[مدار الذكريات]

يعطيك العافيه اخوي احمد ، بس أنا للأسف ماطلعت عندي الرساله ولاقريتها ، لكن مشكور على كل حال ، وهذا مو مستغرب من هرم الفن وأمير الإنسانيه ، اللي أدعوا الله انه يرجعه لنا بالسلامه
وعلى فكره مجلة فواصل أصدرت عدد خاص جديد هذا الشهر وموجود الآن في الأسواق عن الأمير سلطان ، وفرحت لما قريت كلمه من العملاق ابو عدنان يتمنى فيها الشفاء العاجل لابو خالد ورجوعه بالسلامه لوطنه وشعبه
وأخيرا أقول للمدعو كندي (يازينك ساكت) وترى ماحد درى عنك

[المهاجر]

مشكور الله يعطيك العافيه

[احمد 99]

شكر

[hasan_hamad]

أفل محـــــــــفوظ الحصيله ولمه
وأســـتبعد التافه وأضــم المهمه
وإن ضاقت الدنيا تذكرت سلطان
لا وا هني من كان سـلطان عمه

حــرٍ قنص به فرخ صقر الجزيره
وأخــوه فيصـــــل قدمه بالمسيره
له خبـــرةٍ في كــل دربٍ غـــزيره
يجلي سماها لى اظلمت فيه غمه

هو شمسها لى غاب نور الكواكب
وذعـــارها لى صاح بالخيل راكب
وهو جودها لى شـح بالغيم ساكب
خيرة على الادنى و الاقصى يعـمه


له فوق خمســين السنه ما ترجـل
ســرجه على صهوة أصيل محجل
واسمه على لوح الشهامه مسجل
إن قال يفعــــل و إن تعـــهد يتمه


معروف بعــــزوم الرجال القويه
ومعروف بالكف العطوف النديه
وإذا بغوا شـــجاع راي و حميه
تلفتـــت روس المخاليـــق يـمَّه

خالد بن فيصل بن عبدالعزيز ال سعود