شبكة الدراما والمسرح الكويتية الخليجية - ][ ورط عضو /هـ بــ مـقـابـلة مـع طـفل أو طـفلة ][

اقتباس:

المشاركة الأصلية كتبت بواسطة وارث الطيب (المشاركة 35550)

تم اختيار الطفله دانه عمرها سبع سنوات في صف اولى ابتدائي هي بنت اختي

الطفله دانه تتمتع بذكاء وخفة دم ومرونه في التعامل ودائما ما العب معها واراضيها اذا كانت زعلانه وكل العيله تعرف مدى تعلقي بها

نجي للاسئله

1. شنو تسوين إذا صرتي فاضيه ؟

العب على النطيطه

2. لو فزتي بـ 1000دينار شنو تسوين فيها ؟

اروح محل اطفال واشتري منه الين تنتهي الفلوس

3.وين ودك تسافرين في الاجازه ؟

الطايف

4.لو صرتي مديرة مدرسة شنو بتسوي ؟

(اتحكم بالبنات واعصب عليهم ) استغربت من اجابتها وقلت لها وش السبب قالت لان المديره تتحكم علينا وتعصب علينا

5. تحبيني يا..دانه...... ؟ طيب ليش؟؟

ايوه لانك خالي

6. شنو تعرف عن :

الزواج:

الحب:

الأنسولين :

الإنترنت : ادخل مواقع العاب

مجلس الشورى : اشخاص يجلسون على كراسي وحاطين ايديهم على خدودهم(اجابه مضحكه للغايه)

الإتيكيت :

التعليم العالي :

الماركة : شياكه

الجوال : نكلم به

الستلايت : اشوف فيه افلام كرتون

7. شنو تبين تصيرين لما تكبرين ؟

اقعد في البيت

8.شنو تعرفين عن السوسة وتحبها ولاا لا؟

ما احبها لانها تقعد بالاسنان وتعور الاسنان

9. لو رحت السوق مع بابا و ما شفته معاك شنو بتسوي؟

ابكي

10. شنو رايك في الأسئلة ؟

حلوه

ياحلووها .. عسى الله يخليها لكم انشاءالله ..

بس عجبتني اجابتها يوم جاوبت على سؤال شنو تبين تصيرين لما تكبرين ؟

اقعد بالبيت << كفوو والله يادووودووو ست بيت :p

عسى الله يخليها ويحفظها .. :):)

اقتباس:

المشاركة الأصلية كتبت بواسطة وارث الطيب (المشاركة 35550)

:) :)

مقابلة ممتعة و جميلة مع الكتكوته دانه ..

ما شاء الله عليها تفكيرهااا حلوو و باين الذكاء فيهاا ..

شكلها ماخذه فكرة عن مديرة المدرسة ..

عجبني ردهاا فديتها في مجلس الشورى ههههه ..

وان شاء الله تروووح الطايف ..

و ان شاء الله لما تكبر تغير رايها في شنو بتصير لما تكبر ..

أشكرك وارث الطيب ع المقابلة الجميلة مع الحبوبة دانة ..

الله يخليها ويحميها ويحفظها لكم يارب ويديم المحبة بينها وبين خالها وارث الطيب ..:)

وارث الطيب ورط عضو/هـ في مقابلة مع طفل أو طفلة ..

وشكرااا .. :)

مشكورين على مروركم الجميل بنت عبد الحسين وكيوت كات

وفعلا ياكيوت كات اجابتها عن مجلس الشورى قنبله من الضحك وهذه احلى مافي المقابله وانا اتعمدت اني انقل الاجابات بدون اي تعديل لان عفوية الاطفال جميله ومضحكه

وانا اورط العضوه الرائعه والمتألقه كيوت كات

شكرا على الورطة وارث الطيب : )

المقابلة الأسئلة مع الأجوبة :

أول شي قولوا لنا بنت أو ولد ،، وجم العمر و شنو يقرب لكم ؟

ولد اسمه موسى عمره 8 سنوات أخوي ..

1. شنو تسوي إذا صرت فاضي ؟

ألعب

2. لو فزت بـ 1000دينار شنو تسوي فيها ؟

اصرفهم اشتري سيارة فورملاا

3. وين ودك تسافر في الاجازه ؟

العراق

4.لو صرت مدير مدرسة شنو بتسوي ؟

اذا جه لي واحد شيطان اضربه ضربه ..

5. تحبني يا........ ؟ طيب ليش؟؟

أي ،،،، بعد ليش لأنه أختي

6. شنو تعرف عن :

الزواج:

يسون عرس

الحب:

يحبها ويتزوجها

الأنسولين :

يعني ويه الأنسولين ؟

الإنترنت :

اشغل الكمبيوتر

مجلس الشورى :

ما اعرفه

الإتيكيت :

كيك

التعليم العالي :

يعلمهم

الماركة :

ما اعرف

الجوال :

العب فيه اسمع اغاني اتكلم فيه يسجل صوتي ..

الستلايت :

هذا دش الي يحطه عمي فوق السطح ..

7. شنو تبي تصير لما تكبر ؟

مهندس

8.شنو تعرف عن السوسة وتحبها ولاا لا؟

انه تعور اسناني واتسوسهم وتصير سودان ،،، لا ما احبهاا ويع ..

9. لو رحت السوق مع بابا و ما شفته معاك شنو بتسوي؟

اخذ تكسي و أروح البيت

10 . شنو رايك في الأسئلة ؟

زينة جميلة

..انتهت المقابلة ..

اقتباس:

المشاركة الأصلية كتبت بواسطة сύτe сάт (المشاركة 35711)

بسم الله عليه موسى باين عليه عصامي لو ماشاف ابوه معه راح ياخذ تاكسي وبروح البيت تصرف جميل

ياحليله وبيروح العراق بعد بجد عصامي ماشاء الله عليه

واتمنى يحقق طموحه ويصير مهندس كبير

مشكوره كيوت كات على هالمقابله الجميله مع الطفل الاجمل موسى

مقابلة رائعة

من وراث الطيب مع الوردة دانة ..

الله يخليها يارب ..

ومقابلة رائعة أيضاً

من كيوت كات مع شيخ الرجال .. موسى

أحلى يا بو الموس :) الله يخليه يارب ..

ثانكس ..

مقابله حلوووووة .. وماشاءلله تفكيره حلو وايد

اشكر مقابلتج مع مهندسنا الكبير موسى .. وعقبال يصير كبير المهندسين .. :)

بصراحه اكثر اجابه اعجبتني هي معنى الاتيكيت .. << كيك :)

بصراحه تعجبني عفوية وبراءة اليهال :d : )

_______________________

وبانتظار منج ترشيح عضو لمقابله طفل :)

وشكرااا :)

شكرا لكم ع المرور الجميل ..:)

تم توريط " احمد سامي " ..

في انتظار مقابلة من احمد سامي مع طفل أو طفلة ..

الفكره مو طبيعيه ابداااااااااااااااااع ..........والله مت من الضحك لأنها فكره غريبه ومضحكه؟؟؟؟