المشاركة الأصلية كتبت بواسطة صوت تبوك (المشاركة 214670)

ياحياك الله اخوي ابو لين
الله يسعدك ويعلي شانك والله شهادة اعتز بها ووسام على صدري

والله يالغالي اني مجتهد بس المشكله ان لي خط معين احبه بالاعمال

انا ما احب الشيلات اللي بها صراخ وازعاج
وبنفس الوقت اغلب الشيلات وعشان تنشهر لازم تمدح القبيله الفلانيه او الشخص الفلاني وهذا اسرع مجال لكن انا من طلعت ارفض تماماً ان أسمي يرتبط بمدح فلان او علان وهي وجهة نظري يمكن اكون غلطان بها لكن ما احب اكون بوق يغني لمن يدفع مع ان فيها فلوس و شهرة لكني لا ارغبها نهائيا
جتني عروض عدة لكن ارفضها
ماهو تقليل بشأن أحد ولاهو نقص بي حتى انا ابن قبيله ومعروفه ولكن حتى قبيلتي مااسجل لها عشان السبب اللي ذكرته لك
وحتى بمجال شيلات الزفات ارفضها عشان بكره الناس مايقولون لعيالي هذا ابوهم طقاق😂
لان المجتمع اللي حولي للان مغلق وماسلمت منهم من مثلت سابقا ليومك هذا

انا كنت كل سنه انزل عمل باستثناء السنوات الاخيره ٢٠٢٠ و ٢٠٢١ نزلت ٦ اعمال
وابد لو بس تكتب بيوتيوب بدر الجديع راح تطلع لك اعمالي سوا بقناتي او بقنوات اخرى ولي حسابي بالانستقرام وتويتر وسناب
albadrstar22
يشرفني متابعتكم لي
والسناب مشكلتي قليل ادخله بحكم الدوام ومنصة مدرستي للابناء بالمساء
والله يحفظك على كلامك الطيب ياطيب ويعز مقدارك

المشاركة الأصلية كتبت بواسطة ابولين (المشاركة 214673)

المشاركة الأصلية كتبت بواسطة صوت تبوك (المشاركة 214676)

انا شاركت بالجزء الثامن
12 حلقه وعرضت عشر حلقات على القناة الاولى السعودية
وثنتين ممنوعه
الادوار بسيطه لكن افضل دورين بعد تصويرها وثناء الممثلين على ادائي
تم اعادته لصالح شقيق ناصر القصبي
شجعني الفنانين محمد العلي وبكر الشدي الله يرحمهم يوم كنت اصور خلك معي الخامس وبكر كان دايم يجي اللوكيشن
وكذلك الفنان يوسف الجراح دعمني واعطاني دور بسيط بمسلسل تحت الصفر
التشجيع والثناء موجود ولا انسى وقفت راشد الشمراني ودعمه المعنوي الكبير
يوم درى اني من ابناء تبوك لانه كان احد سكانها وهو من رشحني للادوار اللي اخذها شقيق ناصر

والله اني ناسي الحلقات لكن فيه الدله السحريه اعتقد كذا اسمها وحلقة الضمان الاجتماعي وحلقات لعليان وسعيدان بالدرعيه وعدة حلقات اخرى

اسمي بتتر طاش بدر جديع وتحت الصفر بدر العنزي وخلك معي سقط سهوا على قولهم
مع اني مصور معهم فوق سبع حلقات

تراني كنت متين وقتها ومالي ثلاث سنوات مكمم
يعني الملامح تغيرت بواجد

والله يحفظك

المشاركة الأصلية كتبت بواسطة الفن الجميل (المشاركة 214677)