سوسحلو .. وانا بعد ما اتوقع خطوبه حصه تعدي على خير .. ومن ناحيه ان بو صقر مغازلجي .. اي صح وترى في بعض الرجال تلاقين شخصيته قويه في البيت لكن بره البيت واحد ثاااني .. :) اذا تمثيل واقعي :) والمسلسل عجيب .. ومتشوقين لحلقه باجر .. وشكرا للجهود وشكرا لكم .. |
صح .. في نماذج منهم في الواقع تلقينهم في البيت معصبين ، يزفون الأولي والتالي ، ويبغون يمشون كلمتهم حتى لو على خطأ وبره البيت .. يسلم على هذا ويسولف مع ذا ويجامل بالكلام الحلو ..!! تناقض غريب .. أبدع فيه غانم الصالح .. :) |
من خلال التصريحات التي أطلقها الفنانيين قبل رمضان حول أدوارهم : بو صقر بيتزوج على شريفة .. وهذا بيكون بمساعدة الفنان علي السبع اللي هو أخو شريفة .. طبعاً علشان ما يخسر مكانته عند بو صقر .. وش رايكم ..؟ :) |
يا جماعة اكتشفت شي .. أن العرض الأول للمسلسل مو على قناة الكويت .. هي على قناة حكايات ..!! وتعرض المسلسل الساعة 3 الفجر .. يعني قبل أكثر من 12 ساعة من عرض قناة الكويت !! |
اي صح .. مبين ان بوصقر بيتزوج عليها .. ----------------------- واليوم في حدث حلو بالمسلسل .. وهو ان خالد البريكي مفتح يعني مو عمي .. وخاش هالسر من 6 سنين بس عشان يشوف منيرة وما ينحرم منها .. طبعا هذا على حسب كلام بوصقر يوم قال لام يمعه .. دام ان ولدج فاقد نظره انا ما عندي مانع ان يظل معانا ويدخل البيت :) هذا حدث حلووو .. اما الشي الي كدرني وضايقني .. ان ام الولد الي بتخطب حصه حق ولدها .. انعجبت باختها وهونت عن حصه .. وحصه حرام باجر ( بتندقر ) .. من بعد الوناسه حزن :( كسرت خاطري حييييل .. |
صج :) زين عرفت انها تطلع على حكايات .. لان مافيني صبر لي باجر الساعه 4 ونص .. احتمال اشوفها اليوم على حكايات :d .. مشكوور اخوي .. :) |
.. حلقة اليوم كانت جميلة كالعادة .. وربما تكون قمة الاثارة والمفاجأة والصدمة إذا منيرة انخطبت بدل حصة !! وأيضاً قصة جمعة غريبة وجميلة ومفاجئة هي الأخرى .. ننتظر حلقة الغد .. |
انا عن نفسي ما نطرت لي باجر .. شفتها قبل ساعه .. الساعه 3 على حكايات كمان .. لاني من صج ما كان فيني صبر .. وصار فيني فضول قوي :p وبانتظار حلقه باجر .. :):) |
.. كان سجّلتيها لنا :) |
وش هالحظ التعيس قناة حكايات كانت تطلع عندي بصورة طبيعية ومن ساعة يوم كنت بشوف المسلسل .. ما طلعت !!!! :( مو مشكلة .. نشوفها بكرة في الكويت أو أبو ظبي :) بس لا تحرقين علينا الحلقة يا بنت عبدالحسين :p |
ههههههههههههههههههههه لا ما اسويها :) ومشاهده ممتعه لكم جميعا .. وعسى الله يعطيكم الصحه والعافيه يارب .. :) تحياتي للكل .. |
اقتباس:
انا اللي فهمته من خلال لمحه لمشهد من هالمسلسل انه فعلا اعمى وعقب بالبحر طاح على راسه ورجع له البصر لو لاحظتي حركة الكاميرا شلون كانت بعودة الرؤيا له ومن عقبها ماتكلم وقال ان البصر رجع له ولما رجع البيت كان محتار اي وحده من البنات هي اللي يحبها مو حافظه الاسماء اللي بالمسلسل لكن فاطمه الصفي اظن |
