[أبو غادة]

هذه الرسالة وصلتني بالبريد وحبيت أنقلها لكم بدون أي تعديل

طيب الله ثراكم تخرجت من الجامعة انا واخوي سعد تخرجت انا من قسم علوم الأغذية والتغذية .. واخوي سعد تخرج من قسم التاريخ .... كانت فرحتنا بالتخرج لا توصف .... وقد كان من ضمن دفعتي ثلاثة من قبيلة ((عتيبه )) هم - نواف وعادل وملفي - كان تقديري جيد وتقدير العتبان مقبول ... بعد التخرج نواف توظف في جامعة الملك سعود اخصائي تغذية , اما عادل وملفي فلا اعلم اين ذهبوا

وفي يوم من الايام قدر الله ان يكون هناك وظيفة في ادارة الخدمات الطبية بالقوات المسلحة أعُلن عنها في الصحف توجهت (( بعناية الله ورعايته )) في صباح ذاك اليوم الى مبنى الخدمات الطبية الواقع على طريق الملك فهد .... وعند دخولي البوابة كان في استقبالي لفوف من المواطنين (( واعضاء من السلك الدبلوماسي , والسلك العسكري .. والسلك المكهرب ))

اوقفني العسكري الواقف امام مبنى الخدمات الطبية وقال : ابك انت وش تبا هنيا؟؟قلت : انا جاي اتقدم على الوظيفة اللي عندكم ؟؟قال العسكري : وش انت من لحيه ؟؟قلت : انا لحيتي (( خليجية ... مثل لحية محمد بن راشد المكتوم))

قال العسكري : ابك ما عندنا وظايف قلت : طيب شوف الاعلان المنشور في الجريدة ؟؟قال العسكري : ابك ما عرف اقرا ... لحظة شوي ..... يا رجا ... يا رجا... شف هالآدمي ذيا ويش يباجاء رجا ( وكلي رجاء ان يكون متعلم )

وقال: وش تبا ؟؟قلت : عندكم وظيفة وجيت أتقدم عليها وهذا هو الدليل - ورقة الاعلان قال رجا : ايه ايه تبا تتوظف ... وش شهادتك قلت : بكالوريوس ... تخصص علوم اغذية وتغذية قال رجا : وشو ( بقر وتيوس )؟؟قلت له : مو بقر وتيوس ....انا اقول (بكالوريوس )....يعني ( شهادة جامعة )قال رجا : قد دريت انها جامعة ...... بس حبيت امزح معك ..... انت تبا تتوظف في المستشفى العسكري ؟؟قلت : نعم اريد ان اسابق على هذه الوظيفة وعلني اكون من الحاصلين عليها وانا الان اريد مكتب التوظيف

قال رجا : لا يا الاجودي ... هنيا مافيه مكتب توظيف .. اذا تبا تقدم على الوظيفة ....... اكتب معروضك لطويل العمر وادخل عليه قلت له : ماشاء الله .. الامير سلطان هو المسئول عن الوظيفة ؟؟قال رجا : وجعا .. من قال انه الأمير سلطان ؟؟قلت له : اجل هو الامير عبدالرحمن ؟؟قال رجا : يا وجه الله .. انت علامك ما تفهم ؟؟ من جاب طاري الامير عبدالرحمن ؟؟قلت له : انت تقول .. اكتب معروض لطويل العمر , وادخل قابله قال رجا : ايه .. انا اقصد طويل العمر (( اللواء كتاب العتيبي )) ... اخو (( شما))

وحسب نصيحة ( رجا ) .... كتبت معروضي ودخلت مكتب اللواء (( كتاب العتيبي )) ... وسلمت على السكرتير ( عويد العتيبي ) .. قال عويد : وش تبا هنيا ؟؟قلت : الله يطول عمرك يا طويل العمر ... انا جاي اتقدم للوظيفة المعلنين عنها في الصحف (( اخصائي اغذية )) ــقال عويد : ايه ايه .... اوراقك زاهبة ؟؟قلت : نعم ... جاهزة يا طويل العمر . قال عويد: الحين يجي طويل العمرقلت : ماشاء الله ... ما جاء ( اللواء كتاب العتيبي ) الى الان ؟؟؟قال عويد : ابك لا ... انا اقصد ( العقيد هميل الجعيد ) مدير مكتب اللواء كتاب العتيبي دخلت على العقيد ( هميل الجعيد ) بعد أن تكرم على المواطنين بالحضور الى مقر عمله ........ وعندما نظري الى شخصي البسيط ...قال) حط اوراقك هنيا ... وعقب باكر تجي هنيا للمقابله ... انت توحي ولا ما توحي ؟؟

