شكوى ضد طارق العلي قدم الفنان طارق العلي مسرحية تحت الصف في دولة الامارات بتاريخ 15/2/2014 حيث قام طارق العلي قبل بدئ المسرحي بالخروج للجمهور وقال : 1-هيا الشعيبي مب موجوده واللي ياي عشان هيا يطلع برع وياخذ فلوسه . 2-اللي مو عاجبه يطلع برع وياخذ فلوسه مما استاء الجمهور قبل بداية المسرحيه وبعد بدئ المسرحيه قام باطلاق قنابل من الالفاظ القبيحه و الالفاظ الجنسية اللتي اعجز ان اقولها هنا ... من ضمنها ان انه قال عضني الكلب في مكان بحرف الميم وهنا بالامارات يسمونها بحرف الط .. هل هذا لفظ يستباه على خشبة المسرح آسف على قول هذا الكلام ولكن لتعرفوا الحقيقه .. وايضا قامت سوسن الهارون اللي تعتبر نفسها فنانه بلبس ملابس ضيقه وغير وكان كل اغلب الكلام عن جسمها ووصف جسمها من الامام والخلف لدرجه انه قال الى احد الجمهور شفتك تنظر الى (م....) وغيره من الكلام البذيئ. وعلى اثره خرج الجمهور من قاعة العرض مستاء جدا وقد سبب الاحراجللكثرمن الجمهور الذين قدموا مع عائلتهم مما ادى إلى قيام احد الجمهور بالاتصال بالبث المباشر على قناة اف ام دبي بالشكوى ضد طارق العلي ومطالبا بمنعه عرض اي عمل في دولة الامارات ومطابا الرقابه بالتحفظ ووقف عروضه الباقية وأيده عدد كبير ممن حضروا إلى اين ياطارق العلي :confused: هل هذا فنان لديه الماجستير بالفن وهو لا يتحرم خشبة المسرح ولا يحترم الجمهور :confused: |
رد: شكوى ضد طارق العلي طارق العلي مع الأسف أعتبره كرت محروق أهوه والمجموعة الي معاه في المسرحية، لكن أنا ما لومه أهوه أنا ألوم الأوادم إلي أدور المسخرة والضحك ومادور الأشية الي تهم المجتمع، وين مسرحيات قبل الهادفة باي باي لندن وفرسان المناخ ودقت الساعة وغيره وغيره. أنا أقول لو الناس أتجرأ مرة وحدة وتقطع مسرحيات طارق العلي، جان صارتغيير في بعض النصوص المسرحية، أهوه صحيح مابتكون مثل قبل طبعاً بس أقلة في شي هادف وله قصة. |
رد: شكوى ضد طارق العلي للامانة لست من عشاق فن طارق العلي ولكن لايوجد منطق ان يخرج للجمهور ويقول ماقاله ( حسب كلام صاحب الموضوع ) عن هيا الشعيبي ومن غير مناسبة !!! |
رد: شكوى ضد طارق العلي موضوع حصوله على الماجستر الكل يبارك له كان بداخلي شيئ يمنعني ان ابارك له لانه لايستحق هذا مافائدة العلم الاكاديمي اذا لم يطبق الانسان ما درسه وحصل على شهادات وتكريم و .. ؟ البعض استنكر كلامي وقال الكثير: يمكن بعد حصوله على الماجستر يتعرف على اخطائه ويعود افضل من السابق طارق بحاجة لمن يحاسبه وبحاجة لمثل هذه الشكاوي لصالحه كما اتمنى من مسئولين وكبار الدولة في الكويت ان كانوا غيورين على مستوى الفن اقصائه او ابعاده عن مجال الانتاج فقط ليعود ممثل حاله حال الاخرين وجوده كمنتج كارثة تساهم في انحدار مستوى الفن والمسرح |
رد: شكوى ضد طارق العلي طارق العلي قال اطلع برع ....لو ثبت هالكلام مع الاسف طحت من عيني يا طارق وانا ما بودي انك تطيح ... هذا في حال اذا تاكدنا انه قال اللي مو عاجبه يطلع برع وياخذ فلوسه... شكرا |
رد: شكوى ضد طارق العلي انت كذاااب انا من الامارات وحضرت المسرحية وكل اللي قلته غلط في غلط وبعدين من كذبك البث المباشر على اف ام الشارقة مب دبي وبالنسبه لسوسن ها الشي راجع لها ومايخص طارق وطارق العلي افضل كوميدي مر على الخليج لم ياتي ولن ياتي افضل منه |
رد: شكوى ضد طارق العلي ؟؟؟؟؟؟؟؟!!!!!!! |
رد: شكوى ضد طارق العلي وبعدين اخوي احمد طااارق العلي افضل كوميدي مر عَّلِّىِّ الخليج ولم ياتي افضل منه ؟؟ شووف مسرحية عَّلِّىِّ هامان يافرعون وقارن شوف مسرحية باي باي لندن وقارن وشوف مسرحية فرسان المناخ وقارن ،،،، طارق العلي لو يدرس ثلاثين سنة جدام مابيقدر اييب اوفيه مثل بيض خعفق وفرخن تعنفق |