صح الي يحبها هي فاطمه الصفّي .. وهو رد نظره من بعد ما طق راسه يوم كانوا رايحين الحداق مع حمد العماني وربعه .. بس هالمشهد كان قاعد يتذكر .. يعني صارله 6 سنين مفتح وساكت ما قال حق احد بس عشان لا يطلع من بيت غانم الصالح وينحرم من شوفت الي يحبها .. :) واي هو كان اعمى من دعمه الحادث مع ابوه يوم كان صغير .. صح كلامج بعدها رد نظره مثل ما قلنا بالطراد .. والمسلسل عجيييييب .. مشاهده ممتعه لج اختي الانين .. وللجميع .. تحياتي لكم |
اقتباس:
( شئ غريب واقرب الى خيال الكاتبه بالطبع) ومشكووورة عالتوضيح واتمنى لك غاليتي متابعه ممتعه واضح ان المسلسل يشذ انتباهك ومتحمسه له دمتم بخير:) |
سُعاد .. متى بتح ـسّي ع دمّك .. بلاش كل هالطّيبة ! .. بإنتظار النّقيض كما وعدتنا غ ـانم .. فك ع البنات يا أخي .. :( مرام .. ح ـرام تخ ـترب فرح ـتها :( بُثينة .. ليه ما قلتي لـ ح ـمد أنّ " شوؤق " رافضتك ؟! .. ما أدري شو ع ـاجبها بـ هـ " الع ـثمان " :( خ ـالد .. ليش ما تتقدّم لـ " فاطمة " أخ ـاف بكره ترفضه لأنها ما ترضى بـ هالشّيء فاطمة .. تبادله نفس الشعؤور ؟ أحلام .. ما بتغ ـيري نظرتك :confused: جنيفير أليسون .. من وين طالع ـة الأخ ـت لو تشوفها | باسمة | تسوي لها قصّة و رواية سُعاد سلمان .. بكره قولي أبي " ملاك " بع ـد :mad: مشاعل .. طيوؤبة حرام ليه مح ـد يح ـبها ؟ شفيقة .. " ليش تتسبين على المرة و تطلعينها من شور ريلها " http://forum.fnkuwait.com/images/icons/icon10.gif الع ـمل أكثر من رائع و يثبت نفسه بجدارة .. العضو فنًٍوًٍنًٍـ .. يشكر المشرفة سع ـاد على هكذا مجهود :) .. و آسفين ع التعليقات الكوميدية .. نحنُ في منتدى عملاق الكوميديا فلنتميّز بالطابع الكوميدي .. |
الأخ فنون :: مرحباً بك وشكراً لك على التعليقات الجميلة ،، ونتمنى أن تواصل معنا في التغطية :) |
موضوع جمعة وأنه مو أعمى شكل صدمة للجميع بصراحة .. 6 سنوات وهو مفتح بس يسوي روحه أعمى .. ومن الحب ما أعمى ..!! :) |
هههههههههههههه صاج اخوي سوسحلوو .. --------------------------------- بس بسألكم شفتوا ( الدقره ) اليوم مالت مرااام .. والله كسرت خاطري .. وبعدها راحت حطت حرتها باختها الي مالها شغل بالسالفه .. بس الحمدالله اخر شي تسامحوا .. :) مهما كان هذيل خوات .. والدم عمره ما يصير ماي .. ------------------------ الشغله الحلوة الي اعجبتني .. ان منيرة رفضت انها تتزوج الريال الي على اساس بيكون زوج حصه .. لان لو اقبلت فيه بتصير كارثه وتشب حريجه بين الخوات .. ومنها بعد يمعه ارتاح يوم سمع منيرة وهي تقول ( يمه قولي لهم ان مافي نصيب ) .. :) ----------------------------------- والي كسرت خاطري حيييييل ( شرووف ) .. يوم قالها عقاب ان جنه شعرج خاف .. وقام يضحك بصوت عااالي وباستهزاء :(:( .. وبانتظار حلقه باجر .. واسفه على الاطاله .. |
وانا اوافقك الراي بكل اللي حكيتيه اللي شدني اكثر بحلقه اليوم لما استهزاء(بشريفه) هالمغازلكي:mad: ((الملسلسل بجد كل يوم احلى من اليوم اللي قبله)) عوااافي عالجميع |
والله خوش مسلسل تباعته بس التوقيت مو عندي ممكن تحطونه لاني ودي اتابعه:(:( بس لالا عجيب وانا عجبني دور الممثل خالد البريكي دوره حلو وقصته قصه |
