[bujassim]

بكره حاجزين عايلة فن رن

موحبا للممثلين ولكن نشوف شنو محتواها ومنها عيد نبي نشوف سخافتهم

[زهرة البحرينية]

المشاركة الأصلية كتبت بواسطة bo7anon

يا أخت زهرة
مسرحية طارق العلي تحت الصفر مو اسمها الدعلة

شكرا على الملاحظة ... تم التعديل

[محمد....]

مشالله الكويت مولعه بالمسرحيات , نحسدكم الصراحه على هالكم من المسرحيات الموجوده و الواحد فعلاً يعرف وين يقضي وقته في مساء العيد , حتى مسرح الطفل له طعم خاص عند الكبار و العوائل متعه ما بعدها متعه , لكن للاسف مسرحيات الأطفال ماعادت مثل قبل و صار اغلبها ( استعراض ) فقط , بعض المسرحيات اعرضوها في قطر عندنا و انا حضرتها و انصدمت من الفرق الشاسع بين مسرح الطفل قبل و الآن . المهم هاي(( يبيله موضوع خاص بنزله قريب ههههه))

انا امس حضرت مسرحية ( فرجان ) في قطر بطولة غانم السليطي ((فقط))
للاسف غانم السليطي اناني جداً في المسرح و يبي ياكل الجوو بروحه حتى سعد الفرج و احمد السلمان الي يعتبرون نجوم المسرحيه ما كانت لهم البطوله ولا الحوارات الطويله , و بأمانه انا امس شفت سعد الفرج كومبارس في الفصل الأول الفصل الثاني يمكن شوي احسن.
المسرحيه كـ فكرة سيئه جداً , او يمكن ما وصلتني الغرض من الفكره , لكن فعلاً ما عجبتني كلش و غانم السليطي لازم يراجع حسابته صح و يبتعد عن الأنانيه غانم السليطي ( المؤلف + المخرج + الممثل ) كل المشاهد و كل الحوارات عنده و ما يعطي ممثل وقته يوم يقول حواره و كأنه بروحه في المسرح و خاصةً انه ماعاد غانم السليطي خفيف مثل قبل, و فيه ملاحظه مهمه و هالشي واضح في الممثلين انهم منحكرين و محد قادر يبدع ولا يضيف شي , متقيدين في النص و لاحد يقدر يقوله باسلوبه ولا اضافه ولاشي , احمد السلمان حاول لكن غانم مايعطيه فرصه,
غانم حاول يخلي المسرحيه متكامله من ناحية الاخراج و تحركات الممثلين و طريقة وقوفهم كلها جميله و صحيحه و حبيت فكرة مسرح العرايس الي دخلها.

بشكل عام المسرحيه ما تصلح ان تكون جماهيريه , و حتى لو شاركت في مسابقه ما اعتقد راح تحصد على جوائز , وجود سعد الفرج و احمد السلمان ماله معنى كلش حوارات لم تمت عند غانم احسن ما يوزعها عليهم .

[الغرباء]

انا رحت مسرحية سوبر ار. مسرحيييه جميله جدا وذكرتني بمسرحيات هدى حسين

وشكرا

[زهرة البحرينية]

مسرحية عنبر 12
اخراج وتاليف: عبد الله بالعيس
اشراف: عبد الخالق الغانم
بطولة:سمير ناصر - عبد الناصر زاير

[دنيا القوي]

عايلة فن رن : قصه عاااديه جدا وما عجبتني وعبد العزيز المسلم من الزوج يريد تغير المدام قاعد يقدم اي شي

القراصنه : القصه ما عجبتني بس في اشياء عجبتني مثل نزول المطر والشاشه

زين والوحش : عرض جميل ورائع انا استمتعت بالعرض حييل كان عرض حلو ومبين انه متعوب عليه

البنات والطنطل : قصه رائعه وديكور اروع وعوده سحر كانت جميله ولبس هدى وسحر ذكرني في الواوي وبنات الشاوي كان عرض جدا هادف

مصاص الدماء : للأسف ضيعت وقتي عليه قصه مكرره ماكو فيه تغير ليش عادوه مادري