[بو دانيال]

المشاركة الأصلية كتبت بواسطة بنت عبدالحسين

الأسئلة مع الأجوبة .. طبعا الاجوبه حرفيا منه .. فعادي اذا شفتوا بدليات

أول شي قولوا لنا بنت أو ولد ،، وجم العمر و شنو يقرب لكم ؟

ولد واسمه فواز .. عمره 6 سنين .. ولد اختي

1. شنو تسوي إذا صرت فاضي ؟

اقوم اروح العب ..

2. لو فزت بـ 1000دينار شنو تسوي فيها ؟

اخشها .. عشان نسافر ونشتري اشياء .. العاب وملابس

3. وين ودك تسافر في الاجازه ؟

الامارات ! << وجاوبني بسرعه مادري شلون يت في باله !

4.لو صرت مدير مدرسة شنو بتسوي ؟

ولا شي

5. تحبني يا فواز ؟ طيب ليش؟؟

اي احبج .. قلتله ليش ؟ قالي بس احبج وايد مع ضحكة والويه صار احمر

6. شنو تعرف عن :

الزواج: /
الحب: قلب الحب
الأنسولين : /
الإنترنت : صور وفيديو
مجلس الشورى : /
الإتيكيت : /
التعليم العالي : /
الماركة : /
الجوال : تليفون سيارة وحق تصوير
الستلايت : قلتله هذا الي صاير مدور فوق .. قالي قمر !


7. شنو تبي تصير لما تكبر ؟

شرطي

8.شنو تعرف عن السوسة وتحبها ولاا لا؟

الي لونه اسود يطلع بالضروس وبعدين يعوره يروح حق الكتور ويشيلها .. لأ ما احبها

9. لو رحت السوق مع بابا و ما شفته معاك شنو بتسوي؟

اركض وادوره .. قلتله راح تبجي قالي اي

10 . شنو رايك في الأسئلة ؟

مو حلوة ههههههههه بعد هالعناء يقوولي مو حلوة ..
يمكن عشان ما عرف يجاوب على الاشياء الي انا حاطتلها (/) !! يجوز

هذي اجوبته :d

ومشكوووورة يالغالية على الموضوع ..
تحياتي وتحيات فوازي لج

يعطيج العافية

يا سلام يا الفوز

مقابلة جميلة ..

الله يخليه يارب ..

يبي يصير شرطي

راح يكبر ويتغير التفكير

إن شاء الله يصير في وظيفة أفضل من شرطي ..

ثانكس لكِ يا بنت عبد الحسين ..

دائماً متألقة ..

[сύτe сάт]

أشكركم جميعاا على مروركم الجميل .. نورتوواا ..

العضو الـ في الورطة " البرنس "

البرنس مثل ما قالت بنت عبدالحسين الأسئة في بداية المووضوع ..

تفضل هذه الاسئلة ::

أول شي قولوا لنا بنت أو ولد ،، وجم العمر و شنو يقرب لكم ؟

1. شنو تسوي إذا صرت فاضي ؟
2. لو فزت بـ 1000دينار شنو تسوي فيها ؟
3. وين ودك تسافر في الاجازه ؟
4.لو صرت مدير مدرسة شنو بتسوي ؟
5. تحبني يا........ ؟ طيب ليش؟؟
6. شنو تعرف عن :
الزواج:
الحب:
الأنسولين :
الإنترنت :
مجلس الشورى :
الإتيكيت :
التعليم العالي :
الماركة :
الجوال :
الستلايت :
7. شنو تبي تصير لما تكبر ؟
8.شنو تعرف عن السوسة وتحبها ولاا لا؟
9. لو رحت السوق مع بابا و ما شفته معاك شنو بتسوي؟
10 . شنو رايك في الأسئلة ؟

في انتظار منك الأجوبة من طفل أو طفلة ..

و شكرا ..

[البرنس]

أشكركم جميعاا .. نورتوواا ..

لكن اعتذر عن المقابله وارشح العضو فتى بجيله في الورطه

[сύτe сάт]

المشاركة الأصلية كتبت بواسطة البرنس

أشكركم جميعاا .. نورتوواا ..

لكن اعتذر عن المقابله وارشح العضو فتى بجيله في الورطه

طيب .. شكرا لك ..

تم ترشيح فتى بجيلة من قبل البرنس ..

جاري ارسال رساله خاصة للعضو " فتى بجيلة " للتنبيه ..

فتى بجيلة في انتظار منك مقابلة حلوة مع طفل أو طفلة ..