بصراحة لما ادت شجون دورها في المسلسل عديل الروح

كنت مااعرف معنى كلمة بوية

وكانوا البويات عددهم بسيط جدا ، لاكن دور شجون فتحت البنات على هالاشياء

اهي بوية اسم على مسمى ،، والدليل شووفوها ببرنامج شوجي ملابسها وحركات شعرها وكلامها وضحكتها ومشيتها ورقصتها

لو بتلاحظون في جسمها مافيها شي بسيط من الانوثة

حتى انه اشوف لبسها في برنامج شوجي
ما ينا سب للبنات أصلا وحركاتها ما فيها انوثه

اخوي sama

افهمني وافهموني كلكم ياناس ،، شجون خطر وجودها على الشاشة ، حركاتها الطبيعية حركاتها صناعية كل هذا ماله دخل في الموضوع ،،، واذا تقول انها بعدها صغيرة المفروض التلفزيون والادارات والمنتجين يعلمونها السنع ، خلوها تلبس ملابس عدلة تتكلم وتتحدث بشكل محترم ،، خليها تتدلع وتتصنع الدلع ، احسن مما تفتح اعين البنات على اشياء مخيفة
اذا اشوف شجون اخاف على البنات لصغار او المراهقات الشباب يتأثرون فيها ويقلدونها في الملابس والملابس و.. وكل هذا خطر على بناتنا

وش هذا الكلام هذا قلة اداب منكم والمفروض الادارة مايسكتون علي الانتقادات الجارحة وخاصة شجون لنها ممثلة مبدعة وتوها صغيرة وانتم تجرحونها بكلام السي وقلة الاداب هذي مالها داعي وكل واحد يحترم نفسة شوي انتم ناس غير محترمين وشجون من جماعتي وانا مارضي عليها ابدا وكل واحد ينتقدها راح يسمع شي مايسرة احترموا نفسكم شوي حرام عليكم حرام عليكم احترامو نفسكم والادارة ياليت ماتسمحهم ابدا والي والله مايمن كلامة راح يسمع كلام مايسرة بسكم تجريح بناس حرام حرام قسم بالله حرام ماتيسير كذا حنا انتقبل كل شي الا الانتقادات الجاحة مانرض فيها ابدا يالي بيحترم نفسة نرحب بة والي مايحترم نفسة يطلع لانكم ناس جرحتوا مشاعرة والله حسافة عليكم وانا بصوتي اقول للادارة ماتسكت عنكم ومشكورين يادارة وانا شاء الله مايقصرون ومشكورين تحياتي لكم

للاخ او الاخت شااااه

شجون ممثلة وفنانة وعلى راسنا ،، ماقلنا شي بس شبكون شعورك اذا شفت بنت من اهلك نحرفت والسبة تأثرها بشخصية شجون ، شجون تقول : يظلمني من يطلق علي صفة «البوية». عموماً هذه ضريبة النجاح.

للأسف أن كل فنان او فنانة يجذب على نفسه وعلى الناس بهالكلام ، اي ضريبة نجاح ؟ من وين جا النجاح ؟ هدمتوا بيوت و خربتوا بنات الناس وتقولون ضريبة نجاح ؟؟

اي فنان او فنانة يمثل بأدوار كركترات هذا يسمى فنان او فنانة بمعنى الكلمة ،، لاكن اذا هناك شاب (لوفر) وخليناه يمثل ، بتقولون عنه : بعده صغير وفي سن مراهقة وهذا شي طبيعي و ماسوى شي و... ؟؟ دام انه مراهق ومنحرف ، حرام تنزلونه عبر شاشة التلفاز لانه وجوده سلبي على الشاشة وهذا يأثر على بناتنا المراهقات

اني ما اكره شجون ، ولابيني وبينها خلاف ، بس ما اشوف عليها رقابة

والانسان او الانسانه بشكل عام ينعرف من شكله ، من كلامه ، من اخلاقه ، من ملابسه ، من كل جزء فيه ينعرف ان كان متربي عدل او لا

انصح شجون نصيحة من اخت لاختها :
انها تتقرب الى الله اكثر وتلتزم بتعاليم واحكام القرآن الكريم وتعرف الصح من الغلط وتتخالط من البنات الملتزمات وتعرف حقوقها ، الحياة مو فن و ضحك ،، الحياة تعلمنا وكلنا مو معصومين من الخطأ ومو عيب اذا اخطأنا

بس العيب ان اذا احنا واصلنا الغلط ومشينا عليه

وبنسبة لكلام الاخ شاااه :
اذا انت تحب شجون فعلاً ، لازم تصارح نفسك وترشدها للطريق السليم ، مو تمدح فيها وتسكت عن اغلاطها
ترى هذا يسمى حب مصلحة ، او مو حب حقيقي ، اذا انت تحب شجون انصحها تترك بعض الامور السلبية

شجون فنانة وممثلة ممتازة ، بس العادات الخاطئة الي تأثر على المراهقات لازم تتركها

تقول شجون:
لا أنزعج من الانتقاد، بل توصلت إلى نتيجة مفادها أنني نجحت في أداء الدور ونقل الرسالة بالشكل السليم. هنا أتساءل: هل نستطيع إنكار وجود هذا الصنف من الشواذ في مجتمعنا؟ يظلمني من يطلق علي صفة «البوية». عموماً هذه ضريبة النجاح.

الانتقادات الموجه لك المفروض تعدلينها بالفعل لا بالكلام ، ونعم نقلتي الدور بشكل سليم ولاكن هناك حدود معينة يحاسب عليها الكاتب والمخرج والمنتج انتم ذكرتم سلبية في المجتمع صايرة وذكرتون سلبياتها ، ولاكن وين الايجابيات ؟ وشنهي هالرسالة الي وصلت بشكل سليم ؟؟ سؤال: شستفاد المشاهد من هالرسالة ؟

شجون : هنا أتساءل: هل نستطيع إنكار وجود هذا الصنف من الشواذ في مجتمعنا؟
لا طبعاً لا نستطيع نكران هذا الشي ، ولاكن انتي كبنت من المفترض انك ماتقبلين بأداء الدور بهذا الشكل وانتي كممثلة وكفنانة هل سئلتين نفسك قبل اداء هذا الدور : قد يتأثر بي المشاهد ويقلدني بسلبيات هذا الدور ؟


هناك اكثر من اصناف سلبية في مجتمعنا ومن ضمنها الدعارة ، هل ستوافقين بأداء دور بنت مراهقة وتخالط الشباب في اماكن خاصة مثل الشقق او الفنادق ، وطلب منك الكاتب برتداء ملابس تضهر اماكن معينة من جسمك؟
هل ستوافقين ؟؟

هذا ايضا صنف من الاصناف السلبية في المجتمع


استسمح لكم عن الاطالة والكلام بس كل هذا كلامي من أجل الفنانة شجون ولحبي لها
كنت اتمنى اني اتحاور معها شخصيا و كلام مابيني وبينها ، لاكن للأسف لا استطيع لأنني بالبحرين وصعب استطيع الوصول لها





اختكم زهرة