[سعودي يعشق الكويت]

(ليش ليش جيذي والله حرام عليكم تسوون في الريال جيذي)

اختي بنت ال رحمة
نحن لانتعامل معه كاشخص هو لو جالس في بيتهم ماحد كلمة ولا جاب سيرتة نحن نتكلم عن عمل يقدم للناس فقط

[بلح أصفر]

بالعكس والله طارق مسرحياته روووووووعه

<< سؤال ليش حاقدين عليه ايش السبب

[ماجد ksa]

أشكر الكاتب حسن محمد وأقوله
أخيراً لقيت اللي يقول مافي خاطري على مسرح طارق :: المسخرة والله العظيم
كل ماشفت مسرحيه لطارق العلي أسأل نفسي وين القيمه الفنيه الموجوده بالمسرحيه ... كلام فاضي كله إستهزاء وضرب وإثارة العنصرية على شتى إختلافها
سواء كانت بدو وحضر او سنه وشيعه هذا جانب ,,,, الجانب الآخر مسرحية مايصح إلا الصحيح يوم يقول مزايا اللون الأسود لاسماعيل سرور
إستغفر الله من قوة الإستهزاء والمجاهرة فيه تمنيت ان يقام عليه عقوبة توقفه عند حده وتخليه عبره لغيره لانه تكلم وتعدى حدوده مع الله سبحانه وتعالى مو مع أحد من البشر , اللي بغيت أقول لطارق العلي اتمنى انه يقتدي بمسرحيات الفنان الأستاذ القدير والمبدع الفنان عبد العزيز المسلم فنان راااااااااااااااااااقي بكل ماتحمله الكلمه من معاني وغيره طبعا من الفنانين العمالقه اللي موجودين عالساحه واللي انتقلوا الى رحمة الله , بصراحه النقد واجد على طارق لكن كل اللي بغيت أقوله قالوه الأعضاء و خير الكلام ماقل ودل
ومشكووووووووووووووووووووووووورين
وأقول لطارق كفـــايه مسخره عندك فن بتقدمه يستحق ولا أقعد في بيتك أحسن لك

[shwq]

صحبح الاشياء اللي تتقدم على المسرح اسمها مهزلة
وطنازة هذا متين ضعيف ابيض اسود
عندة شعر لااصلع شعرة فلافل لاذاك شعرة ناعم
ابغى اعرف وين الرسالة اللي من المفروض تقدم للجمهور
والناس اللي مستانسة وتضحك على كذا مردها تمل
وهالنوع من المسرح قصير الاجل
يعنى في وقتة والناس تنساة ماتذكرة
مو مثل المسرحيات القديمة على هامان يافرعون وغيرها
الناس تذكرها ولمن تشوفها تضحك من قلب
وترى احنا مانكرة طارق بالعكس نتمنى نشوفة احسن من هالمستوى الهزيل ونشوفة في المقدمة مثل بداياتة .

[سعودي يعشق الكويت]

shwq رايك في محلة قصيرة الاجل وايضا عدم وجود نص يملا جوانب القصة فيعوض عنة بالضحك على بعضهم والاستهتار هذا راي

[Quize]

مع إحترامي لجميع آراء الإخوان الذي أنا متأكد أن جميعهم يضحكون عندما يحضرون
مسرحية للمبدع طارق العلي الذي وضع أسلوب جديد من الكوميديا و طارق العلي كبير
و متميز و ((( كوميدي ))) لا يتصنع الكوميديا أتمنى ل ( بو محمد ) الإستمرار في التميز

[ابورشدي]

.
.
:"شكرا على مروركـم:"
.
.

[~nZaKa~]

ولا أنكر أن طارق العلي أعطى لعدد من الشباب الفرصة بالظهور ولكن بعد مرورهم على دورة « التهزيء والطراقات »

اصلا طارق مايطلّع الا نفسه وبدليل ان الممثلين اللي معاه مايعطيهم نصوص كوميديه عشان محد يصك عليه

يطلّع فنانين جدد عشان يتفلسف عليهم ويحس انه كبير بينهم ولان اجرهم قليل

طارق من صار منتج واهو قام يخبص

مو مهم راي الجمهور عجبهم والا ماعجبهم اهم شي يربح باقل ميزانيه

مسرحياته عباره عن ( استهزاء بخلقة الله + قلة حيا + طق بهالممثلين والممثلات + يستلم ممثل ومايخلي شي عنه وعن اهله واصله وفصله >> اللي يسمعه يقول انه ولد بطنها هههههه والله من النقص اللي فيك ياطارق + يتطاول على الجمهور الي رزقه عليهم @@ واذا ماعجبه ردة فعلهم يطردهم !! + لازم في قزم او متين او خال عشان يستلم خلقتهم ويضغطهم >> مادري توم كروز على غفله >> المشكله اهو المنتج محد يقدر يتطنز عليه يطردهم من المسرحيه )

