[سوالف بنت]

بصراحه انا مو عارفه وش اقول وبجد خايفه على بلدي من الصدامات المتكرره من بعض المتشددين وبعض الناس المطالبه بالانفتاح والتحرير
اولا عندنامشكله كبيره في السعوديه كل يوم والثاني طالع فيديو ويقولون شوفوا بنات السعوديه وشوفوا الكبت وش يسوي وطبعا اغلبها فديوهات رقص ومسخره تشوه سمعه بناتنا وانا اتحدى اذا كانت هاذي الفديوهات لبنات سعوديات اصل وفصل او بنات عوايل لان ولله الحمد لسى الدنيا بخير ولسى السعوديات محافظات على الحشمه والعادات والتقاليد ولاانكر ان فيه بعض الممارسات الخاطئه واللي ماتحترم طبيعه الجو في السعوديه خصوصا في المدن الكبرى مثل جده والرياض والشرقيه
واما بالنسبه لموضوع التشدد والهجوم على المهرجان فهاذا مو اسلوب الدين المعامله انا لست ضد رجال الهيئه بس انا ضد الاسلوب الهجومي بدافع الامر بالمعروف كان المفروض تقديم النصح والمعامله الحسنه لان للاسف في ناس ثقافتهم كل ممنوع مرغوب
والناس اللي تطالب بألغاء المهرجان ليش ياناس نبي نفرح نبي نحتفل نبي نغير جو ترا يجوز لنا نطلع ونتفرج ونتونس ترى الحياه حلوه والسعوديه بلد حلو لاتخوفون الناس يحسبون ان حنا عايشين بجحيم وبكبت
اخيرا الاخ احمد سامي غير كلمه مطوع تراها تستفز كثيرين تقبل مشاركتي