إنتصار الشراح !! هل تحسن مستواها ؟ السلام عليكم ورحمة الله وبركاته إنتصار الشراح فنانه كوميديه من الدرجه الأولى "برأيي" منو مايعرف إنتصار الشراح منو ماحفط كلامها ويقوله كل يوم ؟ منو ماشاف مسرحياتها ؟ لكن في السنوات الاخيره بدت تشتغل مع عبدالعزيز المسلم وماكان يعطيها مساحه والناس حطوا عليها x كبيييير وفي فبراير 2013 كان عندها مسرحيه اسمها رعب في فيلجا مافكرت اني احضر المسرحيه كلش لأني توقعت أن المسرحيه بتكون سخيفه "مليقه" قبل شهرين نزلت مسرحية رعب في فيلجا في اليوتيوب و شفتها وأنصدمت من أداء انتصار الشراح شفت ان إنتصار تقدر تقدم نص اللي كانت تقدمه قبل بهالموضوع ودي اعرف رايكم وانتقاداتكم لإداء إنتصار في الكوميديا اخر 5 سنين + اداء إنتصار في مسرحية رعب في فيلجا وشكراً :) |
رد: إنتصار الشراح !! هل تحسن مستواها ؟ حقيقة لم أشاهد المسرحية ولكن انتصار مستواها متراجع من سنوات وصارت تقبل بأي دور لمجرد الحضور وصارت مزعجة جدا على الشاشة عكس ماكانت عليه في السابق أتمنى لها كل التوفيق وأتمنى تراجع نفسها في اللي تقدمه وإن شاء الله ترجع مثل أول تقبلوا تحياتي |
رد: إنتصار الشراح !! هل تحسن مستواها ؟ إنتصار الشراح فقدت شي لا يمكن إسترجاعه ، كأن موهبتهما " سرقت " منها ، لا مقارنة أبدا بين إنتصار قبل الألفية و بعدها ، كانت قنبلة كوميدية و فنانة مسرحية من الدرجة الأولى و له حضور طاغي و شكلت مع نجوم جيلها ثنائيات رائعة ! هناك فجوة كبيرة بين إنتصار قبل ( الحجاب ) و بعده ، يمكن كان عليها الإعتزال بعد ما تحجبت لأنها عانت في البداية و ماكان عليها طلب من قبل المنتجين ! لو إعتزلت مثلا كانت ستحافظ على تاريخها الجميل و ستكون ذكرايتنا له في مسرحية " أنتخبوا أم علي " و مسلسل " الدعوة عامة مثلا ! أما عن المسرحية شخصيا و بدون ما أشوفها أتوقعها مسرحية سخيفة ، و لكن ممكن أشوفها عشان مدحك لـ إنتصار الشراح : ) شكرا |
رد: إنتصار الشراح !! هل تحسن مستواها ؟ والله انا اشوف انتصار مظلومة من المنتجين لانهم يعطونها ادوار ما تليق بتاريخها الفني واعتقد واجزم بأن انتصار ما زال لديها القدرة على الابداع ولو بالقليل مما كانت عليه في السابق وان شاء الله انشوفها مع العمالقة مرة اخرى وراح انشوف المسرحية ونعطيك راينا |
رد: إنتصار الشراح !! هل تحسن مستواها ؟ الفنانة انتصار الشراح تألقت كثيرا مع مسرح المؤلف والمنتج محمد الرشود ، كان يعرف يوظفها صح بعد الحجاب اكيد قل الطلب عليها ، انا اشوف نجاحها الاكبر كان في مسرحيات محمد الرشود انتخبوا ام علي - بومتيح - الكرة مدورة - لولاكي وغيرها من المسرحيات الجماهيرية في التلفزيون قدمت في السابق ثنائيات جميلة مع داوود حسين .. يبدو حاليا انها شبه انتهت وهذا الشي مو عيب .. موجود في كل مجال |
رد: إنتصار الشراح !! هل تحسن مستواها ؟ انتصار الشراح شبه منتهية فنيا ومع الوقت سننساها ونقول : في السابق كان يوجد فنانة اسمها انتصار الشراح |
رد: إنتصار الشراح !! هل تحسن مستواها ؟ من التسعينات الى عام 2000 تقريباً كان انتصار الشراح افضل ممثله كوميدية بنسبة لي و من وجهة نظري و كانت لها مسرحيات عديده و جميله و متربعه على عرش المسرح في : انتخبو ام علي - بو متيح - لولاكي - نبيك تفوز - مسرحيات 2000 و انا حالياً ارى ان منى شداد افضل منها في الفتره الحالية في الإطار الكوميدي الجدير بذكر ان الممثلات الكوميديات ينعدون على الأصابع و افضلهم : - انتصار الشراح - منى شداد - هيا الشعيبي اعتقد ان هؤلاء الثلاثه فقط هم الكوميديات في الخليج و في الكويت خاصةً |
