وش سالفة المسلسلات انا غير متابع للمسلسلات لاني من النوع اللي يمل بسرعه ولكن وانا جالس مع العائلة عند الرسيفر اقلب القنوات الخليجية توقفت عند احد المسلسلات الكويتية ويليتني لم افعل الممثلات لابسات قصير والحوارات قبيحة والقصة كل واحد مشبك وحدة ويكلمها حتى المتزوجات !! والله اعلم بعد سنوات قصيرة سوف تتحول هذه المسلسلات الى عري ودعارة وبوس الواحد صار يستحي يفتح على هالمسلسلات مع عائلته والله ان هذه المسلسلات تشويه للمجتمع الخليجي وخصوصا الكويتي وانا مستغرب من عدم تدخل البرلمان الكويتي |
رد: وش سالفة المسلسلات اذا كنتم عائلة ملتزمه ومحافظة على عاداتها وتقاليدها طبيعي لن يرضيكم مايعرض حالياً وبتأكيد مسلسلات الخليجية لا تمثل الخليج ولا تمثل شعوب دول الخليج ولاتمثل عادات وتقاليد دول الخليج المسلسلات الخليجية تمثل فئة من شعوب دول الخليج وتحديداً فيئة "المنحطين" او فئة المتأثرين بعادات الغرب مثلاً لو تطرقت مع احدهم عن الملابس والازياء ونصحتهم بالحشمة بينظرون لك وكأنك من العصور الحجرية او بيعتبرونك كأي رجل لايواكب التطور والحضارة أو جاهل |
رد: وش سالفة المسلسلات انا ساحب على ام المسلسلات الجديدة من 2004 الى هذ اليوم مسلسلات هابطة لافكر لا مضمون لاتمثيل سنع لا حياء ولا مستحى والمصيبة يدرون ان مسلسلاتهم هباء منثور مع ذلك مستمرين بالانتاج |
رد: وش سالفة المسلسلات المسلسلات الحالية أصبحت مجرد تسويق للتجارة والكسب المادي بدون تقديم قصة أو هدف معين للمسلسل، أنا مقاطع المسلسلات تقريبا من 2006 واختار بس مسلسل واحد فقط يستحق المتابعة . الله يستر بس من السنين الياية شلون بتكون شكل المسلسلات اذا استمرت على هالنحو ... |
| الساعة الآن 02:58 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0