[الفن الجميل]

طبعا هالموضوع السنوي معروف شنو المغزة منه انتقادات وانطباعات وآراء رمضانية بما يعرض في شاشات الرمضانية والباب مفتوح للكل طبعًأ انا بتكلم عن الأعمال الي شفتها بس والموضوع موضوعكم اي مشاركة حياكم

بسم الله الرحمن الرحيم نبدا

[الفن الجميل]

[قرة عينك]

اول ما دريت ان حياة بتشارك للسنة الرابعة للتوالي مع الكتاب عيال شمس وانا قعدت اسال نفسي شنو سر تعلقه بهالكتاب والاسماء الشابة وحديثة العهد واعمالهم المليئة بالاحداث غير منطقية واساسا اغلب افكارهم اقتباسات من كتب اساسا هم اكبر مقتبسين مثل هبة حمادة المشهورة بحب اثارة الجدل على الفاضي والسرقات الفنية التي لا تعد ولا تحصى وتكرار الافكار مليون مرة... في قرة عينك شاهدنا حياة بدور ممرضة تعطي ابرة غلط وتسبب بموتى مريض فتسجن 20 عامًا ظلمًا طيلة سنوات سجنها بناتها يكرهونها وتنعدم مشاعرهم حولها ولم تطلع من السجن لا يستقلبونها بل يهجومنها فتروح تسكن عند احدى صديقاتها وهي السجانة "سعاد علي" وولدها الممرض "عبد العزيز النصار".... منو البنات الكبيرة بثينة الرئيسي طبعًا الدور حدث ولا حرج وحدها عيالها طولها وتخون زوجها وتواعد بالمطاعم لا حسيب ولا رقيب والمشكلة ولدها بدا يشك فيها طبعًأ بثينة هالسنة عجبتني لان غيرت من جلدها وكانها سمعت كلامي وابتعدت عن الممثل الضعيف فنيًا "حسين المهدي" وقدمت ادوار جديدة عليها بهالمسلسل ومنزل 12 .. بس الله يعلم هل تستمر على هالنهج اما ترجع الى عادتها القديمة بالادوار التافهة... البنت الثانية هي شيماء علي اداء شيماء على حطت يدك هو نفسه بحال مناير ورمانة وروتين "محاولة الاستخاف بالدم وتسوي نفسها خفيفة دم" وهذا الدور ما يلوق على شيماء ابدا ولا اعرف سبب استمرار شيماء على هذا النهج من الادوار رغم فشلها فيه.. البنت الثالثة "شيماء سليمان" وهني ايضًا دور مستفز جدا ان وحدة مطلقة و بنتها عمرها 15 سنة مواعدة واحد ويابته بيتهم وعشاء رومانسي وغزل وبنتها قاعدة جنبهم يعني احنا ناقصين قلة حياء عشان يكلمونها هالمسلسل الي يوصل الافكار الفاسدة هاذي وتشويه المجتمع .... البنت الرابعة ريم عبد الله ... طبعًا دور للحين مو واضح بس بتكلم عن تمثيل ريم للأمانة تمثيلها بارد جدًا وجنها مالها خلق تمثل او مجبورة تقريبًأ مالها اي حضور وضايعة بينهم على عكس حضورها الطاغي بالمسلسلات في بلدها مثل العاصوف وسليفي مادري ممكن ريم ما اندمجت مع القروب وهي من النوع الي اذا ما ارتاح ما ياخذ راحته بالدور وهذا كان واضح عليها..

[صوت تبوك]

ماتابعت الا قرة عينك لان حياة فيه
المسلسل يذكرني بكتابات هبة حماده
شي خيالي
وغير واقعي
بالنسبه للممثلين السعوديين
ريم عبدالله انظلمت بالدور صراحه لان هي من اهم الممثلات بالمملكة
حتى اسمها على التتر جاي متاخر

وجنات الرهبيني
استغربت وجودها وانها تتكلم باللهجه الحجازيه
لكن عرفت انها تصير اخت ام سوزان لامها اللي راحت للسعودية

بشير الغنيم حضوره ماله داعي

ولا اعلم هل اشترطت هيئة الاذاعة والتلفزيون السعودية وجود ممثلين سعوديين بالعمل
ولالا
لكن وجودهم زي عدمه

بالنسبه لسعاد علي انتقدتها يوم كانت تدور بالنفايات وانتم بكرامه
رغم حبي لهالفنانه خاصه ان سبق قابلتها بتصوير طاش زمان

