رد: توني طالع من مسرحية بسنا فلوس ... التفاصيل بالداخل من سلبيات طارق عدم الالتزام بالنص فيخرج عنه كثيرا واحيانا احس ان اتابع شيء ماله معنى مثلا احيانا نشوف يمر وقت طويل بس يتطنز مثلا على فرحان العلي لابد ان يلتزم بالنص في المسرحية مثل المسلسل ونتمنى ان يتحسن مستقبلا |
رد: توني طالع من مسرحية بسنا فلوس ... التفاصيل بالداخل صراحة انا مسجل بس عشان أعلق على موضوعك الحلو :) المسرحية حضرت لها قبل امس .. وللأسف مثل ما توقعت قمة بالسخافة والاستهبال وسألت نفسي شدخل العنوان بالمضموون !! احسه ماله شغل ! ثاني شي شسالفة الطراقات وتحذف النعول ( عزكم الله ) يعني جذي يضحك !؟ وحركة واحد متين لازم يطيح من الكرسي جنه ما يدري كررها بمسرحيات قديمة واحترق كرتها ! الكاست اللي معاه أمل عباس اللي تبدع بالمسلسلات هذي دورها جذي .. وأحمد الفرج طول المسرحية فوق مع هذيج المصرية .. يحسسونا مالهم خلق يمثلون ههههه .. الشمري والنجم والطباخ مالهم لزمة .. وخالد مظفر يشبه الحملي ما قال كلمتين صح على بعضهم الا وياله طراق !! المسرحية بدون أحمد وسلطان الفرج ومبارك المانع ما تسوى واهما اللي مصبريني على سخافة المسرحية .. لدرجة اني قاع اسولف مع ربعي وخليت المسرحية تولي هههه صراحة لو ابلاش ما ادشها مرة ثانية .. وما راح ادش مسرحياته بعـــــــــــــــد تووبه .. يالي شد عضلي من الملل ههههههه !! طارق العلي نظام عادل امام يرز ولده بكل شي يسويه .. وولده لا تمثيل ولا شي بس جذي كمالة عدد !! من طلعوا منه شعبان واسماعيل سرور عبدالناصر درويش والبلام والعجيرب والعونان .. واهو مو مترقع . كلمة أخيرة : مثل ما يقولون (( اذا اردت ان تعرف ثقافة شعب .. إنظر إلى مسارحه )) وللأسف الشعب ثقافته منتهية والدليل ان اكو ناس يحضرون له ودام ان الربح المادي موجود ليش يغير من اسلوبه .. هذا النهج اللي يمشي عليه طارق العلي مع المنتج ! اتمنى من طارق العلي ان يعيد اكتشاف نفسه من يديد .. ويقدم فن يليق بإسم المسرح الكويتي .. يعني ناس يحضرون من الخليج عشان يشوفون تفاهات .. شيقولون عنه !! |
رد: توني طالع من مسرحية بسنا فلوس ... التفاصيل بالداخل اقتباس:
مرورك الاحلى حبيبي اي وشفت اول شي يوم يطلع من الثلاجه لووول متاثر بتامر حسني لا وكل ماقال واحد جملة زخه وطلعه من المسرح!! حسسني جنها مبارات مصارعه " رويال رومبل " !! واللة يا اخي هو حس وقالها بالحرف الواحد ياجماعه موعاجبتكم المسرحيه تبوني اكنسلها؟؟!! انصحكم تدخلون فيلم باتمان حده عجييييييييييييييييييييييب:) ولاهنت عالمرور |
رد: توني طالع من مسرحية بسنا فلوس ... التفاصيل بالداخل انت يالك شد عظلي انا تكسرت من كراسيهم لوووول خشب والله تعوقت |
رد: توني طالع من مسرحية بسنا فلوس ... التفاصيل بالداخل اقتباس:
وانا اول مادخلت المنتدى اول موضوع نزلته عن طارق العلي وقفله المشرف قال شبعنا نقاش من هالموضوع المهم ان لازم نوصله رساله ان خلاص تراك انتهيت داود حسين مسرحيته وبعدين طلعت هادفه ماشاء الله روعه |
رد: توني طالع من مسرحية بسنا فلوس ... التفاصيل بالداخل اقتباس:
للاسف هو من انهى نفسه ولم يطور من ادائه ... اتمنى يعيد النظر فيما يقدم |
رد: توني طالع من مسرحية بسنا فلوس ... التفاصيل بالداخل اقتباس:
انا اقص ايدي اذا فهمت منها شي !! واذا كانت حلوه فا على ذائقتك الفنية السلااااااام |
رد: توني طالع من مسرحية بسنا فلوس ... التفاصيل بالداخل اقتباس:
اذا كانوا طارق وهيا طول فترة رمضان يقدمون برنامجهم اللي ماله داعي عال ام بي سي متى يمديهم يسوون بروفات ويحفظون النص! |
رد: توني طالع من مسرحية بسنا فلوس ... التفاصيل بالداخل ناس تمدح وناس تذم للامانه ماشفتها بس على حسب كلام الاخ روائي مسرحية بلا هدف شنو الافادة منها غير المال اتمنى ان طارق يرجع مثل ماكان وعند حسن ظن الجمهور وماخيب ظنهم فيه |
| الساعة الآن 06:09 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0