[Wa7dany]

كان من افضل قنوات كوميدية و أن شاء الله انا متفائل صراحة حتي يرجع فنون الي عرفناه

[حصه]

أنا لين ألحين عندي أمل فيها ولازم أمر عليها يوميا أشوف إذا بعدهم على حالهم وإلا

هالفترة الأخيرة بدوا يعيدون المسلسلات القديمة على وقت العصر والمغرب

هم يعرفون أن الناس خلاص ما عادت تشوف التلفزيون إلا إذا موصلة الدي في دي عليه

القنوات أصلا خسرت مكانتها وأصبح التلفون والأيباد هم وسيلة المشاهدة الأولى عند الشعب : )

[صوت تبوك]

فنون قناتي الاولى وانا من المشاهدين الاوفياء لها
القناه حاليا تمر بتجديد خاصه بعد شراءها من قبل قنوات الوطن
الفواصل الاعلانيه تغير اكثرها وكذلك اشاهد اعلانات خاصه كانت لا تعرض الا على الوطن وهلحين اشوفها على فنون

اعتقد ابو عدنان دخل مع محمود حيدر كشريك بالاسم والشعار لان اسم فنون وشعارها خاصه لابو عدنان

اتوقع انطلاقه جديده للقناه قريبا باذن الله

[<~SPec!al laDY~>]

يعني تمت البيعة خلاص الوطن شرة القناة انا شفة شعار صباحي و الواصل مغيريها
الله يسمع منكم فكرة القناة حلوه بس يبيلها تعديل

[* Hanadi *]

حاليا فنون لاتطاق ابدا .. برامج سخيفة ومسلسلات مكررة الف مره
ربما انضمامها لباقة قنوات الوطن سيعيدها للواجهة من جديد


شكرا احمد

[__هولاكو__]

اهيا قبل كانت قناة ناجحه لكن مو نجاح كبير لان الاعمال القديمه الي كانو يحطونها كرروها وايد مثل درب الزلق ودرس خصوصي وطاش ماطاش والمسرحيات بني صامت وضحية بيت العز وعلى هامان يافرعون وبس ويكررونها بس كأن ماعندنا غير هالاعمال والله ارشيف تلفزيون الكويت بينبط من الاعمال القديمه وينهم مايحطونها شمعنى التكرار الزايد عندنا مسلسلات ومسرحيات قديمه وايد ومايعرضون منها شي

[الفن الجميل]

المشاركة الأصلية كتبت بواسطة __هولاكو__

اهيا قبل كانت قناة ناجحه لكن مو نجاح كبير لان الاعمال القديمه الي كانو يحطونها كرروها وايد مثل درب الزلق ودرس خصوصي وطاش ماطاش والمسرحيات بني صامت وضحية بيت العز وعلى هامان يافرعون وبس ويكررونها بس كأن ماعندنا غير هالاعمال والله ارشيف تلفزيون الكويت بينبط من الاعمال القديمه وينهم مايحطونها شمعنى التكرار الزايد عندنا مسلسلات ومسرحيات قديمه وايد ومايعرضون منها شي

يمكن ماعندهم فلوس يشترون اعمال ؟