[لو اني اعرف خاتمتي]

السلام عليكم ورحمة الله وبركاته
بسم الله الرحمن الرحيم
أرحب بكم اعزائي في موضوعي

عنصر النساء , عنصر الرجال !

ربما في الفترة الأخيرة ظهر العنصر النسائي الكثيف في الساحة الفنية
وأولهم الكاتبات كل يوم تطلع لنا كاتبة جديدة ! واحنا مانقلل من قيمتهم
ولكن أصبح كل من هب ودب يكتب وآخر ماظهر لنا من الكاتبات هي
كاتبة مسلسل صديقات العمر على قناة الشو تايم أنفال الدويسان
لمن لا يعرف الكاتبة انفال الدويسان فهي صحفية وأصبحت الآن كاتبة
في المجال الدرامي واول خطواتها للكاتبة مسلسل صديقات العمر

وهو في الحلقات الأولى لأ بأس به !


ولكن موضوعي الآن ليس تعداد للكتّاب والكاتبات !

انما هو عنصر النساء على حسب رأيي كاتبات وحوارات سطية بحته !
يعني لو تلاحظون تعداد للكاتبات وكتابتهم المتشابهه !

فجر السعيد : كتابتها في كل مسلسل عن حياة الأغنياء وكيف عايشين
هبه مشاري : كل كتابتها مستواحه ومقتبسه من مسلسلات مصرية واجنبيه قديمة فقط تغير الأسماء
نوف المضف : كتابات غير شادة للانتباه وحوارات سطحية وصحبة مع سعاد عبدالله
وهج : ما قدمت سوا اشياء لاتشد الانتباه وصحبه مع أبناء المنصور
وداد الكواري : كل مسلسل يتكلم عن العوائل الفقيرة القطرية نفس كل شي اللهم تضع شخصية سكرانه وشخصية غاضبة على طول و....
ليلى الهلالي : مسلسلات تافهه ولاتفهم شي في الكتابة مع احترامي فقط لأن زوجها مخرج فتكتب اي شي !
عواطف البدر : حوارات سطحية وقصص تافهه !


ــــــــــــــــــــــــــــــــــــــــــــــــــ ــــــــــــــــــــــــــــ


إلى متى ؟ وين الموهوبين ؟ اطلعوا للساحة غيروا شي ! واقول للعنصر النسائي من الكاتبات انتوا مستحيل توصلون وتقدمون لما قدمه العنصر الرجالي ! مو لأني من العنصر الرجالي ادعمهم لا والله ! بس كفاية فكونا الرجال افضل والكل يجزم بهذا الأمر !


العنصر الرجالي !

توجد مواهب عديدة ولكن ! للأسف القصص الرومانسية الي لايوجد اي احد يستفيد منها استحوذت على الكتّاب !

مبارك الحشاش : كتابات رائعة وحوارات جميلة ! وتقدم وترفع المستوى ولكن تفاجأنا بالناس اجناس 2 ماكان بالمستوى الي نبيه

عبدالعزيز الحشاش : اذا صار الأبو كاتب تصير كاتب ؟ اتوقع ان الاب الي يكتب لعبدالعزيز وان كان لا فأنت مبدع والظاهر طالع على أبوك مسلسلاتك جميلة وحوارات جميلة أيضاً

حسين المهدي : طاقة لا يستهان بها ! مبدع في الكتابات المميزة

فهد العليوة : كاتب جميل ! ولكن لو يخفف من الكتابات والمسلسلات الرومانسية يصير أفضل

حمد بدر : نسخة هبه مشاري !

ــــــــــــــــــــــــــــــــــــــــــــــــــ ـــــــــــــــــــــــــ


والآن نتمنى من الجميع إبداء الرأي هل العنصر النسائي في الكتابة افضل من العنصر الرجالي ؟



كتابتي
لو اني اعرف خاتمتي

[أحمد سامي]

طرح جميل وذو عمق .. واعتقد ان طغيان العنصر النسائي على الاعمال الدرامية الخليجية , سينتهي بلا شك ,

[لو اني اعرف خاتمتي]

ان شاء الله ! بس المشكلة كل شهر او شهرين وبكل عمل طلع لنا عنصر نسائي جديد !
سواء في الكتابة طلعت انفال الدويسان وفي التمثيل غدير الفهد وفرح وطقتهم و......

[بو عوض]

شوفة هالبنات تفتح النفس .. + انها اعمال محبوكة دراميا ,, وهي الشي الماشي الحين

[بنت التنديل]

انا من متابعين عمل انفال الدويسان الي اهو صديقات العمر بالعكس الحين وصل للحلقه ١٠ والعمل ممتاز والفكرة جديده واختلاف العايلات بالعمل جميل يعني حطت عايلة متدينه وعايلة معاملة مرت الابو لبنت زوجها وعايله الثريه الي مايبون عيال لكن الله انعم عليهم في بنت غصب عنهم مايدرون عنها وعايلة صمود الي امها جنها اختها وتعيد مراهقتها باختصار العمل ممتع وتنطر الحلقات القادمه على نار عكس مسلسلات عبدالعزيز الحشاش يبطى بالحلقات عشان غصب يصير ٣٠ حلقه واخرها اشوفكم على خير بالبدايه حبيته لكن شفت ان السالفه مسخت واهم منحاشين وتركت المسلسل وهذي وجهة نظري واتمنى انك تتقبلها