هيا الشعيبي توضح شروطها للموافقة على الصلح من إلهام الفضالة هيا الشعيبي توضح شروطها للموافقة على الصلح من إلهام الفضالة https://j.top4top.io/p_3133byl301.jpg ردت الفنانة هيا الشعيبي على مكالمة الفنانة إلهام الفضالة للفنان ثامر الشعيبي -شقيقها- ضمن محاولات الصلح التي سعى لها الطرفان، موضحة أن الصلح لا يجب أن يكون بهذه الطريقة، وبدون تقديم اعتذارات وتعويض حول السنوات الماضية. وقالت هيا الشعيبي خلال مقطع انتشر بكثافة إن السعي للصلح لا يكون بطريقة عادية في حالتها مع إلهام الفضالة، مؤكدة أنها لطالما سعت في محاولات صلح فاشلة سابقاً، ولم تلق لها الفضالة بالاً. وأضافت هيا الشعيبي : “ياما سعيت للصلح وخلاص أرجع قضية ورا قضية، المهم ثامر كلمني، وقال لي فلان وفلانة دقين عليّ، يبون الصلح أخوي موجود، وبعدين لقيت أخوي منزل صلح صلح، إشمعنى الحين تبون الصلح”؟ وتابعت : “طيب تبون الصلح؟ تعوضيني عن الوقفة اللي وقفتها بسببكم، ولا تقولون مو بسببنا لا بسببكم، أنا أقوم أتحسب عليكم في صلاتي، وعلى الغرابة وأقول حسبي الله فيك يا غرابة على اللي سويتيه فيني من وراء الطرف الثاني، شنطة وفيها ساعات وخلافه شنو بتاخذونهم معكم القبر؟ أقسم بالله أهل الكويت كبير وصغير يعرفون مين هي هيونة”. تابعت هيا الشعيبي مملية شروطها بالتعويض والصلح: “تطلعين تعتذرين عن الأربع سنوات، وتقولين فعلا في حسابات وهمية أنا، وراها وقفي لعب التيك توك هناك بنشوف شنو بتسوون”. |
رد: هيا الشعيبي توضح شروطها للموافقة على الصلح من إلهام الفضالة ما راح توافق تطلع وتقول انا صاحبت الحسابات الوهمية حتى لو الكلام هذا صحيح تدور على الصلح من جهة وتشوه سمعتها من جهة اكيد ما راح توافق اللى يبي الصلح من غير شروط والا كل واحد يجلس في بيتة وحنا اللى مرتاحين |
رد: هيا الشعيبي توضح شروطها للموافقة على الصلح من إلهام الفضالة انا من وجهة نظري ما اعتقد راح يكون في صلح حتى على المدى البعيد اذا الموضوع وصل الى هالمرحلة ودخلو السمعه والاعراض هذي مشكله كبيرة واللي زاد وغطه هالحسابات اللي تأجج في الموضوع الله يصلح المسلمين |
رد: هيا الشعيبي توضح شروطها للموافقة على الصلح من إلهام الفضالة الحسابات الوهمية والحسابات الوهمية اصلا هالحسابات قاعد تفيد هيا اكثر من انها تضرها ولو تصكرت هالحسابات راح تكون هيا بطي النسيان |
رد: هيا الشعيبي توضح شروطها للموافقة على الصلح من إلهام الفضالة والله اشكر الفنانات الهام الفضالة وهيا الشعيبي على رسم البسمة وخفة الدم علينا هذا الصيف وخففوا علينا اثار الصيف الحار والله ان مقاطعهم اهني تسوا كل مسلسلاتهم الاخيرة وفعلا اهني الكوميديا الحقيقة الواقعية ههههههههههههه تصدقون كل ما احس بالملل اعيد وازيد بمقاطعم عشان حبيت اشاركم الفرحة وتتابعون مهاي |
رد: هيا الشعيبي توضح شروطها للموافقة على الصلح من إلهام الفضالة انا بالعاده ما حب اسمع قرقهم وسوالفهم لكن هالمره قلت خل اسمع وسمعت وقول حق الثنتين تبون نصيحتي لا تتصالحون افيد لكم و قضيتكم لو عند قاضي في محكمه كان يشد شعره وكل وحده تكلم تقول حمل وديع وماتعرف من الصادق اذا هذي سالفتكم من وين جت الهوشه والبربره قلت لكم لا تتصالحون واسكتو عن بعض وفكونا لكن لو تصالحتوا تكفون لا تجتمعون في عمل هوشتكم هذي الظاهر انها حوبتنا يوم انكم اجتمعتوا خصوصا موزه ولوزه ياساتر هذا عمل |
رد: هيا الشعيبي توضح شروطها للموافقة على الصلح من إلهام الفضالة مشكلة كبيرة لمن تكون في صداقه قوية وفجأة تتحول الى عداوه شرسه وما يكون في احترام وود للعشرة والعيش والملح... يعني انشروا غسيل بعض على عينك يا تاجر من معاير وتنقز وفضايح الله يكفينا شر هالنوع من الاصدقاء واكثر شي ضايقني بصراحه هيا الشعيبي (لا اذكرج اللي صار بالليل بسببج و وانج كنت على علاقه مع شهاب قبل انتهاء العده و ووو) ليتهم مقتدين ومتعلمين من الفنانين الكبار سعاد عبدالله وحياة الفهد وعبدالحسين عبدالرضا وسعد الفرج |
رد: هيا الشعيبي توضح شروطها للموافقة على الصلح من إلهام الفضالة اقتباس:
كيف لا وهي خريجة مسرح طارق العلي مسرح الاستهتار والبذاء انسانة غير مثقفة جاهلة صاحبة مشاكل منذ دخولها للفن وهي بعمر صغير كان مشاكلها اكثر بكثير لكن لم تكن سوشيل ميديا والله نسينا شسوت ب(فاطمة سالم) بسبب الغيرة |
رد: هيا الشعيبي توضح شروطها للموافقة على الصلح من إلهام الفضالة ينبغي عليهما الحذر من محتوى هذه الفيديوهات بسبب احتمال دخول الموضوع إلى نطاق الشكاوى والمحاكم .. وبالتأكيد سيكون التعويض بمبالغ خيالية في حال وجود تطاول وإهانات من أي طرف للطرف الآخر .. بالإضافة إلى التأثير السلبي على صورة كل منهما في نظر الجمهور بسبب ما تحتويه هذه المقاطع من مفردات! |
| الساعة الآن 09:45 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0