عاجل جدأ : تعليق سيارة كامري على طريق الرياض القصيم .. ! ! ! وفقا للشريط الاخباري على قناة الصحراء تعليق سياره كامري على طريق القصيم متجهه للرياض ووصولها للرياض دون حل المشكله واعطي الاوامر بصدم الشبك هنا انتهاء الخبر __ تعليقي على الموضوع .. التويوتا سيارات رديئة وبأسعار عالية وهذا كامري وموديل حديث وعلق مثبت السرعة وعرض المواطن للخطر ويمكن الموت .. بس بتبقى تويوتا معشوقة السعوديين رغم رداءتها وغلاء أسعارها :confused: |
وقبل فتره عائلة معهم لاند كروزر نفس المشكله طرريق مكة الرياض وضلت معلقه ليين وصلت الرياض امنو له امن الطررق امامه دوريه وفتحو له الطريق على حسسب سرعته جزاهم الله خيير واكييد هالمره نفس الحركه الله ياخذ الجشع عبداللطيف جميل ومن يششد على يده المشكله سمعنا انه رفع عليه قضية لاكن الله واعلم وش صار عققبه لاكن تررى التايوتا تتحمل شوارعنا الزفت ومانقدر نقاطع بسبب اقبال الشباب والمراهقين عليها بالذات عندك شباب حايل والقصيم وتبوك يعشقون الربع والهايلوكس والشاص والكامري وهذي تشكل تقريباً اكبر نسبة مبيعات لدى التايوتا وكبار السن يعشقون جيوب اللاند كروزر وشكراً |
اقتباس:
والله ياخي عشق السعوديين للتويوتا شيء عجيب وغريب وماله أي مبرر " حاليا ً " مواصفات لا تكاد تذكر .. وأسعار تفوق الخيال وأعطال حدث ولا حرج .. يعني جيب الربع أو الشاص يوصل سعره أكثر من 130 ألف .. وهو لو تحط حصاة بطريقه إنقلب أما الوكيل الجشع عبداللطيف جميل فهو وحش كاسر لايقف بوجهه أحد حتى يوم صارت حملة المقاطعة .. صدر قرار بمنع استيراد السيارات المستخدمة الي مضى عليها اكثر من 5 سنوات وهذا يدعم الوكلاء بشكل عام لانهم مسنودين اساسا . |
| الساعة الآن 08:47 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0