وعقب ما يتطنز على المذاهب وعلى اصول اهل الكويت وووو آخر شي يقول كلنا اهل الكويت وكلنا نحب الكويت وعسى الله لايفرقنا

و جك جك جك جك جك

وانتهت المسرحيه

وبس صارت المسرحيه هادفه

[حمود الطواش]

مو بس طارق تغير كل شي تغير اذواق الناس تغيرت بكل شي حتى بالفن ... طارق لما كان مع احمد جوهر كان مبدع ... انا احب طارق ولما الحين احبه ورحت له قبل لايصير منتج وعقبها هونت والمسلم انا ما احبه بس رحت مسرحيته علشان اقارن بين مسرحه ومسرح طارق لقيت اهو بعد حاط له جم واحد يتطنز عليهم وعلى لونهم صج مافيه طراقات بس فيه طنازة حتى داود حسين بعد نفس الشي .... صار المسرح جذيه الحين لأن ماكو مواضيع اعرفو شنو يبون الناس الحين وعطوهم اللي يبون .... علشان جذيه بس انطر مسرحيات عبد الحسين واحرص اني اروح لها اكثر من مرة لأن تروح حق تاريخ حافل بالنجاح والفن الأصيل اللي باقي ماتغير مهما الناس تغيروا ....

[هيون الرياض]

اصلا طارق العلي من صحيه عبد ولد عبيد ومسوي فيها قبيلي اول مره اشوف قبيلي اسود هههههههههه بس بس يحليله مانقول الا الله يهديه

تراه مسكيين على نياته مايقصد شي

[abohamd4]

المشاركة الأصلية كتبت بواسطة الهرم الكوميدي

بصراحه طارق العلي مليت من مسرحياتك ومسلسلاتك

كلها نفس الشي وممله

I agree

[بوجانو]

بس عندي تصحيح للأخت بنت آل رحمة: لا توجد هكذا آية في القرآن.

[محماس]

طارق العلي ممثل فاشل والجريدة ما جابت شي جديد واقول حق إللي يدافعون عن طارق العلي ويش رايكم في المشهد إللي قعد فيه يهزأ الفنان حسن البلام عن رقصه في أغنية مشكلني لراشد الماجد حتى هذا الأخير ما سلم منه يوم قال حق البلام ما دورت الا هذا تشاركه في أغنيته
يا جماعة بالعقل طارق قاعد يهزأ الممثلين إللي وياه وهالشي عيب عليه خل يحترم نفسه علشان يحترمونه

[حقاني]

المشاركة الأصلية كتبت بواسطة هيون الرياض

اصلا طارق العلي من صحيه عبد ولد عبيد ومسوي فيها قبيلي اول مره اشوف قبيلي اسود هههههههههه بس بس يحليله مانقول الا الله يهديه

تراه مسكيين على نياته مايقصد شي

لألألألألأ !

لاتوصل فينا يا اخوان إلى التجريح في شخص "طارق العلي" مهما يكون ..

واحنا هنا ننتقد نهج طارق العلي مو شخصه! لأننا نتمنى له تقديم مايليق بعقلية المشاهد المحترم مو أكثر ..

وقديماً قيل : "ليكن انتقادك كالمطر الرقيق يكفي للتغذية والنمو ولايدمر الجذور"

للأسف احنا في 2010 ولين الحين مازالت عندنا بعض الأمراض الاجتماعية مثل القبلية والعرقية ووو ...

يعني ماعرفنا في الدين إلا ركعتين وتسبيحتين وتركنا كل اللي جاء به رسولنا الأكرم (ص) من قيم ؟!


مع خالص حبي وتقديري ..

[حقاني]

بعدين أنا حاب أضيف شغلة ..

ياجماعة اتركوا كل واحد يقدم اللي عنده وفي النهاية "كل ساقط وله لاقط" مثل مايقولون!

"المصبنة" على قولتكم بيروحون للي يعجبهم ..

واحنا اللي ندور مسرح أفضل .. نروح للي يعجبنا!

بس المشكلة ان مافي أحد يقدم مسرحيات هالأيام غير اللي على شاكلة مسرحيات طارق ..


فمثل مانعتب على طارق العلي .. خلنا نعتب على باقي الممثلين والكتاب المسرحيين .. إذا عندكم عمل جيد ومدروس قدموه .. والجمهور اللي يبي الزين بيجيكم ..
لكن إذا ماعندكم حاجة .. وقعدتوا تتهاوشون على فلوس وعلى هذا اسمه قبل اسمي وهذا لأ!!
لا تتكلمون باسم حماة الفن الهادف!

ولاتقعدون " تشورون " بغيركم!




.. مع خالص حبي ..