 رد: هيفاء حسين: عائلتي من أصول شيعية، لكني أنا وأسرتي وإخواني وزوجي وابني مذهبنا «سني»
أولا الصورة غير مقنعة أبدا
اللي يفهم بالفوتوشوب ما تمشي عليه هالصورة
ثانيا أنجح الممثلين الخليجين شيعة
ثالثا الله يرحمك يا علي بحر ويغمد روحك الجنة اللي ما سمحت لحد أن يستغل اسمك في
هالمواضيع اللي من هنالنوع
عاش ومات ولين الحين محد يدري إذا كان سني وإلا شيعي
مثل هالمواضيع ما تطلع على أي فنان إلا إذا هو سمح لها
وإذا تعمد يستغلها حتى يزيد من شريحة جمهوره ومتابعينه
دواوود حسين اللي شفناه في فيديو في الحسينية وطلع بقناة الأنوار ما ياب طاري إنه سني وإلا شيعي
عبدالحسين عبدالرضا اللي كل الناس تعرف إنه شيعي ما ياب طاري هالموضوع
ولا أي حد من الفنانين اللي معروفين إنهم شيعة
إنتي ألحين طالعة تقولين أصلج شيعية وأنا صرت سنية
واضحة النية بعد ما يحتاج فهم
بس هي غاب عنها إن الخليجيين المحايدين والـ ( كول ) قلة وأكثرهم يقولون شعارات في المواقع
الاجتماعية والمنتديات وهم في الأصل وفي حياتهم الواقعية عنصريين
يا إما سنة سنة يا إما شيعة شيعة
وهي بهالتصريح خسرت من الصوبين ما ربحت
المفروض تسكت الصحفي مادري المذيع وتقول له السؤال مب في محله وأنا أمتنع عن الإجابة
طالما إنها تقول عن نفسها إنها تحترم كل الأديان والمذاهب
المفروض تثبت هالشي | 
العرض الشجري
المواضيع المتشابهه 
