[сύτe сάт]

ما شاء الله عليك كوووووووووووووول جاوبت على الاسئلة كلهم عفية عفية شطووور . وطبعااا نجحت بجدارة في امتحان القدرات .. عجيبة عجيبة الاجابات .. الله يعنيك من الامتحان النهائي .. ادرس زين

عيون خلـي ، بنت عبدالحسين ، dl3 .. اسئلتكم حلوة ..ما اوصيكم على كوووووووول هالله هالله بالأسئلة .. تطبيقات، اختبارات ، امتحانات الي عندكم .. واذا بعد تدرسون عندكم سؤال صعب في المادة الي تدرسونها أو شرح شي مب فاهمينه .. ترى كوووووووول ما يقصر ..

المشاركة الأصلية كتبت بواسطة البرنس

موضوع جميل ومفيد جدا تسلم يالغالي
بس انشاءالله ما يحطوني بهالكرسي

يا هلااا البرنس نووررت .. ان شاء الله دووورك قريب ..
حياك أسال كوووووووووول لانه اهو على كرسي الاعتراف ..

ولي عودة بأسئلة مثل ماقلت غير شكل ..

[وارث الطيب]

الله يعينك ياكوووووووووول ولا اسئلة اختبار القدرات


والاخوان قبلي شيبوا راسك بالاسئله لذا انا بخفف عليك (رأفت بحالك)


س1 ما اكثر شيء يعصبك ويجعلك تفقد اعصابك


س2 ماهدفك في الحياه


كرسي الاعتراف منور ياكووووووول


ومشكوره ياكيوت كات على هالطرح والاسئله الجميله المتنوعه

[بو دانيال]

المشاركة الأصلية كتبت بواسطة وارث الطيب

الله يعينك ياكوووووووووول ولا اسئلة اختبار القدرات


والاخوان قبلي شيبوا راسك بالاسئله لذا انا بخفف عليك (رأفت بحالك)

تعجبيني أثبت لي أنك فعلاً وراث الطيب

عزيز والله خذ راحتك أسأل بكل راحة



س1 ما اكثر شيء يعصبك ويجعلك تفقد اعصابك

التمادي في الغلط بحقي ..


س2 ماهدفك في الحياه

سؤالك جميل ومفتوح لكن سوف أحاول أختصاره

لان في الحقيقة

أهدافي في الحياة لا حدود لها ..


أنا منسحب من الجامعة ..

هدفي الحالي الرجوع للجامعة

لكن ..

بدراسة تخصص بعيد عن التخصصات التجارية

التي كنت أدرسها ..

أود إن شاء الله دراسة تخصص متعلق بالطيران


كرسي الاعتراف منور ياكووووووول

تسلم يالغالي النور نور تواجدك ..

ومشكوره ياكيوت كات على هالطرح والاسئله الجميله المتنوعه

عزيزي الغالي

وارث الطيب

أسعدني كثيراً تواجدك العطر ..

ثانكس ..

[dl3]

مشكوور على اجابااتك الناايس

س1 مووقف يضحك مره

س2 أكله تحبها من امك؟؟..؟

س3 اوول أكله عرفت تسويها وشلون تسويها.؟؟.

س4 ماده صعبه عليك.؟.؟

فرااق وداع.؟

كلمه تهديها لمن تحب.؟.؟

موقف زعلك .؟؟.

موووقف خلاك غير طبيعي.؟.

موقف غير حياتك.؟.؟

شخص أثر فيك.؟.؟.

موقف تمنيت انك تمووت<<فال الله ولافالك .؟؟.


