زهرة بردتي قلبي بهالرد ولو ان آخر سطرين لي تحفظ عليهم!

شكرا عالموضوع وعساه المبنى يطيح بكبره على روس اللي فيه بشرط تكون فجر واخوها وولد اخوها كلهم في القناة عشان نخلص من منبع الفتن والكراهية ووكر الفساد الإعلامي في الكويت

لا ان شاء الله للي يكرهونهم فال الله ولا فالك
والله يطول بعمرج يا فجر السعيد

والله لو تهدين السياسة وخلج بالمسلسلات وتكون قناة درامية وااايد احسن

ما اعتقد ان الدنيا بتوقف على شان قناة الحمدلله اهم شي الصحة والعافيه ومو لي هالدرجه نتمنى الموت لاي انسان صلوا على النبي... وما اعتقد ان قناة سكوب السبب الرئيسي في الكوارث .... مجرد قناة وكل اعلام فيه الجيد والسيء ... ويا كاتب مبتدىء تدخل الشبكة بالثلاثة اشهر مره وتقط كل كلمه على هالكبر

ردك رائع

كفايه إنها تهجمت على ابن أبونا صباح الشيخ ناصر وعلى أسرة المالك فرع من أفرع أسرة الصباح!

قناة تقدم أمثلة للإسفاف الإعلامي ومافي أي برنامج قدمته ذو قيمة إلى الآن!!

والقضاء حكم على فجر بالسجن سنة

والقضاء الكويتي الحمدلله نزيه!

شنو تبي أكثر من جذي؟

أعتقد إن هذي شبكة مفتوحة للجميع للتعبير عن رأيه وليست إدارة حكومية عشان أداوم فيها يوميا

بعدين هذي شغله خاصة فيني ومالها شغل بالرد اللي قلته آنا طالب جامعي وكاتب ولي مشاغلي

رايك ما أختلف معاه بس آخر كلمه قلتها! :confused:

الله يوفقك ويوفق الجميع بس انتبه لكلامك بالمستقبل لانه سيء للغايه وهذا مو اسلوب كاتب وانا اعرف انك اعلى من هالمستوى بالردود وانا اغلب مشاركاتك وردودك قاريها وحلوه بس لا تخرب على نفسك وانا ما قلت داوم انا اقصد تروح وترد وتقط كلام قوي

كل كلمه قلتها على عيني وراسي

ولكن الحدية في الأسلوب أصبحت مطلوبة في أيامنا هذي

اليوم نعيش حالة من الإفتراس الوحشي في طرح الرأي، إذا ماطرحت رأيك بقليل من الجرأة والقوة راح يتم افتراسك، لأن ماعادت الأوضاع تتحمل مزيد من الهدوء

وأعتذر إذا كان ردي أثار الإنزعاج أو كنت متكلف زيادة شوي، ولكن لما الموضوع يمس وحدة وطني واستقراره صعب تمالك الأعصاب