[>< ساره ><]

بن عـيدان

في وايد انتقادات حق زوارة خميس بس اول مره احد ينتقد الفلاش باك
بالعكس هالحركه يديدة مومتعودين عليها بالمسلسلات العربية !! هبه حماده اختصرت حياة 24 شخصية خلال هالـ 3 ساعات وخلت الكل ينشد ويتابعها ،

الى متى واحنا الحلقات التعريفه نخليها على شكل "راوي" ولا اول حلقتين ماكو احداث بس استعراض لسيرة العايله وهذا دش وهذا طلع عساس نبين الشخصيات ،
اما اهي شدتنا بحركه يديدة وخلتنا نتابع ، ايضاً في حلقات فيها فلاش باك لأن الشخصيات وايد وصعب يجمعون الاحداث بثلاثين حلقه ،

##
##

أعيب عالمسلسل الجرأه بالطرح ! والحديث عن الحياة الخاصّة للزوجين بشكل مقزز احياناً ،
وكذلك بعض القصص مقتبسه "مثل اعادة عرس مرام والبريكي" مأخوذه من مسلسل اجنبي ،
أو لما تحط بجاماته بعدة الصيد "من قصه بالنت" ،
والجمع بالأحداث مثل كلهم يخونون مع بعض ، كلهم يزعلون بنفس الوقت الخ الخ
والـ 5 حلقات الأخيره صارت الأحداث بارده وتصاعدت بسرعه بالحلقه الأخيره !! يعني موت موزه حدث مهم ماأخذ حقّه ،

ودون هالعيوب اشوف المسلسل ضرب ضربه برمضان مااتوقع في احد ماتابعه واللي ماتابعه سمع بإسمه ومن الأعمال اللي عادت الدراما الكويتيه للقمه وانتشر عربياً ،

ولاحظ الحين لما بدينا نقرب من رمضان "الله يبلغنا اياه" نشوف اللي حوالينا يسالون شنو بيحطون بدال زوارة خميس
يعني قصدهم شنو المسلسل المهم هالسّنه

وبالنهاية مافي عمل بتلاقي كل الناس تحبه لازم له منتقدين