وايد نجوم يعتذرون من المنتج بدون نقاش لما يدري الدور "ضيف الشرف" ،، وقبل لايقرى النص حتى !!
يخافون تأثر على جماهيريتهم ( بعد البطوله يصير ضيف شرف ) أو يشوفها انتقاص من قدره مع ان أهم نجوم هوليوود طلعو "ضيوف" بأفلام ومسلسلات ،،
وحتى بسوريا اغلب النجوم الكبار مثل منى واصف ووفيق الزعيم وايمن زيدان كانو ضيوف شرف
##
##
عندنا بالخليج في فنانين سوو ادوار ماتعدّت حلقات معدوده بس كانت من أهم الأدوار سووها بحياتهم :
اشوف على كل المسلسلات اللي قدمتها ليلى السلمان بس دورها ببوكريم غير مع كمية الشر اللي فيها ،،
عبدالرحمن العقل عقب مسلسلات بطولة فاشله ساهر رجعله الأضواء وأهو ضيف شرف ،
حمد العماني ضرب بشخصية صقر وسوته نجم وأهو ماتعدى 11 حلقه ،،
والقائمة تطول ،،
وعموماً السالفه ترجع بالأول والأخير لثقة الفنان بنفسه 