نواف العلي ماله داعي مع ان الدور جرئ وحتى مدري كيف قبلته ريم عبدالله ايضا

[الفن الجميل]

المشاركة الأصلية كتبت بواسطة صوت تبوك

ماتابعت الا قرة عينك لان حياة فيه
المسلسل يذكرني بكتابات هبة حماده
شي خيالي
وغير واقعي
بالنسبه للممثلين السعوديين
ريم عبدالله انظلمت بالدور صراحه لان هي من اهم الممثلات بالمملكة
حتى اسمها على التتر جاي متاخر

وجنات الرهبيني
استغربت وجودها وانها تتكلم باللهجه الحجازيه
لكن عرفت انها تصير اخت ام سوزان لامها اللي راحت للسعودية

بشير الغنيم حضوره ماله داعي

ولا اعلم هل اشترطت هيئة الاذاعة والتلفزيون السعودية وجود ممثلين سعوديين بالعمل
ولالا
لكن وجودهم زي عدمه

بالنسبه لسعاد علي انتقدتها يوم كانت تدور بالنفايات وانتم بكرامه
رغم حبي لهالفنانه خاصه ان سبق قابلتها بتصوير طاش زمان

نواف العلي ماله داعي مع ان الدور جرئ وحتى مدري كيف قبلته ريم عبدالله ايضا

مرحبا اخوي صوت تبوك

طبعا فعلا ذكرتني بسالفة حاوية النفايات سعاد شلون رضت اكيد عطوها زيادة طبيعي تقبل وطريق السرد فعليًا هذا أسلوب هبة حمادة وحركاتها يعني إحنا ما راح نخلص من هبة حمادة عشان يطلعونن تلاميذها الله يكون بالعون....

وجنات الرهبيني احبها شخصيا واعشق تمثيلها وقبل فترة تابعت مسلسل حبر العيون وكانت تعجبني الكيمياء بينها وبين حياة وتمنيت انهم يتجمعون مرة ثانية وقعلا استانست لم عرفت انهم مع بعض رغم ملاحظتي صغر مساحة دور وجنات...... ريم عبد الله اخوي اصلا عطوها اكبر من قدرها (حاطين يتلقون معاها) منو هي اصلا عشان حياة ومحمد جابر ووجنات وشيماء علي وبثينة يتلقون عليها عشان شعر طويل ومملوحة !!مجاملة مو مكانها اساسا قدرات ريم التمثيلية ضعيفة صحيح حضورها قوي بس عمرها الفني اقل من كثير من فنانات بالمسلسل مثل بثينة وشيماء... انا اشوف الممثلة هند محمد الي منهو ولدها اقوى منها بكثير

بس السؤال وين كان هالدعم من مراكز الانتاج الكويتية قبل الانفتاح الي حصل الحين لم صارت ام بي سي وهيئة التلفزيون تشق وتخيط قامو يجيبون فنانين سعوديين مجاملة وينكم عنهم من اول وايد فنانين من المملكة عندها مواهب اعتزلت بسبب قلة الاهتمام وانا اعلم يا صوت تبوك بقلة الدعم

مع التحية

[الفن الجميل]

اخوي عندليب ماعليك أمر وجزاك الله خير ممكن تعدلي بالموضوع تصحيح (بسم الله الرحمن الرحيم) ناقص حرف ب اول شي

[الفن الجميل]

[عزيز الروح]

معقولة محمد وحسين المنصور ما يدرون احنا باي سنة حاليًا المسلسل جنه بسنة 2001 لأسف عمل أقل ما يقال عنه فاشل ما توقعت ابدا ان المسلسل بيكون فاشل بعد نجاحهم بمسلسل "نوح العين" بعمل تراثي ذو احداث وقصة مشوقة وجديدة علينا الحين مسلسل درامي مكرر وكأنه فقرة تقليد لاستهزاء بالأعمال مثل (جسوم باق الشركة)... واخراج مصطفى رشيد لاحظت ان متمكن فقط بالاعمال التراثية ويقدر يبدع فيها اما بالاعمال المعاصرة مستحيل يبدع

قصة المسلسل مضحكة جدًأ

اخوان يتفرقون بسبب الفلوس وان الاخو شاك باخوه انه بايق حلاله وعيالهم يكبرون والبنت تحب ولد عمه والاب يرفض هالحب لا ويعني مسوين شي حاطين قصة بنت مشهورة على اليوتيوب تتهاوش على طول مع وحدة تكرها بالمسلسل يعني شي هههههههههههه حمد العماني حرام يكون يقدم هالدور الي ماله طعم ولا لون شنو الجديد بالقصة اصلا المسلسل ماله داعي يصير كله محور فلوس وشركات وبوق مجرد التواجد فقط لاسف كنت متوقع ان المسلسل يكون مستوى حلو او على الاقل جيد بس طلع شي لا يطاق والمفروض عرضه على قناة القرين لانه عمل قديم