الحلقات حلوه واللي عجبني مشهد يمعه يوم يفتح ويوم يخلونه يسوق والشيء الحلو انه ما قال انه انا اشوف الي يحب يسوي كل شيء الـــــــــــله وشكرا |
اخوي احبه ليه انا مدري ؟؟ المسلسل يطلع كعرض اول على قناه حكايات كمان الساعه 3 الفجر .. ويطلع على قناه الكويت كعرض ثاني الساعه 4 ونص العصر .. ويطلع على قناة ابو ظبي كعرض ثالث الساعه 8 بالليل .. وعلى قناه ابو ظبي بلس يطلع الساعه 9 بالليل .. ومشاهده ممتعه :) |
حلقة اليوم عجيييييييبه .. واليوم الله ستر على شرووف .. الي طلعت وراحت الصالون بدون علم بوصقر .. عشان تغطي ( الصلعه ) على قولتها الي بشعرها .. يعني الفراغات الي فيه .. -------------------------------------- وبانتظار حلقه باجر .. من بعد ما قالت شروف عن سالفه حمود ولد اخوها .. الله يستر منك يابوصقر :):) لي دريت ان الولد عندك بالبيت :) |
.. |
يعطيك الف عافيه اخوي فنون وما تقصر .. عساك ع القوة :) |
حلقه 9 وااايد حلوووة .. وفيها جم حدث حلوو :) واخيرا عرفنا سر شمّه اخت عقاب .. والله الله يعينها .. |
الع ـفو بنت ع ـبد الح ـسين .. :) واج ـبنا و بـ الفع ـل حلقة 9 ذكّرتني بحلقة 3 :) |
المسلسل كل ماله ويزيد تشويق |
صدقت اخوي الملك .. ويعتبر هو المتصدر من وجهه نظري :) بانتظار حلقه باجر .. |
نبي الحلقه اليديده |
.. |
السندريــــــــــــــــــــــلا بصراحة المسلسل جميل و أعتقد أن الجميع يؤيدني بأننا نريد أن نــرى سعاد عبد الله تلك المرأة القوية التي يهابها الجميع و لكن يجب على فنانتنا أن تغير قليلا من كركترها مللنــا من سعـاد عبد الله ضعيفة الشخصيـــة و شكــــــــــــــــــــرا ؟؟؟؟؟؟؟؟ |
.. |
يعطيك الف الف عافيه يا فنون .. وما تقصر .. عساك ع القوة .. ---------------------------- يا اخوان حلقه اليوم (12 ) .. خلتني ابجي صار فيها حدث حيل قوووووي .. واكيد بيغير قصه المسلسل كله .. طبعا ماراح احرقه .. بس انصحكم بالمتابعه .. والف شكر .. |
العفوؤ .. يا [ بنت عبد الحسين ] الحلقة خلاص عُرِضت حوالي الـ 4 مرّات .. أتوقع الحدث الي ببالك .. يوؤم ( فلبينو ) " بشاير " شافت الصوؤر ؟ |
لا يا اخوي .. جا زييييييين .. حدث اكبر من جذي بوااايد .. انا اسفه غلطت .. قصدي حلقه (12) .. وانا شفتها قبل 3 ساعات على حكايات كمان .. خبرك العرض الاول على حكايات وتلفزيون الكويت هو العرض الثاني للمسلسل .. وانا اكيييييد ماراح احرقه واقووول .. وباجر انشالله لي شفتوا الحلقه .. بنتنااااقش فيها .. مشاهده ممتعه لكم جميعا .. |
.. شوّقتينا يا " بنت سُعاد " .. و إسمحي لي على اللقب الجديد و ننتظر الساعة 4:45 على نار .. :) إأممممم .. نراكِ غدًا |
ما يصير شذي تتفرجين يا بنت عبد الحسين عبد الرضا من غـــــــــيرنا ههههههههههههههههههههههههههههههههههههههههههههه ... |
a7 a7 a7 9ageer maaaat :S :S :( shlowwwwwwn jethy wallah 7eel 7eel 7eel 7eel 7eel in9dmt .... al7eenra7 yt'3yer ki shy bl mosalsal :S aba eb America w cheft,ha gablkom :P :P bs mo gbl bint 3bdil7sain :@ :O |
اشكرك يا فنون على المجهود الجميل |
| الساعة الآن 01:12 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0