 عبد الحسين حتى .... الحب الكبير
السلام عليكم هذا اول موضوع اشارك فيه واتمنى اتقبلونه برحابة صدر ... يمكن عنوان الموضوع اخترتة علشان اتكلم بأكثر شمولية عن مسلسلات هالهرم الحديثة واللي الرأي الآخر ينتقدها .... عبد الحسين اعتبره فنان الأجيال (الله يطول بعمره ) لأن ساير كل العصور وعرف ايشلون يناقش قضايا المجتمع كل قضية بجيلها بطريقته الكوميدية المعروفة في بعض الناس ماتعجبهم هالطريقة يقولون المسلسل دون المستوى ولازم ممثلين كبار وياه ... عبد الحسين يعرف منو يختار لكل قضية يبي يناقشها يعني في مسلسل الحب الكبير ناقش قضايا شبابية بحتة فياب ممثلين شباب علشا يكون صادق في طرحة ويوصل هالمعلومة لهم ومعروف عن عبدالحسين حرصة على ظهور المجتمع الكويتي بصورة محترمة ومناقشة قضاياه بالكوميديا ... وعبد الحسين متهم دايما انه اهو محور العمل وباقي الممثلين مكملين له حتى لو كانو نجوم كبار.... طيب لو فرضنا هالكلام صحيح هالنجوم الكبار ليش قبلوا العمل ؟ ماقروا الدور ؟ ليش ما إرفضوا ؟ لكن قناعتهم بأن عبد الحسين راح يطلعهم بصورة حلوة وبإنهم راح يستمتعون بالعمل وياه حتى لو كان هو المحور لأن القصة لازم يكون لها محور تدور عليه الأحداث ويعتمد بعدها على براعة الممثل بأداء الدور حتى لو كان صغير .... والدور الحلو يترك بصمة عند الناس يعني بقاصد خير من ينسى دور مرزوقة سيسم وإلا عواد وقمة الكوميديا عند خليل اسماعيل بنفس المسلسل .... والإسكافي وديوان السبيل اللي ناقش فيه عبد الحسين الوافد الأجنبي بطريقة تراثية ... وسوق المقاصيص الله على هالمسلسل كان الكل مبدع فيه وشوفوا سعد الفرج ايشلون كان مبدع وحياة الفهد حتى الطباخ الهندي بالمسلسل كان كاركترة حلو .... وحبل الموده منو ينسى دور بو منقار ودور العجيمي والصيرفي ولو اني ماابلعهم لكن عبد الحسين خلى دورهم واسمهم بالمسلسل يتداول او ينذكر والحياله وفكرة الكوميديا الجديدة مع الراحل النفيسي .... والتنديل ماعليه خلاف حتى الحب الكبير .... عبدالحسين له طريقة تفكير ذكية جدا ينتقدها البعض بس لازم يغير علشان يواكب العصر مع الإحتفاظ بالأصالة الفنية والكوميديا الراقية لكسب جمهور وجيل جديد ... واعطيكم مثل بالفنان والمطرب الكبير عبد الكريم عبد القادر سبب استمراريته هو التغيير والتجديد اللي البعض منتقده عليها لأن يبون عبدالكريم يتم عالقديم بس لكنه جدد واستمر وحافظ على اصالته وكسب جيل وجمهور جديد ومحتفظ بالقديم لأن ترك لهم كنز من الروائع الغنائيه .... هذا هو تفكير العمالقة علشان جذيه وايد ألقى تشابه بين هالعملاقين بطريقة تفكيرهم وأستمراريتهم ..... سامحوني طولت عليكم وتقبلو تحياتي
| 
وكلامك سليم 100%
العرض العادي
المواضيع المتشابهه 