[الفن الجميل]

[حياتي المثالية]


هالمسلسل ما كنت ناوي اطالعه لكن توقيته كان ذهبي وماكو شي يطلع غيره اطريت اتابعه واقيم يعني من حظ صناعه ان عرضه على قناة ام بي سي دراما نسبة المشاهدات بتكون عالية
فوز الشطي ماعندها اي ادوات هالمرة مثل ما استفادات من دور البدوية في [أمر اخلاء] وقدرت تأخذ راحتها وتضيف من عندها ارتجال كوميدي لأن دور البدوية ما يقدم بالاعمال الكويتية الا نادرًا وبشكل صغير ومختصر لكن بعمل بطلته تكون بدوية وعايلة بدوية شي ميز المسلسل وامر اخلاء وحياتي المثالية هو لنفس الكاتبة [مريم الهاجري].. اهني شفنا فوز توهقت وما قدرت تقدم شي يميز دوره بالمسلسل وخافت ان دورها يمر مرور الكرام مثل ما صار معاها في رمضان 2021 بمسلسل [سما عالية] لأسف دور كان صغير جدًا وما يلق بما وصلت له بعد نجاحها بمسلسل [أمر اخلاء] فذلك حبت تضيف بعض القفشات الي اعتقدت بنظرها انها كوميدية وهي بالحقيقة تهريج مثل كلامها اغلبه يكون نصه كويتي والنص الثاني جداوي وتقلب حلجها لم تسولف بحجة انها امها جداوية وما كان له داعي هذا صراحة وهذا غير الصراخ الغير مبرر وبكل وقت وكأنه المحاميات لزام يكون صوتها عالي وصراخ على طول .... اما احمد ايراج فتقلب وايد على فوز بالتهريج ويبدو انه اشتاق لدور [إبراهيم] بمسلسل [جرح الزمن] من ركض وتننط جنه ياهل وشنو الي يبي يوصل هل ان دور محامي خبل لأسف أحمد ايراج ما كان راكب عليه هالدور رغم اني اشوف انه تعب على الدور بسبب تعبه نفسه على الفاضي لأن مساره بالدور ما كان مقنع

كاخراج العمل جيد والتصوير والاضاءة فوق الممتازة وهذا الي عودنا عليه [سائد الهواري] ياريت المخرجين علي العلي وحسين الحليبي يتعلمون منه الله يعين عيون الممثلين الي يمثلون معاهم يطلعون عميان والسبة الظلمة والظلام الي يصورون فيها ترى الليتات بسوق الجملة 20 لمبة عرض على 10 دنانير وعليهم كفالة ولا يعيشونا بالظلمة

ماعلينا نرجع لحياتي المثالية

عيال باسم وما ادراك ما عيال باسم نتعب ونقول الله يسامح ابوهم الي فارضهم علينا بكل مسلسل ينتجه ما صارت خلاص عيالك ما يعرفون يمثلون قعدهم بالبيت مو شرط تلوع جبودنا فيهم واذا كلش كلش حطلهم مسرح بصالة بيتكم وخله يبدعون فيه بس والي يعافيك بعيد عن عيونا احسن لهم ويكسبون فينا اجر


ايمان الحسيني ... يعني وين التمثيل اصلا مجرد انها بكل حوارها غنوجة ودلوعة وتمد الحجي ما تعودنا على ايمان توصل سريعا هذا للمتسوى من الادوار الهامشية

فوز عبد الله مو فوز الشطي ركزو هاذي الي مسوية دور ام فهد باسم الي تحب خالد امين ..... طبعا زود ان صوتها مستفز لم تتكلم ما تعرف تمثل على الاطلاق والله يسامح زوج اختها عبد الله السدحان الي ساعدها تمثل بالضبط هي نفس موضوع عيال باسم (الواسطة عدو الفن) ما لقيتو الا فوز يعني والا المقصود دعم الوجوه السعودية ! ان كان هذا السبب وينكم عن مبدعات السعودية الحقيقيات مثل [سناء ابراهيم] هاذي الممثلة الجبارة وذات القدرات الحقيقية البعيدة عن التصنع وتطق فوز وبنات جيلها عشرة صفر بس شنقول اما الدور حدث ولا حرج عجوز تحب وشايب كانو يحبون بعض ايام الشباب بس ظروف فرقتهم وبعد سنين عيالهم يتزوجون بعض ويرجع الحب القديم سؤال كم مرة كرر خالد امين الاستاذ الاكاديمي هالدور بحياته الفنية !! وما الجديد فيه لأسف خالد امين اصبح هاوي للادوار البطولة الغير مباشرة ناسي ان من اسباب نجاحه وتميز هو ان يكون سنيد الكبار مثل ابداعاته مع الفنانة سعاد عبد الله بالضبط مشكلة حجم الادوار وترتيب الاسماء الي خلت الهام الفضالة تتراجع هي نفسها يعاني منها خالد

