[منصور بو حظين]

السلام عليكم ورحمة الله و بركاته
شلونكم شباب انشاء الله دووم بخير
الكتاب مبين من عنوانه ((( لماذا لا يعمل عبدالحسين عبدالرضا مسرحية تلفزيونية )))
طبعا المسرحية التلفزيونية بدوون جمهور وبعدين بو عدنان ما يتعب فيها وراح تكون مقبولة عند الجمهور اكيد وبعدين راح تحقق نجاح مثل اخر مسرحية عملها الفنان المرحوم غانم الصالح
مسرحية برلماني حكومي عام 2010 وحققت نجاح وياليت لو بو عدنان يشوف الموضوع يسارع بكتابه نص مسرحي ليقدم المسرحية بالشكل المطلوب وعلى فكره المسرحية التلفزيونية حالها حال الاوبريتات بالضبط بس الاوبريت استوديو والمسرحية التلفزيونية بالمسرح بس بدون جمهور
على حسب كلام بو عدنان في مقابلة يقول عنده كذا نص مسرحي
انا ابيكم تعطوني رايكم بالفكره !

[محمد احمد الفيصل]

المسرحيه تبي جهد ونشاط

والعملاق الكبير عبدالحسين عبد الرضا كبر ولا يستطيع ان يقود مسرحيه كابطل لها
ولكل شي نهايه

ولن يرضى ان يكون دوره ثانوي

[محامي القصبي]

المسرحية تعب وبروفات وقلق .. يعني الله يعطيه طولة العمر وخله ع المسلسلات :$

[الجنرال حسين]

بوعدنان كبير والمسرح يحتاج الى جهد كبير حتى بوعدنان تكلم ايام شبابه وقع على المسرح كم مره لكنه لايتكلم الان بهذا العمر تريد منه يعمل مسرحيه

اتمنى من بوعدنان يرجع لنا في مسلسل خفيف وعدد حلقاته قليله مثل درب الزلق 13 حلقه افضل من المط الطويل في الحلقات واهم شيء يكون مع بوعدنان فنان مساعد كبير سعاد عبدالله او حياة الفهد واتمنى تكون حياة الفهد لانها ضايعه هاليومين اما سعاد لها طاقم لحالها

[شايل جروحي بروحي]

يارجال خلها على الله خله على المسلسلات الكوميديه

[محمد إبراهيم علي]

كل الشكر لبوعدنان والله يعطيه الف عافيه ومن زمااان ماشفنه له عمل مسرحي جديد

نبي مسرحيييه حلووه

مشكور اخوي بوحنووون

[بو هيلان]

فكره حلوه اخوي منصور بو حظين ولكن نأمل بأن بو عدنان يرى الموضوع ويفكر وانا اعيد و اكرر تكفى يا بو عدنان نبي نشوفك على خشبه المسرح لو ساعه يكفي طلتك علينا الله يطول بعمرك يا عبدالحسين عبدالرضا ويعيطيك الف عافية اخوي على الموضوع الجميل
بانتظار مسلسل العافور

[miss***DAloolaa]

اتمنى انه يكون في باله انه يسوي مسرحيه

[بو هيلان]

المشاركة الأصلية كتبت بواسطة miss***DAloolaa

اتمنى انه يكون في باله انه يسوي مسرحيه

الله يسمع منك