المسرحيات سبب إنحراف الشباب ؟ فاهم الدين خطأ ياخوي فـ الدين يسر مو عسر و الشباب السعودي عايش في كبت و ضغط مو طبيعي لازم يبي شي يوسع صدره فيه و الهداية ما بتجي للشاب من إغلاق المسرحيات يمكن ينحرفو اكثر و بكلامك هذا تحسسني ان السعودية المدينه الفاضله و ما فيها ولا خطأ ما كأن الإنحراف انتشر في كل المملكه

لا ياحبيبي الانحراف في كل مكان وكل دولة ~~ لكن السعودية تفرق ان عندهمـ ناس مخولين من الدولة يحاوربون الانحراف ~~
والحمد لله فيها اطهر بقاع الارض فهي فاضلة شأت أم أبيت ~~ كفاكـ الله يابلادي شر الحاقدين والحاسدين

يسلم لسانك

إكذب على نفسك و صدق الكذبه :)

وبدأت سلسله الهجمات على الهيئة كعادتها السنويه

انا ابي اتكلم من منظورين
الاول زمان كان المسرح له رجال وكان مسرحا راقي بكل ماتعنيه الكلمه اما الان المسرح في انحدار وانحلال اخلاقي وهذا بشهادة اغلب الناس وياما فتحنا مواضيع ب( إنتكاسة المسرح )يعني الان المسرح مايبشر بخير واهل الفن طالبو بوقف المسرح مثل مسرح طارق وغيره من المسرحيات ومواضيعنا تشهد يعني حاليا مانبغى مسرحفي السعودية الا اذا تعدلت الامور مانبغى نكون مثل مسرح الكويت حاليا ( تعرف عايض ) وغيرها من الانحلال اللي لا هدف ولامضمون

ثانيا:من هو بشير غنيم ؟؟؟؟ وكيف يقدم دور بطوله؟؟؟؟؟ يعني لو قلنا فنان كبير كان وقفنا معه ولكن يوم دريت ان بشير غنيم فالمسرح قلت الحمد لله انهم منعوها لانا ماحنا ناقصين سماجه

ولا ننسى ان السعوديه تحمل فئات كثيره واللبيب بالاشارة يفهموا ^_*

انت ماعليك من هو بشير غنيم ومالك علاقة بتاريخة الفني
اللي نبيه هنا انه ليش هالشلة تهاجم مسرحيته ؟
وهم وش مقصدهم من حشر انفسهم في كل صغيرة وكبيرة ؟
فعلا هالرجال ياحبهم للمشاكل
ومشكور ع مرورك

وسعدت بردك لي ومعجب بمواضيعك اللي تتزليها بس صدقيني لو تبغي يكون لك جمهور في التعليق ابتعدي عن هالمواضيع وتعلمي من تجارب بعض زملائنا السابقة اللي غيرو عضوياتهم بسبب مواضيع كانت من هالنوع .............. ودمتي بود

الحمد لله كلامي واقعي وما فيه كذب ~~ والكذب مخلــيه لكـ ~~ واتوقع لو تكلمنا اكثر من كذا ~~ بيتحول الموضوع الى نعرات طائفية ~~ واكرر واقول ( معروفة الفئة التي لا تريد الهيئة )

^^

كبت وضغط مو طبيعي ياساتر

طيب ما هي الحلول برايك عشان نخفف عنهم الكبت الي تقول عليه

أنا بصراحه ما ني شايفه كبت ابد ^^

مشالله الاخوان عندي مبسوطين اربعه وعشرين ساعه روحه وجيه واكل ومرعى وقلة صنعى

والاخوات نفس الشي روحات وجيات واسوقه وجمعات

مثلنا مثل اهلنا بالكويت الحبيبه

إذا على السينما مو مشكله السينما أخترعوها أول عشان ما فيه تليفزونات بالبيوت

الحين مشالله تقنيات متقدمه من ناحية الفيلم والشاشه و الكحيان عنده شاشة بلازما

أكبر من طوفة بيتهم يطق الزرار ويشوف اطلق فلم نزل وويشتري نفيش وقروضات

ويعزم الربع ^^

وإذا الحفلات نفس الشي مباشر وهو جالس متى ماجاه الناعوس سكر وخمد

يعني لو راح الحفله وش بيسوي يصك حلج المطرب صعبه ^^

وذا على المسرحيات ما في اسمج ولا ابيخ من مسرحياتهم يستريحون بس ^^

لوعندنا موهبه فذه مثل طارق العلي كان ماقلنا شي ياسلام خفة دم ووناسه

بس كل واد دمه اثقل من الثاني غصب اضحك ^^

و ما هو السبب لكره هذه الفئه للهيئه ( لا يوجد كره بلا سبب )

كل شخص و وجهة نظره ناس تحب تروح المسارح و السينما و مجمعات بكل راحه و بدون ما يمنع عنها شي بدون تدخل من اي جهه فإذا انتي برايك ان التلفزيون يغني عن السينما و المسرح في ناس يخالفون هالراي و ادا بتابعو مسرح يجبرو ان يسافرو للكويت !! السؤال ليش ما في حرية للسينما و المسرح مع بعض الرقابه و اذا صار شي خطأ في المسرحية لهم الحق ان يوقفوها لكن ان توقف بدون سبب !!

ثانياً : في كل بلد فيه مبدعين و لو عطوهم الفرصه راح يظهرون فقط محتاجين الدعم

بإختصار شديد

حنا نرفض المسرحيات لأن النبي صلى الله عليه وسلم
اذا كان موجود بينا راح يرفض هالأمور وحنا نتبعه صلى الله عليه وسلم
ونستحي نقدم مثل هذي التفاهات قدامه وهو قدوتنا

وبس

كفيت ووفيت وفعلا مع التكنولوجيا اصبح الذهاب للمسرح ماله طعم ونستطيع ان نشاهد اي فلم واي مسرحيه وبجوده عاليه وتكييف مريح

وبالنسبه لما خط بالاحمر فالكبت معروف على مين ^_*

شكرا على الرد الراقي الوافي ..............ودمت بود