وبسس

اتمنى مازعجتك بالاسئله

[بو دانيال]

المشاركة الأصلية كتبت بواسطة dl3

مشكوور على اجابااتك الناايس

تواجدكِ ومشاركتكِ أجمل و أحلى

س1 مووقف يضحك مره

هههه أيام عمري 8 أعتقد

يعني كنت اصغير

أبوي أخذنا مع بعض هلي

لبركة سباحة أسمها قصاري

معروفة سابقاً قصاري في البحرين

قصاري منتزهة مائي اذا صح التعبير

فيها كذا بركة سباحة وألعاب مائية

أنا وقتها كنت ما أعرف أسبح

على هذا الأساس خلوني في البركة الصغيرة

وكان الماي حار أشوي سبحت لين تمللت

طلعت ورحت أتجول في قصاري

رحت يم البركة الغزيرة وفيها مجموعة من الشباب تسبح

رحت شفتها مايها صافي عجيب قعدت على حواف البركة

خليت قدمي داخل البركة

عجبني الماي بارد

أطالع فيها احسها عاديه مب غزيرة

قمت ورحت مسافة عن البركة

وروح لها ركيض مسرع برق صاروخ هههه

وطرااااااااااااااخ طبيت في وسط البركة

وتم أصارخ ما أذكر شكنت أقول ومنها الحمد لله طلعوني

ونجيت من الغرق ..

أبوي وقتها قال لي خلاص بركة سباحة مافي

بعدها بفترة بسيطة صار في خاطري أسبح في بركة سباحة

خاطري من قلب قلت حق أبوي قال لي انسى

وأنا خاطري !!

قلت شسوي الحين

خلاص لقيت الحل ههههههه

وروح فوق السطح وشيل غط تانكي الماي

وطب داخل التانكي هههههههه

في ذي الأثناء أبوي راح يسبح

يشوف الماي متعكر متسغرب شسالفة ؟؟

لان نهاية التانكي في طبقة لزجه يكون لونها

أخضر هههه << كريه لااااااااا

وأنا قدمي تلامس قاع التانكي فتعكر الماي

وأنا مروح فيه فيلنق

مرتاح في التانكي

أشوي إلا أشوف

ظل صاير وراي التفت له

إلا أبوي جاي لي والماي يزخ منه ولاف روحه بفوطة

هههههه

يسوي لي آه يالمعلووووووون وأنا اقول شسالفة الماي

قوووووووووووووووم أطلع لا بوك لا بو أصلك ههههههههههه

وعطاني أذكر طراق

وزفني قوم روح أسبح بسرعة لا تصيدك حساسية ههههه

ومد لي هوز في الحمام من ماي (الين)

الماي الأرضي غير ماي التنانكي

وهلون وسبحت وذي والحمد لله ما صادتني حساسية



هذا الموقف أغبي موقف سويته في صغري


س2 أكله تحبها من امك؟؟..؟

( صالونة لحم مع عيش أبيض ) << تسمية بحرينية

س3 اوول أكله عرفت تسويها وشلون تسويها.؟؟

بيض مقلي

بما أن الأكله بسيطة ما أضن تحتاج شرح شلون سويتها

خصوصاً أن ما صار لي موقف وأنا اسويها



س4 ماده صعبه عليك.؟.؟

فيزياء

فرااق وداع.؟

ما فهمت قصدج من السؤال

خلاص نمشي

كلمه تهديها لمن تحب.؟.؟

أحبك


موقف زعلك .؟؟.

هذا الموقف كان عمري فيه 12 سنة أعتقد

في شخص صغير في السن وأعرج

من عائلة فقيرة جداً

والده الله يرحمه توفى

ولا عنده أخوان كل خوات

في يوم من الايام

كان رايح يشتري شغلات حق بيتهم

من ضمن ذي الشغلات بعض المواد الغذائية

وكان شايل ذي الشغلات في عربة

ويشمي بالعربة رايح بيتهم

تعرضو لهم بعض اليهالو الملاعين الشياطين

وطيحو العربة اللي عنده وطاحت كل الشغلات

اللي شايلها في العربة

مريت انا شفته حزين وزعلان مضايق

شلت وياه الاغراض

كان من ضمن ذي الاغراض شدة بيض

البيض كله تكسر

يقول لي واهوى حزين كسرو البيض

اشلون أنا الحين راوح البيت

شقول لهم ؟؟

كسر خاطري عدل ..

شلت معاه كل الأعراض

وراح واهوى حزين ومضايق ..


زعلني عدل وضايقني ذي الموقف ..

بعدها ..

