[missing part]

اتنمى اكون طرحت موضوع جديد لاحظنا في مسرحيات سواءً قديمة او جديده انه في بعض المشاهد يكون الصوت مقطوع , خصوصاً لما يتم عرضها على شاشة التلفزيون, واكيد مثلكم مثلي في الفضول عن الكلام المحذوف واللي انقال,مثلا في مسرحية هالو دوللي مشهد عبدالحسين و مريم الغضبان , وخالد النفيسي في حرم سعادة الوزير وعبدالعزيزالمسلم في كذا مسرحية خصوصاً سوق شرق, وطبعا طارق العلي في بعض مسرحياته, دايما احاول اعرف اللي انقال من حركة الشفايف ولكن صعب احيانا, بس عرفت يوم طارق العلي قال في مسرحية سوبر سطار لماغي مطران وينج من زمان مامثلتي معانا قزرناها مع (........) ومادري منو . الصوت المقطوع كان (منى عبدالمجيد).وماذكر بعض الامثلة اللي قدرت اعرف اللي انقال. فشاركونا بارائكم في موضوع (الصوت المحذوف في المسرحيات )اذا كنتوا اذا عرفتوا شاللي انقال في اي مسرحية سواء حد حضرها ولما انعرضت في التلفزيون او في الدي في دي الصوت انحذف , خصوصا المسرحيات القديمة,, لانه اغلبها لو تلاحظون تكون في مشاهد حلوة وحرام انها تخترب بحذف الصوت , طبعا في اسباب لحذف الصوت .

[andr-sun]

فكرة حلوة بصراحة .. وفعلاً هذا شي يقهر خصوصا في بعض النصوص اللي في باي باي لندن بالتحديد مشهد سبكة هاوا مع بو عدنان لما كانت تبي تسال عن دورة المياه ( اعزكم الله ) فقالها شغلة الصوت انقطع فيها والجمهور مات من الضحك .. فموضوعك فعلاً مهم ويحتاج تفاعل ..

على كل حال في مسرحية قدها ونص طارق يوم كان يتكلم عن مي الفرج قال " انتي ايش لك في هالمشاكل " قال بعدها والصوت مقطوع " يا عجوز النار " .. حبيت اضيف هالنص ونتمنى ان نجد المزيد من الردود الايجابية

شكرا لك

[ولد الديرة]

في مسرحية خاربة خاربة ..

طارق العلي يقول لأبنائه (زفوني) ..

قال أحدهم (وهو الصوت المقطوع) : "يا حمار" (((أعزكم الله))) ..

وقال الآخر (وهو الصوت المقطوع أيضا) : "يا كلب" (((أعزكم الله))) ..

وأعتقد السبب : (أن هذه شتائم وماشابه) ..

وشكرا ..

[عاشـق طارق العلي]

لاتكذب على الناس علبالك الناس ماعندهم عقول تفكر شلون تدري عن مايقولونة والصوت محذوق
اتمنا ان لاتتكرر هل حركة السخيفة

[missing part]

اولا اشكر الاعضاء ع المرور ,

andr-sun : الصوت كان : و كويدها هناكُ. الصوت يكون مقطوع عند العرض في بعض القنوات. اما في الاشرطة القديمة موجود.شاكر مرورك واضافتك .

ولد الديرة: صحيح اذكر المقطع .شاكر لك مرورك .

عاشـق طارق العلي :اولا انا ماكذب وبعدين تقدر تعرف الكلام من حركة الشفايف , شكلك مافكرت عدل, و اذا فيه سخافة على قولتك, فهي للاسف ردك. رد باحترام او اكتف بالقراءة , ماله داعي تقول تكذب وحركات سخيفه . ارتق ِ

[عاشـق طارق العلي]

اخوي انت ليش معصب وياك حق تعصب ماحد شاف موضوعك الا ثنين ايذا جيت يتنزل موضوع نزل موضوع على موستوى ماتنزل موضوع الاصوات المحذوف في المسرحيات مع احترامي لك موضوعك فاشل

[missing part]

المشاركة الأصلية كتبت بواسطة عاشـق طارق العلي

اخوي انت ليش معصب وياك حق تعصب ماحد شاف موضوعك الا ثنين ايذا جيت يتنزل موضوع نزل موضوع على موستوى ماتنزل موضوع الاصوات المحذوف في المسرحيات مع احترامي لك موضوعك فاشل

لاهي عصبية ولا شي ياخوي , ردي عادي جداً ,على فكرة اللي شافوا الموضوع 508 مب 2 واللي شاركوا 2 , ولهم كل التقدير والاحترام والتحية وباقي الاعضاء الكرام بعد,وحتى لو محد شارك يكفيني التواجد وماعندي اي مشكلة ابداً وهذا رايك مالي دخل فيه . و اذا على المواضيع اللي على مستوى خلنا نشوف منك المواضيع اللي على مستوى . دام الموضوع فاشل على قولتك ليش تعبت نفسك وشاركت فيه,كان اكتفيت بالقراءة, وفيه مواضيع فاشلة تارسة المنتدى ماشوف تعليقك عليها . وابشرك بنزل بعد مواضيع من نفس النوع. تحياتي.

[عاشـق طارق العلي]

المشاركة الأصلية كتبت بواسطة missing part

لاهي عصبية ولا شي ياخوي , ردي عادي جداً ,على فكرة اللي شافوا الموضوع 508 مب 2 واللي شاركوا 2 , ولهم كل التقدير والاحترام والتحية وباقي الاعضاء الكرام بعد,وحتى لو محد شارك يكفيني التواجد وماعندي اي مشكلة ابداً وهذا رايك مالي دخل فيه . و اذا على المواضيع اللي على مستوى خلنا نشوف منك المواضيع اللي على مستوى . دام الموضوع فاشل على قولتك ليش تعبت نفسك وشاركت فيه,كان اكتفيت بالقراءة, وفيه مواضيع فاشلة تارسة المنتدى ماشوف تعليقك عليها . وابشرك بنزل بعد مواضيع من نفس النوع. تحياتي.

اخوي انا اسف اذا قلت كلمة غير ليقا في مقامك انا اعتذر مرة ثانية موضوع الصوت المقطوع في المرحيات موضوع جميل وانا اوحييك على هل موضوع اخوي مسرحيات 2000 حلقة الجامعة
صار موقف بين خالد العجيرب واسماعيل سرور في دقيقة 47 . 36
قال خالد العجيرب حق اسماعيل سرور مشكور يا ونقطع الصوت والجمهور ضحك ضحك كبير جدا
ابيك اتشوف وش قال من حركة الشفايف اذ ماعليك امر

[حسين أبوي وتاج راسي]

في مسرحية قناص خيطان برضوه فيه مقاطع الصوت محذوف