[ابولين]

المشاركة الأصلية كتبت بواسطة صوت تبوك

ياحياك الله اخوي ابو لين
الله يسعدك ويعلي شانك والله شهادة اعتز بها ووسام على صدري

والله يالغالي اني مجتهد بس المشكله ان لي خط معين احبه بالاعمال

انا ما احب الشيلات اللي بها صراخ وازعاج
وبنفس الوقت اغلب الشيلات وعشان تنشهر لازم تمدح القبيله الفلانيه او الشخص الفلاني وهذا اسرع مجال لكن انا من طلعت ارفض تماماً ان أسمي يرتبط بمدح فلان او علان وهي وجهة نظري يمكن اكون غلطان بها لكن ما احب اكون بوق يغني لمن يدفع مع ان فيها فلوس و شهرة لكني لا ارغبها نهائيا
جتني عروض عدة لكن ارفضها
ماهو تقليل بشأن أحد ولاهو نقص بي حتى انا ابن قبيله ومعروفه ولكن حتى قبيلتي مااسجل لها عشان السبب اللي ذكرته لك
وحتى بمجال شيلات الزفات ارفضها عشان بكره الناس مايقولون لعيالي هذا ابوهم طقاق😂
لان المجتمع اللي حولي للان مغلق وماسلمت منهم من مثلت سابقا ليومك هذا

انا كنت كل سنه انزل عمل باستثناء السنوات الاخيره ٢٠٢٠ و ٢٠٢١ نزلت ٦ اعمال
وابد لو بس تكتب بيوتيوب بدر الجديع راح تطلع لك اعمالي سوا بقناتي او بقنوات اخرى ولي حسابي بالانستقرام وتويتر وسناب
albadrstar22
يشرفني متابعتكم لي
والسناب مشكلتي قليل ادخله بحكم الدوام ومنصة مدرستي للابناء بالمساء
والله يحفظك على كلامك الطيب ياطيب ويعز مقدارك

طبعا نحترم رأيك ونهجك اللى تتبعه وتراه
فيه ناس يرونه خطاء وفيه منهم يرونه صح في النهايه الامر يخصك وله تقديره
انا من متابعين طاش بجميع اجزاءه واعذرني ما اذكرك
ممكن تذكر الجزء اللى طلعت فيه واسم الحلقه حتى استرجعها واسترجع الذاكره
لمشاهدتك واركز عليك