رحت البيت ركيض قلت حق امي عطيني بيزات

بروح بشتري شدة بيض وقلت لها السالفة

استانس امي مني واييييييد

عطتني ورحت بيتهم طقيت الباب

طلع لي قلت له تفضل هاي شدة البيض

أستانس وشكرني

لكن الشكر اللي في ملامحه وعيونه أجمل بكثير

من شكر لسانه

وبس



موووقف خلاك غير طبيعي.؟

عندما كنت في المستشفى

وشفت جدي بعد موته فوق السرير مغطه رفعت عنه الغطاء

وكان وجها منور والله وجبينه فيه قليل من العرق

الله يرحمه




موقف غير حياتك.؟.؟

الموقف اللي تحصل مافي موقف غير حياتي بدرجة أولى

حتى أطلق عليها الموقف الذي غير حياتي

لم يحصل لحد الأن ..

شخص أثر فيك.؟.؟

ابوي الله يطول عمره

موقف تمنيت انك تمووت<<فال الله ولافالك .؟؟

الحمد لله لم أتعرض لهذا الموقف ..




وبسس

اتمنى مازعجتك بالاسئله

أشكر تواجدكِ الجميل

أسئلة رائعة يا دلع ..

أسعدني كثيراً مروركِ ومشارتكِ ..

ثانكس

[عيون خلـي]

هلأآأ كوووووول ياالله الهمه جأآأوب عالاسئله ^^



وشو حلم حيأآأتك؟.,’



منو اعز صديق لك؟.,’


منو اعجبت بشخصيته من المنتدى ولييه لك المجأآأل 4.,’

[сύτe сάт]

وارث الطيب ، عيون خلـي ، dl3 .. تحية لحضوركم الرائع وأسئلتكم المتنوعة .

جمعة مبااااركة عليكم جميعااا ..

الاسئلة الخفيفة ::

1.اذا كان هناك سؤال تريد ان تسأله لأقرب انسان/ـة لروحك .. شنو السؤال ؟

2. ماذا يمثل أو يعني لك كل من : ( الاجابة كلمة وحدة أو جملة )

البحر

السماء

غروب الشمس

الدموع

الغيوم

الفراق

الاطفال

الأم

البحرين

القلب

المرأة

الرجل

3. عندك باااقة جميلة مليئة بالورود الملونة مكونة من 12 وردة فقط ..

اختار لون الوردة واسم العضو/هـ و المناسبة ..

4. ما هو أصعب موقف مر عليك ؟

5. شنو رايك في كيوت كات ؟ قبل وبعد المنتدى بصراحة ..


ووووووووووو

بس

ااتمنى تكون الاسئلة سهلة

[بو دانيال]

المشاركة الأصلية كتبت بواسطة сύτe сάт

وارث الطيب ، عيون خلـي ، dl3 .. تحية لحضوركم الرائع وأسئلتكم المتنوعة .

جمعة مبااااركة عليكم جميعااا ..

الاسئلة الخفيفة ::


1.اذا كان هناك سؤال تريد ان تسأله لأقرب انسان/ـة لروحك .. شنو السؤال ؟

راضي عني ؟



2. ماذا يمثل أو يعني لك كل من : ( الاجابة كلمة وحدة أو جملة )


البحر

حامل هموم وجروح الناس

موجه اللي يقتل مخلوقات ويحيي مخلوقات ..



السماء

العظمة والنور ..



غروب الشمس

الرومنسية ..



الدموع

الراحة ..



الغيوم

تساقط المطر مع أجواء شاعرية رومنسية كلاسيكية ..

أعشق الأجواء الغائمة


الفراق

الألم ..



الاطفال

البرائه ..



الأم

الكون بأسره ..



البحرين

بلدي عزتي وكرامتي ..



القلب

كنز لا يثنى ..



المرأة

عالم رائع مسحور ..



الرجل

المروءة والأخلاق الحميدة ..





3. عندك باااقة جميلة مليئة بالورود الملونة مكونة من 12 وردة فقط ..

اختار لون الوردة واسم العضو/هـ و المناسبة ..


وردة وردية لك من :


أحمد سامي

فتى البجيلة

وارث الطيب

عاشق بو عدنان

الهاشمي

البرنس



وردة بيضاء لك من ..


كيوت كات

بنت عبد الحسين

عيون خلي

سعاد

كرزة

ذكرى


آسف إذا نسيت أحد




4. ما هو أصعب موقف مر عليك ؟


مواقف كثيرة

الموقف الأول

أيام المراهقة 14 - 15 ..