رد: شكوى ضد طارق العلي مو اهمه يحبونه الاماراتيين يطقون درب الى الكويت عشان يحضرون مسرحياته بالعيد عيزنا واحنا نقول عنه مليق وبايخ اخترب طارق العلي حيل بس يحبونه على ملاقته تحملوا عاد |
رد: شكوى ضد طارق العلي محد يعرض حاليا غير طارق وهو مفلس فنيا |
رد: شكوى ضد طارق العلي ياجماعه ليش النقاش إلي مو عاجبه لا يحضر مسرحيته وأنتهى الموضوع |
رد: شكوى ضد طارق العلي مع احترامي للكل،،،،، طارق دمر نفسه بنفسة لازم يجيب حد ويساند طارق العلي مب يمشي عل طريقة طارق العلي مثلا حسن البلام، شعبان ، خالد البريكي ، العجيرب، العونان ، درويش ، الحملي ، العقل ، اسماعيل سرور جووفوا مسرحياته قدها ونص ، الللي يدري يدري ، اه يادرب الزلق ........ الحين قام ايجيب سوسن هارون ، سعود الشويعي ، هيا الشعيبي (هيا فيها خير خل ترجع لمسرح المسلم لانها بتبدع بعيد عن طارق ،،،، اختارات لم توفق مع داود حسين ، جمال الردهان اختار ممثلات في نجوميتهم زهرة عرفات ، هند البلوشي ، مني شداد ، مني عبد المجيد ...... والحين صار يروح دول الخليج للاسف بس عشان يحصل مبالغ اكثر قبل كان يروح بس قطر والامارات الحين عمان السعودية اكثر من امارة جدولة مليان خخخخ |
رد: شكوى ضد طارق العلي للتوضيح : اولا على كلمة مو عاجبه هو كان قصده على عدم وجود هيا فقط .. يعني اللي يحس المسرحية مابتعجبه لعدم وجود هيا فقط ..يعني مب اللي مو عاجبه كلام طارق .. وآسف لعدم التوضيح مسبقا ثانيا : اخوي محمد العيدان طارق قال هالكلام لان الجمهور تسائل كثير عن عدم وجود هيا فقد اعتادوا على وجودها مع طارق العلي كثنائي على الخشبه وعلى الشاشه ولان في الدعايه على اف ام هيا موجوده ولما حضروا العرض تفاجئوا لعدم وجوها فهي لها جمهور . ثالثا : الاخ اللي اسمه احمد اللي قال كذاب وطارق العلي ماقال شي ... يمكن اكون اكون غلطان في مكان الشكوى فانا ريال وعتذر ولكن انت تقول انت طاارق ماقال شي وفي شكوى على اف ام الشارقه .. على اي اساس جت الشكوى ؟؟!! يعني الموضوع في شكوى هذا الاهم .. من( الكذاب ) الحين.. واذا انا كذاب وماقال شي والمشتكي بعد كذاب؟ والناس اللي حضروا كذابين ؟ وبعدين تقول انه طارق ماله شغل في لبس سوسن الهارون !! طارق هو المتحكم الاول في العمل يعني هو اللي يجيز كل شي يكون على خشبة المسرح سواء من لبس وغيره وهو موافق على لبسها عشان يقول اللي قاله الفنان طارق العلي غايب وملاكته حاضره ماحب اغتابه وكنت اتمنى اناقشه هو.. ومابينا وبين طارق العلي شي شخصي وبالعكس هو في فتره رفع مستوى المسرح و الكوميديا في الخليج ولكن متضايقين منه كفنان انه قعد ينزل مستواه على امور تافهه ويمكن تنزال من العمل ومابتأثر فيه ويا أحمد كلنا عارفين طارق العلي شوو يقول مايحتاي تدافع عنه ترى كل الموجودين مب يهال وعارفين الفن العدل.. ونتمنى يعيد حساباته ترى هو والله قنبله كوميديه وممثل من الطراز الاول |
رد: شكوى ضد طارق العلي العتب مو عليه ع الناس اللي رايحه تشوفه طالما دافعين فلوس وتعنوا عشان يحضروا عرض مسرحي متدني المستوى معناها هم راضيين عن الالفاظ اللي تنقال ومايفرقوا عنه بالاخلاقيات شكرا |
رد: شكوى ضد طارق العلي اقتباس:
وثاني شي ااكد لك مره ثاانيه اني حضرت المسرحية و طارق ماقال ه الكلاام بس يمكن قالها بالعرض الثاني او الثاالث بس بسآلك انت سمعت الشكوى اللي بالبث المباشر و لا ؟؟ |
| الساعة الآن 03:08 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0