[عنودقطر]

الصراحة دشيت هالمنتدى بالصدفة ولاعمري جاء في بالي اني بسجل معاكم لاني موب حريصه وايد على متابعة المنتديات الفنية بس الفنان عبدالحسين عبدالرضا يشهد الله اني احبه حيل لله في الله بدون سبب واستانس لا شفته عالتلفزيون وانا مستغربه وايد من نفسي امس حلمت فيه وشفته بالحلم وقعدت وانا مفزوعة والحلم كان يخوف لدرجة اني يوم قعدت من النوم لساني يدعي له لاشعوريا ان الله يحفظه ويحسن خاتمته لو كنت مفكره فيه والا شايفه له اي عمل قبل لا اخمد كان عذرت نفسي بس لا شفته ولا طرى في بالي دشيت الجوجل بشوف اخر اخباره لقيت هالمنتدى وسجلت فيه ويمكن ما ارد اكتب مرة ثانية كل اللي ابيه شغلتين لاني للاسف احلامي تصدق

ابي اعرف عبدالحسين شلون صحته بخير والا لا

واذا احد يعرفه معرفه شخصيه قولوا له ينتبه لنفسه

[احمد نادر]

ممكن تقولي الحلم لو سمحتي

[Noralehiah]

هلا فيك أختي عنود قطر بين أخوانك وأخواتك

اتمنى لكِ كل الفائدة والمتعة

[Noralehiah]

الله يهديك ياابوعدنان شنو تقول الحلم
الحلم يااخي على جناح طير اذا فسر وقع

[عنودقطر]

آنا بس أبي اتطمن عليه والحلم اذا انقال وقع

ولهالسبب انا ماقلته انا بس ابي احد يعرفه يطمنا عليه

على صحته على وضعه النفسي والاسري

والله يارب يخليه ولا يورينا فيه مكروه

قولوا آآآآمين وطلبتكم اللي قريب منه يقول لنا اي شي

[أحمد سامي]

العملاق الاستاذ " عبد الحسين عبد الرضا " بخير ولله الحمد وهو بصحة جيدة

اما الأحلام فهي شيء قد يقع ويحدث .. بالنهايه ماكل مانحلم به يجب ان نقولة .

[عنودقطر]

المشاركة الأصلية كتبت بواسطة احمد سامي

العملاق الاستاذ " عبد الحسين عبد الرضا " بخير ولله الحمد وهو بصحة جيدة

اما الأحلام فهي شيء قد يقع ويحدث .. بالنهايه ماكل مانحلم به يجب ان نقولة .

لا ما قلت الحلم انا بس ابي اتطمن انه بخير لا اكثر ولا اقل وانا مالي باخبار الفنانين ولا اتابع الجديد بس عبدالحسين عبدالرضا منهو اللي مايحبه ؟؟؟؟؟

اشهد اني تواذيت نفسيا من حلمت فيه

ومشكوووور لو بينك وبينها اتصال طلبتك بس تسلم عليه


واسفه لو ضايقتكم

فمان الله

[امل]

نتمنى الخير انشالله من هالحلم ..



الله يحميه من كل شر امين يارب العالمين ..

[وارث الطيب]

اشكركي على حرصك على سلامة ابو عدنان

وان شاء الله ان مافيه الا كل خير وعافيه (تفاءلو بالخير تجدوه)

وتقبلي مروري