شوفة بوعدنان... مافي أحد فينا مايتمنى شوفة أبونا بوعدنان صدفة...أو عنوة... موضوعي.... منو فيكم صادف بوعدنان سواء فالكويت أو خارجها... وشنو كان شعوركم...؟ وشنو الموقف الي صار بينكم...؟ وإن شفتوه فالمستقبل شنو اول شي بتقولونه له....؟ أبلش فيني ...آنا شفته في أوتيل كوستا السالمية ...كان في مؤتمر صحفي وتكريم ممثلين مسلسل أسمهان... وكان تواجد كثيف للصحافة والأعلام للتغطية المؤتمر الصحفي وللمقابلات الصحفية... وآنا كنت رايحة اغطي لتلفزيون الكويت... فجاة ولا يدخل الملك بوعدنان والله فز قلبي له.... حدي ستانست ونطرت تخف الزحمة عنه ورحتله سلمت عليه ورحب فيني وكان حده ذوق وصراحه له هيبة وكان يوم صج ماينسى... بس صراحة أكتشفت اني غبية!!!! :confused: :confused: :confused: ماصورت معااااااه بس يمكن من الوناسه :) :) شوفته شرف لي ... الله لا يحرمنا منه ويعطيه طولة العمر يااااارب وأنتوا....ناطرة مشاركتكم...؟حباااااااايبي |
أنا ما شفته واتمنى أشوفه وأتمنى اكثر أزور الكويت |
شكرا جنفر على هالمشاعر .. واخوي حسان انشالله تزور الكويت وتكون بضيافتنا |
اقتباس:
انشالله يارب تشوفه...وتنور ديرتنا الكويت ونحطك بعيونا الثنتين مسكنك قلوبنا... وفرصة قرب مهرجان هلا فبراير وهالسنة غير فيه فعاليات حلوة وأشياء وايد يديدة ... فحياك الله بعيونا نشيلك أنت وكل ضيوفنا... بس أخوي أنت من وين...؟ وانت حسن أو حسان...؟ |
اقتباس:
مشكور أخوي محمد ... مشاعري له مثل مشاعر كل كويتي وكل معجبينه من كل مكان فالعالم... بس ككويتين بتحجى ربينا وكبرنا وتعلمنا وحبينا وعشقنا الفن وتعلمناه وحنا نشوف بوعدنان ... هو تراث وتاريخ الكويت... الله يعطيه طولة العمر يارب... |
مشكورة حبيبة قلبي جنفر يا بختك والله بشوفه الغالي أنا ما قد حصلني الشرف وشفت ابو عدنان لو من بعيد<<<<<< اهئ اهئ بس اتمنى اني اشوفه لو كذا مار بشارع والا بسياره لكن ع فكره انا ماتهمني شوفته اكثر من اني اتمناله كل خير يشوفه بحياتة وربي يسعده ويطول عمره وينتبه لصحته ودينه ويتقرب الى الله اكثر وهذا الشي اكييد مايتعارض مع الفن ابداً هو اللحين نجح بحياة الدنيويه وباقي حياته الأبديه ترى من خوفي عليه أقول هلشي وفديت ابو عدنان الطيب الله يسعده ويخليه لنا آمين ولا يحرمنا من شوفته |
فعلا الجميع يتمنى رؤية الهرم سواء على الطبيعة او خلف الشاشة انا شخصيا قابلت بوعدنان في مطار البحرين الدولي(مقر عملي) كنت على بوابة المغادرين في انتظار وصول جميع المسافرين ، وكانت الرحلة متوجهة لدبي(طيران الخليج) وكانت الرحلة على وشك الاقلاع وكان المتبقي مسافرين رجال الاعمال والدرجة الاولى وكنت انظر الى شاشة الجهاز الموجود وكنت اشاهد الاسماء المتبقية من المسافرين للدخول للطائرة،وكان اسم الفنان بوعدنان موجود ولكن معكوس *عبدالرضا حسين* ، ولم يأتي في بالي بان هو الفنان بوعدنان ، ولما وصل عند البوابة قال بابتسامة (ها عسى بس ما طيرتو الطيارة عنا ، اتاخرنا اشوي عليكم) وكنت غير مصدق ان بوعدنان امامي (رحبت به وقلت له بوعدنان مافي عمل جديد؟) جاوبني (ان شاء الله بتجوفون الجديد وان شاء الله يعجبكم) طبعا كان هالموقف سنة 2008 مع الف تحية |
اقتباس:
وعلى فكرة الوالد الله يرحمه من خريجين الكويت ومشكور على الدعوة اقتباس:
إنتي منورة المنتدى واسمي حســــــــــــــــن وأنا من الإمارات |
اقتباس:
ألف شكر لج حبيبتي هيون والله يعطيه طولة العمر يارب... بوعدنان...فخر لنا كلنا ... |
| الساعة الآن 06:32 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0