رد: إنتصار الشراح !! هل تحسن مستواها ؟ انتصار الشراح فشلت خلال هالسنوات والسبب إنها تكون دايما بكاريكتر واااحد ومسرحياتها بس صرااخ وازعاااج مع احترامي الشديد لها بعكس قبل كااانت تمثل مع كوميديا أما الحينه بس تحاووول تلفت الإنتباه وتتصنع الكوميديا |
رد: إنتصار الشراح !! هل تحسن مستواها ؟ للأسف انتصار..ماتعرف تختار ادوارها شنوو قدمت بالله عليكم قولولي الملكة = دور عادي وكله بجي وووو تكرار في تكرار الوداع = نفس الشي وتحاول تحط فيه كوميديا :) والخ الخ يعني حرام ترا انتصار قديمة ..نبي نشوف لها بطولة على لاقل شبه مطلقة نفس دورها بمسلسل مر السنين مو هالممثلات الصغار يحصلون بطولة واهي القديمة دورها اشبه بالدور الثانوي اصحووو يامنتجين كفايا دمرتوو الفن بهالشللية |
رد: إنتصار الشراح !! هل تحسن مستواها ؟ مشكلة انتصار الشراح أنها تقبل بأي دور وهذا اكبر خطأ انتصار لم تفقد موهبتها والدليل دورها الرائع في مجموعة انسان والممزوج بين التراجيديا وقليلاً من الكوميديا ، برأيي هو افضل دور لها في السنوات الاخيره .. لكن يجب عليها اختيار ادوارها بعناية اكثر وترك الادوار التهريجية والممله "وردة" |
رد: إنتصار الشراح !! هل تحسن مستواها ؟ انتصار الشراح حرام الي قاعد يصير فيها والي قاعده تسوي بروحها هدمت تاريخها شوفوا مسرحياتها قبل كانت انتصار الشراح جريئه تتكلم بالحق بالذات لما تتكلم عن جشع التجار وحقوق المواطن البسيط لكن الحين فرق صارت تضيق الخلق |
رد: إنتصار الشراح !! هل تحسن مستواها ؟ كل مايكبر الفنان تقل عطائاته و حركته تصيل أثقل على المسرح أو خارج المسرح و أنتصار فنانة لها فنها الجميل لكن بالفترة الأخيرة النصر اهو إللي مقصر ويها (على فكرة كل الفنانين من جيلها يعيشون نفس مشكلتها على سبيل المثال محمد لعجيمي و جمال الردهان ) |
رد: إنتصار الشراح !! هل تحسن مستواها ؟ اقتباس:
وما بيدهت حيله الا انتها تختار افضل المقدم لها وهي قالت في مقابله على قناة فنون انه احد المخرجي او المنتجين يتطنز على حجابها وقالها (لكن الخرجه الي انتي حاطتها على راسج) لانه رفض يعطيها التذي تريده ودورها في مسلسل مجموعة انسان ودورها مسلسل الملكه كانوا رائعين جدا وذكرنوا باعمالها في التسعينات |
رد: إنتصار الشراح !! هل تحسن مستواها ؟ براي اراها في الوقت الحالي يناسبها المسلسلات التراجيديه |
رد: إنتصار الشراح !! هل تحسن مستواها ؟ من وجهة نظري إنتصار إنتهت وإضمحلت فنيا بعد فنتق الحجاب |
رد: إنتصار الشراح !! هل تحسن مستواها ؟ بالعكس .. أداءها بمسرحية رعب في فيلكا اهو اهو ماتغير مجرد تصنع دلع وصوت مزعج مثير للأعصاب وتمطط بالكلام .. وخصوصا سالفة " جانجام ستايل " !!! انتصار كم قلت مسبقا ، مشكلتها مو بالعمر ولا سالفة ان الحجاب غيرها انتصار فقط محتاجه غربلة .. محتاجه مؤلف صح ينفضها 13 سنة ويرجعها انتصار 97 ومحتاجه مخرج كبير .. اقصد بالكبير " سنا " و " تاريخا " المخرجين الشباب لايمكن يطلعون انتصار مثل ما احنا نشتهي نهاية الكلام .. دواء انتصار مؤلف .. مؤلف .. مؤلف .. مؤلف |
رد: إنتصار الشراح !! هل تحسن مستواها ؟ لحد الان افضل ممثلة كويتية كوميدية واللي يقول غير كذا شوفو اخر مسرحياتها مشاء الله عليها طول عمرها خفيفة دم |
رد: إنتصار الشراح !! هل تحسن مستواها ؟ عندما أشــاهد هيا الشــعيبي .. أترحم على أيام الكــبيره جدا ( انتصار الشراح ) .. تــضحكك من كل قلبك .. |
رد: إنتصار الشراح !! هل تحسن مستواها ؟ راحت عليها انتصار الشراح احلى ايامها يوم كانت مع قروب محمد الرشود |
| الساعة الآن 11:49 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0