاأطيل الحديث بس حبيت أشارك في موضوع مقارنه الأستاذ الفنان طارق العلي والعملاق الفنان عبدالحسين عبدالرضا ، انا عن نفسي اشوف الفنان طارق العلي يحاول الوصول او تجسد شخصية العملاق الفنان عبدالحسين عبدالرضا وهذا الشي مو عيب ولا تنقيص من الغير ولا يقلد إلا الناجح وإنما لا نقول المقارنه بين الأثنين لكل شخص شخصيته وجمهوره المحبوب واللي يحترمه وهذا الشي معروف في الساحه الفنية .
طيب نحن كجمهور نريد ان نقول للفنان طارق العلي مع كل احترام له و مايقدمه من أعمال مسرحيه نريد نصووووص وليس اغلب المسرحيه (خااارج النص) . الصراحه مسرحية بخيت وبخيته احس فيها نص وإبداع والله يعطيكم العافيه على ماقدمتموه .

الف شكر للجمييييييييييييييييع ،،،،،،،،،،،،،،

عبد الحسين عبدالرضا يقول
خلوه اش عليكم منه الريال عايز طنازة

يقصد طارق

ما انكر طارق العلي يضحكني بحركاته وقطاته
بس جرأته وايد وقحه هالفتره ! السب والالفاظ والتشبيهات و تعيبه على الكومبارس وبصراحه مسرحياته مو مسرحيات تروح لها عايله كلش
بفهم لي وين بيوصلنا بهاللزمات اللي لها ايحاءات خارجه عن الادب
لو يبطل من هالجرأه اللي مالها داعي لانها ماتضحك حدها تطيحه من عينا والله راح نحبه اكثر
يعني بمسلسل الفلته ابدع ! ليش مايكون نفسه بالمسرحيات مافيه قطات قليلة ادب ...

هذا الكلام كله صحيح

طارق العلي يقدم مسرح أطفال سخافة وتهريج .... الخ تضييع وقت على الفاضي ما تطلع بزبده... مسرحيه تبتدي فجأة ولا اهي منتهية شسالفة وشنو القصة ما تدري ! هذا بالنسبة لمسرحيته الاخيره الفاشلة طرطنقي