[الفن الجميل]

من يشاهد المسلسل المنسوخ دون أي مجهود من المسلسل التركي (حطام) مسلسل أركض وأركض وراك (خريف القلب) بطولة إبراهيم الحربي وإلي سوا دور ولده عبد المحسن النمر يعني شايب ولد شايب شلون صارت اصلا الحربي يبان اصغر من النمر الأثنين مبدعين بأدوار السابقة لأنهم أساس تأسيس كويتي ما عندي ملاحظة عليهم، لكن إلهام علي كانت متصنعة وايد وتبالغ والحمد الله بعض أطفال التيك توك لاحظو هالشي... اما البطلة الثانية اسمها (لبنى عبد العزيز) وهاذي فجأة طلعت وقامت تأخذ أدوار وهي بعمر 40 سنة وأتوقع مدعومة شخصيات كبيرة لأن طلعت في برنامج (رامز) برمضان وهي محد يعرفها في قصة ورا دعم شخصية مغمورة وإعطاءها فرصة كبيرة كهذه. أما هند محمد أو كما أحب أسميها (جويرية) هي الوحيدة المبدعة من العنصر النسائي على رغم من مبالغتها بإستخدام الأسفنج بشكل مضحك.

لكن كل هذا بصوب وأدوار الخدم والسواق بصوب



الغريبة أهني أن الي سوت دور الخادمة سعودية الجنسية بالدور وبالحقيقية هي (عجيبة الدوسري) والي تأمر عليها وتتطلب منها لبنانية الجنسية من متى بنات السعودية يشتغلون خدم مو عيب هالشي متى بنات الخليج خدم طول عمرهم بناتنا راسهم مرفوعة وبأعلى المراكز بآخر زمن المسلسلات الدرامية تصور المرأة السعودية خادمة والرجل السعودي سايق مهان يهينه المعزب ومن متى السعوديين طبقات وناس فوق وناس تحت هاذي مو عندنا أبدًا وهاذي إهانة أصلا وبينما السعودي الحقيقي يشتغل خادم وفقير والآخر حرامي وبلطجي وطماع هارب لمصر تجد الممثل سوري الجنسية من الطبقة العالية ومحامي على مستوى !! في أن بالموضوع أصلا ليش محد لاحظ هالشي والله لزام واحد يقوم حملة والله لو أني سعودي ما راح اسكت عن هالمهزلة بس ما اقول إلا الشرهه على الحربي والنمر بس