كنت سهران مع أصدقائي

أبوي كان شغلة أخر لليل

راح أبوي الشغل

أنا فتحت الشباك ( الدريشة )

وطلعت سهرت مع ربعي

في بيت صديقي

وكلنا نفس العمر

ما في أحد عنده رخصة سياقة

صديقي أخذ سيارة أخوه الكبير

وقال خلونا نفتر فيها

وفترينا فيها

وكل واحد يسوق

لين وصل دوري

كنت أسوق سرعة جنونية

مفجئة جفت جدامي حفرة كبيرة

لفيت السكان ( المقود ) مره وحده وبسرعة

ونا كنت نفس الوقت مسرع أكثر من 130

وتتوجه فينا السيارة لناحية جدار صاير على اليسار

ولف المقود ابي اسيطرة على السيارة

تتوجه للجدار اللي صاير على جهة اليمين

وهكذا ابي اسيطرة عليها ما قدرت

تمت السيارة تروح يمين يسار

والمسافة بين الجدارين واسعة

في هاذي الأثناء اطق بريك

مافي بريك :s

ضعيف جداً جداً لبريك ..

بالأضافة إلى أن السكان ( المقود )

فيه يحتاج إلى تضبيط

الف الفه مثلا يمين

اتم الف اكثر من لفه ونص حتى اصيد لفت اليمين ..

وأنا أحاول اسيط على السيارة تقلبت فينا ..

وطلعنا بسلام الحمد لله


الموقف الثاني

كنا في حملة ..

مسافرين سوريا

في رجعتنا من سوريا

عندما وصلنا السعودية

السائق التعبان

غطت عينه قليلاً

ونحرف عن المسار ودخل في تعرجات

والباص يمشي في التعرجات

مره وحده طراااااااااخ انقلب الباص

حصلت هذه الحادثة منتصف الليل

حصلت أصابات قوي لبعض الركاب

أنا عن نفسي الحمدلله بدون أصابة

وأصدقائي معي أيضاً بدون أصابة

بعدين جات لسعافات والشرطة

نقلو المصابين

أنا وباقي الركاب رحنا قعدنا في مطعم

حتى الصباح .......

بعدين ضبطنا الأمور ..




الموقف الثالثة

حادث نزيف دم قوي من أنف

الحمد لله وصلت للمستشفى في الوقت المناسب ..


في الحقيقة مواقف كثيرة ..

حالياً يحضرني ما ذكرته ..



5. شنو رايك في كيوت كات ؟ قبل وبعد المنتدى بصراحة ..

شمعة .. قبل وبعد المنتدى ..

زاد أكثر نور هذه الشمعة بعد المنتدى ..


ووووووووووو

يا حبكِ للواوات

بس

ااتمنى تكون الاسئلة سهلة

أسئلة جميلة جداً ..

تسلم يدكِ يا متألقة يا كيوت كوت ..

ثانكس ..

[بو دانيال]

المشاركة الأصلية كتبت بواسطة عيون خلـي

هلأآأ كوووووول ياالله الهمه جأآأوب عالاسئله ^^

مرحبا الساااع


وشو حلم حيأآأتك؟.,’

حلم حياة أتزوج المرأة الجميلة ظاهر و باطن ..

و سكن في بيت كبير تضمه حديقة واسعة جميلة

وملك بناية أضمن فيها مستقبل عيالي مستقبلاً

وكون في وظيفة راقية متعلقة بالطيران

أو أي وظيفة راقية جداً أخرى

وتكوني لي تجارة بسيطة ..





منو اعز صديق لك؟.,’

هذا الزمن صديق بمعنى كل حرف في الكلمة

نادر وجوده جداً جداً ..

أنا عندي أصدقاء كثيرة وعزهم كلهم ..




منو اعجبت بشخصيته من المنتدى ولييه لك المجأآأل 4.,’

يحرجني ذي السؤال لأنهم أكثر من 4

وأنتي من ضمنهم ..

منورة يا عيون خلي ..

شرفني مروركِ الجميل ..

ثانكس عزيزتي ..