[بنت عبدالحسين]

صج زين عرفت انها تطلع على حكايات ..

لان مافيني صبر لي باجر الساعه 4 ونص ..

احتمال اشوفها اليوم على حكايات :d ..

مشكوور اخوي ..

[محمود آل ابراهيم]

.. حلقة اليوم كانت جميلة كالعادة ..

وربما تكون قمة الاثارة والمفاجأة والصدمة إذا منيرة انخطبت بدل حصة !!

وأيضاً قصة جمعة غريبة وجميلة ومفاجئة هي الأخرى ..

ننتظر حلقة الغد ..

[بنت عبدالحسين]

انا عن نفسي ما نطرت لي باجر ..

شفتها قبل ساعه ..

الساعه 3 على حكايات كمان ..

لاني من صج ما كان فيني صبر .. وصار فيني فضول قوي

وبانتظار حلقه باجر ..

[فًٍنًٍوًٍنًٍـ]

.. كان سجّلتيها لنا

[محمود آل ابراهيم]

وش هالحظ التعيس

قناة حكايات كانت تطلع عندي بصورة طبيعية

ومن ساعة يوم كنت بشوف المسلسل .. ما طلعت !!!!

مو مشكلة .. نشوفها بكرة في الكويت أو أبو ظبي


بس لا تحرقين علينا الحلقة يا بنت عبدالحسين

[بنت عبدالحسين]

ههههههههههههههههههههه

لا ما اسويها

ومشاهده ممتعه لكم جميعا ..

وعسى الله يعطيكم الصحه والعافيه يارب ..



تحياتي للكل ..

[الأنين]

المشاركة الأصلية كتبت بواسطة بنت عبدالحسين

اي صح .. مبين ان بوصقر بيتزوج عليها ..

-----------------------

واليوم في حدث حلو بالمسلسل ..

وهو ان خالد البريكي مفتح يعني مو عمي ..

وخاش هالسر من 6 سنين بس عشان يشوف منيرة وما ينحرم منها ..

طبعا هذا على حسب كلام بوصقر يوم قال لام يمعه ..

دام ان ولدج فاقد نظره انا ما عندي مانع ان يظل معانا ويدخل البيت

هذا حدث حلووو ..

اما الشي الي كدرني وضايقني ..

ان ام الولد الي بتخطب حصه حق ولدها ..

انعجبت باختها وهونت عن حصه ..

وحصه حرام باجر ( بتندقر ) .. من بعد الوناسه حزن

كسرت خاطري حييييل ..

انا اللي فهمته من خلال لمحه لمشهد من هالمسلسل انه فعلا اعمى وعقب بالبحر طاح على راسه ورجع له البصر لو لاحظتي حركة الكاميرا شلون كانت بعودة الرؤيا له ومن عقبها ماتكلم وقال ان البصر رجع له ولما رجع البيت كان محتار اي وحده من البنات هي اللي يحبها مو حافظه الاسماء اللي بالمسلسل لكن فاطمه الصفي اظن

[بنت عبدالحسين]

صح الي يحبها هي فاطمه الصفّي ..

وهو رد نظره من بعد ما طق راسه يوم كانوا رايحين الحداق مع حمد العماني

وربعه .. بس هالمشهد كان قاعد يتذكر .. يعني صارله 6 سنين مفتح وساكت

ما قال حق احد بس عشان لا يطلع من بيت غانم الصالح وينحرم من شوفت الي يحبها ..



واي هو كان اعمى من دعمه الحادث مع ابوه يوم كان صغير .. صح كلامج

بعدها رد نظره مثل ما قلنا بالطراد ..

والمسلسل عجيييييب ..

مشاهده ممتعه لج اختي الانين .. وللجميع ..

تحياتي لكم

[الأنين]

المشاركة الأصلية كتبت بواسطة بنت عبدالحسين

صح الي يحبها هي فاطمه الصفّي ..

وهو رد نظره من بعد ما طق راسه يوم كانوا رايحين الحداق مع حمد العماني

وربعه .. بس هالمشهد كان قاعد يتذكر .. يعني صارله 6 سنين مفتح وساكت

ما قال حق احد بس عشان لا يطلع من بيت غانم الصالح وينحرم من شوفت الي يحبها ..



واي هو كان اعمى من دعمه الحادث مع ابوه يوم كان صغير .. صح كلامج

بعدها رد نظره مثل ما قلنا بالطراد ..

والمسلسل عجيييييب ..

مشاهده ممتعه لج اختي الانين .. وللجميع ..

تحياتي لكم

اي حبيبتي انا ما تابعت العمل بس شفت المشهد بشكل عابر ولفت انتباهي عودة النظر له
( شئ غريب واقرب الى خيال الكاتبه بالطبع)
ومشكووورة عالتوضيح واتمنى لك غاليتي متابعه ممتعه واضح ان المسلسل يشذ انتباهك ومتحمسه له

دمتم بخير