حضرت المقابلة ولم يحضر احد معي .. وقلت لنفسي ( ما فيها شي الواحد اذا سولف مع نفسه ... لا تقولون مهبول ) انا الوحيد , اذن انا الفائز .... كان اعضاء لجنة المقابلة هم (( فهد البلحطي و نجر النفيعي ومليط الروقي ))

السؤال الاول : ماهي الاشهر الحرم؟ - لاحظوا الوظيفة اخصائي تغذية السؤال الثاني وش اللي تبا تقدمه للخدمات الطبية ؟قال فهد البلحطي : انتهت المقابلة فقال نجر : شف ياولد .... تجي بعد باكر و تحصل النتيجه على الجدار ذيا .. انت توحي ولا ما توحي ؟؟اتيت على الموعد واذا بالنتيجة هي (( الحاصل على الوظيفة هم - نواف وملفي وعادل ))

غضبت غضبا شديدا اذ لم ارى احدهم في المقابلة وكذلك هم اقل مني معدلا كما انني احمل شهادات في الحاسب واللغة ..... على اثر ذلك ذهبت لرفع شكوى لمدير الخدمات الطبية اللواء (( كتاب العتيبي )) طول الله عمره , وجعله ذخرا للمواطنين .. وعندما دخلت المكتب قابلني عويد العتيبي وقال : وش تبا ؟؟قلت : ابغا اقابل اللواء( كتاب العتيبي ) حفظه الله من كل مكروه قال عويد : اللواء مسافر يم عفيف راح يشوف مزايينه قلت : متى يرجع ؟؟قال عويد : تعال باكر اتيت حسب الموعد ودخلت على اللواء ( وبشق الانفس ) وشكوت اللجنة وقلت له (( انها غير نزيهة ...وان هناك تلاعب ... اكتشفت انهم يعلنون عن وظيفة محجوزة لقريب لهم وكذلك انهم وظفوا اناس لا يستحقون )) ــقال اللواء : ابك ابك انت مجنون ؟؟ ولا بك ( صرع في دماجتك ) ؟؟هذي اللجنة انا اللي حطيتها ........... انززززلع يالتيسس لاعااااااااد اشوف وجهك ....... يا عقيد هميل .... يا عقيد هميل .... (( من اللي دخل الخبل ذيا ؟؟ ))

قال العقيد هميل : ياطويل العمر ازعجنا يبي يشوفك قال اللواء : انزززلع انت وياه واخرجني العقيد هميل الجعيد وذهبت وانا ابكي وانا مقهور من هذا الظلم وتلاشت حقيقة هذه الادارة التي جعلها اللواء كتاب العتيبي مأوى لجماعته وفي الختام اسرد لكم بعض الحقائق

1 عادل العتيبي - الفائز بالوظيفة هو صديق لأبن فهد البلحطي

2نواف العتيبي - الموظف في جامعة الملك سعود هو ابن اخت اللواء كتاب ويملك وظيفتين ويحصل على راتبين في جامعة الملك سعود وادارة الخدمات الطبية على بند الاجور

3 اما ((ملفي العتيبي ))فهو مرسول من شيخ الدوادمي

.. أما انا لازلت طريد الشوارع وأفكر حاليا في (( طرق سبيل للغناء )) و (( قيادة السيارة على كفرين )) .... وقد تطابق معي تفكيري .. اخوي سعد ...... واصبحنا نعقد جلسات الطرب حول استاد الملك فهدالرياضي ونغني ونرقص
(( واقفا علينا البعير انا واخويه سعد ... و ياليت بجنبي عصيده واربع صواني مرق .. والا بطاست عريكه .. أكلها حتي يسيل العرق ))

وختاما قبل لا تتقدم للوظيفة .. لابد ان تعرف ..( وش انت من لحية