اما شخصية مريم الغامدي ما حسينا ابدا بوجود دور [أم] ممكن لو جايبنا كومبارس يسوي الدور وايد احسن ممكن بنحس فيه اما الدور انظلم بمريم الغامدي يبا والله لطيفة المجرن واسمهان توفيق طلعو ارحم منها كلش مو مبينه لو مخلينها بالميراث وايد احسن


يتبع طبعا كل المسلسلات وارد ان الي اضيف اضافات يعني مو اني كتب عنها مرة خلاص لا ممكن فيها اضافات بعد بالانتظار

[صوت تبوك]

السلام عليكم
ملاحظة بمسلسل قرة عينك
اللي هو الوحيد اللي تابعته

دور ام سوزان للان يعتبر هامشي وبالحلقه ماتطلع الا بمشهد او مشهدين

عاد مدري بعدين ببقية الحلقات وش راح يكون

هناك خطا اخراجي مدري احد انتبه له ولالا او انا يمكن ماكنت مركز
قبل كم حلقه يوم ريم عبدالله تكلم حصه بالسجن بالتلفون الارضي وبينها وبين حصه القزاز
ريم نزلت السماعه وقالت لحصه تبين تطلعين
وردت قالت ايه
وبعدها رجعت حطت السماعه على اذنها واعادة الجمله
ما انتبه المخرج المفروض يقص هالخطا
...
فيه مسلسل اسمه سفر برلك على شاهد كنت ناوي اتابعه من البرومو احسه حلو
بس وقتي ضيق وانا بالنهار ما اتابع شي من سنوات بس بعد رمضان ان شاء الله يمكن اتابعه
....
من سنوات صرت ما اتابع التلفزيون المنزلي رغم ان بالبيت خمسه تلفزيونات
صرت اتابع البث بس على المنصات زي شاهد وstc tv وiptv على الاجهزة اللوحيه

[الفن الجميل]

المشاركة الأصلية كتبت بواسطة صوت تبوك

السلام عليكم
ملاحظة بمسلسل قرة عينك
اللي هو الوحيد اللي تابعته

دور ام سوزان للان يعتبر هامشي وبالحلقه ماتطلع الا بمشهد او مشهدين

عاد مدري بعدين ببقية الحلقات وش راح يكون

هناك خطا اخراجي مدري احد انتبه له ولالا او انا يمكن ماكنت مركز
قبل كم حلقه يوم ريم عبدالله تكلم حصه بالسجن بالتلفون الارضي وبينها وبين حصه القزاز
ريم نزلت السماعه وقالت لحصه تبين تطلعين
وردت قالت ايه
وبعدها رجعت حطت السماعه على اذنها واعادة الجمله
ما انتبه المخرج المفروض يقص هالخطا
...
فيه مسلسل اسمه سفر برلك على شاهد كنت ناوي اتابعه من البرومو احسه حلو
بس وقتي ضيق وانا بالنهار ما اتابع شي من سنوات بس بعد رمضان ان شاء الله يمكن اتابعه
....
من سنوات صرت ما اتابع التلفزيون المنزلي رغم ان بالبيت خمسه تلفزيونات
صرت اتابع البث بس على المنصات زي شاهد وstc tv وiptv على الاجهزة اللوحيه

سفر برلك شفت اعلانه مبين كله حروب وتداخل فنانين من جنسيات مختلفة لبناني على سوري على فلسطيني على سوداني على سعودي على كويتي على عماني على قطري هالنوع من الاعمال ما تشدني ولا تعجبني الي مالها وطن محدد بعدين متى يعرفون ان اعمال الحروب والنزاعات ما تنفع برمضان مو وقتها ولا تجذب المشاهد هالوقت ... غصب ام بي سي رازه اللبنانين بكل المسلسلات المحلية هم سبب الخراب والتحرر البايخ الي ادخلو باعمالنا